കേന്ദ്ര ബജറ്റ് 2025: നികുതി നിരക്ക്, ഇന്ധനത്തിന്റെ എക്സൈസ് ഡ്യൂട്ടി എന്നിവ കുറക്കാൻ നിർദ്ദേശങ്ങൾ ഉയരുന്നു

2025-26 ബജറ്റ് ഫെബ്രുവരി 1ാം തിയ്യതി അവതരിപ്പിക്കും. ഇത്തവണ എന്തെല്ലാം മാറ്റങ്ങൾ സംഭവിക്കുമെന്നത് ശ്രദ്ധേയമാണ്. നിലവിൽ വിവിധ ആവശ്യങ്ങളാണ് ഓരോ സംസ്ഥാനത്തിന്റെ ധനമന്ത്രിമാരും സാമ്പത്തിക വിദ​ഗ്ധരും അഭിപ്രായപ്പെട്ടത്. നികുതി നിരക്ക്, ഇന്ധന വില തുടങ്ങിയ ആവശ്യങ്ങളും ഇതിൽ ഉൾപ്പെടുന്നു. 2025ലെ പുതിയ തീരുമാനങ്ങൾ രാജ്യത്തിന്റെ സാമ്പത്തിക രം​ഗത്തെ ഉയർച്ചയിലേക്ക് നയിക്കുമോ?

മാർജിനൽ നികുതി നിരക്കുകൾ കുറക്കാൻ നിർദ്ദേശിക്കുന്നുണ്ട്. അതായത് പ്രതിവർഷം 20 ലക്ഷം രൂപ വരെ വരുമാനമുള്ള വ്യക്തികളുടെ മാർജിനൽ നികുതി നിരക്കുകൾ കുറയ്ക്കാനാണ് നിർദ്ദേശിച്ചത്. ഈ നടപടികൾ വർദ്ധിച്ച ഉപഭോഗം, ഉയർന്ന വളർച്ച, മെച്ചപ്പെട്ട നികുതി വരുമാനം എന്നിവയുമായി ബന്ധപ്പെട്ടിരിക്കുന്നു.

ഈ നികുതി ഭാരം അൽപം പ്രയാസമേറിയതാണ്. പ്രത്യേകിച്ചും സാധാരണക്കാർക്ക്. വ്യക്തികൾക്കുള്ള ഏറ്റവും ഉയർന്ന മാർജിനൽ ടാക്സ് നിരക്ക് 42.74 ശതമാനമാണ്. സ്റ്റാൻഡേർഡ് കോർപ്പറേറ്റ് ടാക്സ് നിരക്ക് 25.17ശതമാനവുമാണ്. അതായത് പണപ്പെരുപ്പം മൂലം ഇടത്തരം, താഴ്ന്ന വരുമാനക്കാരായ വിഭാഗങ്ങളുടെ പർച്ചേസിം​ഗ് ശേഷിയാണ് ഇതിലൂടെ ഇല്ലാതാക്കുന്നതെന്ന് കോൺഫെഡറേഷൻ ഓഫ് ഇന്ത്യൻ ഇൻഡസ്ട്രി (സിഐഐ) വാദിക്കുന്നു.

ഇതു പോലെ തന്നെ പെട്രോൾ വിലയും ഒരു പ്രശ്നമാണ്. പെട്രോളിന്റെ റീടെയിൽ വിലയുടെ 21% കേന്ദ്ര എക്സൈസ് ഡ്യൂട്ടി മാത്രമാണ്. ഡീസലിന്റേത് മാത്രം 18% എന്ന തോതിലാണ്. 2022 മെയ് മുതൽ, ആഗോള ക്രൂഡ് വിലയിൽ ഏകദേശം 40% ഇടിവ് ഉണ്ടായിട്ടും ഈ തീരുവകൾ ക്രമീകരിച്ചിട്ടില്ല. ഇന്ധനത്തിന്മേലുള്ള എക്സൈസ് തീരുവ കുറയ്ക്കുന്നത് മൊത്തത്തിലുള്ള പണപ്പെരുപ്പം കുറയ്ക്കാനും ഡിസ്പോസിബിൾ വരുമാനം വർദ്ധിപ്പിക്കാനും സഹായിക്കും.

ഡിസ്പോസിബിൾ വരുമാനം വർദ്ധിപ്പിക്കുന്നതിൽ ശ്രദ്ധ കേന്ദ്രീകരിക്കുക

ഇന്ത്യയുടെ വളർച്ചയിൽ ആഭ്യന്തര ഉപഭോഗത്തിൻ്റെ പ്രാധാന്യത്തെ കുറിച്ചും പണപ്പെരുപ്പ സമ്മർദ്ദം ഉപഭോക്താക്കളുടെ പർച്ചേസിം​ഗ് ശേഷി കുറച്ചിരിക്കുന്നുവെന്നും സി.ഐ.ഐ ഡയറക്ടർ ജനറൽ ചന്ദ്രജിത് ബാനർജി പറഞ്ഞു. സർക്കാർ ഇടപെടലുകൾക്ക് ഡിസ്പോസിബിൾ വരുമാനം വർദ്ധിപ്പിക്കുന്നതിലും സാമ്പത്തിക ആക്കം നിലനിർത്തുന്നതിന് ചെലവുകൾ ഉത്തേജിപ്പിക്കുന്നതിലും ശ്രദ്ധ കേന്ദ്രീകരിക്കാൻ കഴിയും. ഈ പണപ്പെരുപ്പം വർദ്ധിക്കുന്നതിനാൽ കുറഞ്ഞ വരുമാനമുള്ള ഗ്രാമീണ കുടുംബങ്ങളെ അത് ബാധിക്കുന്നു.

ഭക്ഷണത്തിനു വേണ്ടിയാണ് ഓരോ ദിവസത്തിന്റെയും വലിയൊരു തുക അവർക്ക് ചിലവാകുന്നത്. ഈ പണപ്പെരുപ്പം മൂലം നിലവിലെ സാഹചര്യത്തിൽ അവർക്ക് ഭക്ഷണം പോലും ചിലവേറുന്നു എന്നതാണ് സത്യം.

റൂറൽ ഡിമാൻഡ് വർദ്ധിപ്പിക്കുന്നു..

ഗ്രാമീണ ആവശ്യങ്ങൾ ശക്തിപ്പെടുത്തുന്നതിനായി ഉപഭോഗ വൗച്ചറുകൾ അവതരിപ്പിക്കുന്നതിനൊപ്പം, MGNREGS (മഹാത്മാ ഗാന്ധി നാഷണൽ റൂറൽ എംപ്ലോയ്മെൻ്റ് ഗ്യാരണ്ടി സ്കീം), PM-KISAN, PMAY (പ്രധാൻ മന്ത്രി ആവാസ് യോജന) തുടങ്ങിയ പ്രധാന പദ്ധതികൾക്ക് കീഴിൽ ഓരോ യൂണിറ്റിനും ആനുകൂല്യങ്ങൾ വർദ്ധിപ്പിക്കുന്നത് പോലുള്ള സർക്കാർ ഇടപെടലുകൾ സി.ഐ.ഐ ഡയറക്ടർ ജനറൽ ചന്ദ്രജിത് ബാനർജി നിർദ്ദേശിച്ചു.

MGNREGS-ന് കീഴിലുള്ള ദിവസ വേതനം വർദ്ധിപ്പിക്കണം: 2017-ൽ 'ദേശീയ മിനിമം വേതനം നിശ്ചയിക്കുന്നതിനുള്ള വിദഗ്ധ സമിതി ശുപാർശ ചെയ്തത് പ്രകാരം മിനിമം വേതനം 267 രൂപയിൽ നിന്ന് 375 രൂപയായി ഉയർത്തുന്നു. ഇതിന് 42,000 കോടി രൂപ അധിക ചെലവ് വേണ്ടിവരുമെന്ന് സി.ഐ.ഐ കണക്കാക്കി.

PM-KISAN-ന് കീഴിൽ പേഔട്ടുകൾ വർദ്ധിപ്പിക്കുന്നു: PM-KISAN-ന് കീഴിൽ വാർഷിക പേഔട്ട് 6,000 രൂപയിൽ നിന്ന് 8,000 രൂപയായി ഉയർത്തുന്നു, ഇതിൽ 10 കോടി ഗുണഭോക്താക്കൾക്ക് 20,000 കോടി രൂപയുടെ അധിക ചിലവ് വരും.

PMAY-G, PMAY-U എന്നിവയ്ക്ക് കീഴിലുള്ള ചിലവുകൾ അപ്ഡേറ്റ് ചെയ്യുന്നു: ഈ ഭവന പദ്ധതികൾക്ക് കീഴിലുള്ള യൂണിറ്റ് ചെലവുകൾ അപ്ഡേറ്റ് ചെയ്യണമെന്ന വാദങ്ങൾ ഉയരുന്നുണ്ട്. കാരണം ഈ പദ്ധതി ആരംഭിച്ചതു മുതൽ യാതൊരു മാറ്റവും സംഭവിച്ചിട്ടില്ല.