പ്രധാനമന്ത്രി കിസാന്‍ യോജനയുടെ തുക ഉയര്‍ത്തിയേക്കും; ബജറ്റില്‍ പ്രഖ്യാപനത്തിന് സാധ്യത

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കര്‍ഷകര്‍ക്ക് പണം നേരിട്ട് ബാങ്കിലെത്തിക്കുന്ന പ്രധാനമന്ത്രി കിസാന്‍ യോജനയുടെ തുക ഉയര്‍ത്താന്‍ സാധ്യത. കാര്‍ഷിക പരിഷ്‌കരണ നിയമങ്ങള്‍ക്കെതിരെ രണ്ടു മാസത്തിലധികമായി സമരം ചെയ്യുന്ന കര്‍ഷകര്‍ക്കുള്ള ഒരു സന്ദേശമായിരിക്കും സര്‍ക്കാരിന്റെ പ്രഖ്യാപനം എന്നാണ് സൂചന. ബജറ്റില്‍ തുക വര്‍ധിപ്പിച്ച് പ്രഖ്യാപനമുണ്ടാകുമെന്നാണ് ദേശീയ മാധ്യമങ്ങളുടെ റിപ്പോര്‍ട്ട്. തിങ്കളാഴ്ച ധനമന്ത്രി നിര്‍മല സീതാരാമന്‍ പാര്‍ലമെന്റില്‍ ബജറ്റ് അവതരിപ്പിക്കും. കര്‍ഷകരുടെ ക്ഷേമത്തിന് സര്‍ക്കാര്‍ ഊന്നല്‍ നല്‍കുന്നു എന്ന് കേന്ദ്രം വ്യക്തമാക്കിയിരുന്നു. ഇത് അടിവരയിടുന്നതായിരിക്കും ബജറ്റിലെ പ്രഖ്യാപനമെന്ന് സര്‍ക്കാര്‍ വൃത്തങ്ങള്‍ സൂചിപ്പിക്കുന്നു.

 
പ്രധാനമന്ത്രി കിസാന്‍ യോജനയുടെ തുക ഉയര്‍ത്തിയേക്കും; ബജറ്റില്‍ പ്രഖ്യാപനത്തിന് സാധ്യത

കാര്‍ഷിക മേഖലയുമായി ബന്ധപ്പെട്ട നിരവധി നിര്‍ദേശങ്ങളാണ് സര്‍ക്കാരിന് ലഭിച്ചിട്ടുള്ളത്. അതിലൊന്നാണ് പ്രധാനമന്ത്രി കിസാന്‍ യോജനയുടെ ഭാഗമായി നല്‍കുന്ന വാര്‍ഷിക തുക വര്‍ധിപ്പിക്കുക എന്നത്. കടുത്ത സാമ്പത്തിക പ്രതിസന്ധിയുണ്ടാക്കുന്നതാണെങ്കിലും നിലവിലെ സാഹചര്യത്തില്‍ സര്‍ക്കാര്‍ അനുകൂല തീരുമാനം എടുക്കുമെന്നാണ് കരുതുന്നതെന്ന് കേന്ദ്ര ധനമന്ത്രാലയത്തിലെ ഉദ്യോഗസ്ഥനെ ഉദ്ധരിച്ച് ഇന്ത്യ യുഡെ റിപ്പോര്‍ട്ടില്‍ പറയുന്നു.

ചെറുകിട-ഇടത്തരം കര്‍ഷകരെ സാമ്പത്തികമായി സഹായിക്കുന്ന പദ്ധതിയാണ് പ്രധാനമന്ത്രി കിസാന്‍ സമ്മാന്‍ നിധി യോജന. വര്‍ഷത്തില്‍ 6000 രൂപ കര്‍ഷകര്‍ക്ക് നല്‍കുന്നതാണ് പദ്ധതി. വര്‍ഷത്തില്‍ മൂന്ന് തവണയായിട്ടാണ് ഈ തുക നല്‍കുക. നാലു മാസത്തില്‍ ഒരിക്കലാണ് പണം ബാങ്കിലെത്തുക. കര്‍ഷകരുടെ ബാങ്ക് അക്കൗണ്ടില്‍ നേരിട്ട് പണം നിക്ഷേപിക്കുകയാണ് ചെയ്യുന്നത്. ഏഴാംതവണയായി കഴിഞ്ഞ മാസം പിഎം കിസാന്‍ പദ്ധതിയില്‍ കേന്ദ്രം പണം നിക്ഷേപിച്ചിരുന്നു. 18000 കോടി രൂപയാണ് കര്‍ഷകരുടെ അക്കൗണ്ടുകളിലേക്കായി ഡിസംബറില്‍ നല്‍കിയത്. ഇതുവരെ പദ്ധതിയുടെ ഭാഗമായി 1.10 ലക്ഷം കോടി രൂപ നല്‍കിയിട്ടുണ്ട് എന്നാണ് പ്രധാനമന്ത്രി നരേന്ദ്ര മോദി ഡിസംബറില്‍ പറഞ്ഞത്.

English summary

Budget 2021: PM-Kisan Yojana amount likely to be rise in Budget

Budget 2021: PM-Kisan Yojana amount likely to be rise in Budget
Story first published: Saturday, January 30, 2021, 17:40 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X