കൊവിഡ് 19 സൃഷ്ടിച്ച പ്രതിസന്ധിയും തുടര്ന്നുണ്ടായ ലോക്ക് ഡൗണും മിക്ക കമ്പനികളെയും സാരമായി ബാധിച്ചിട്ടുണ്ട്. ഇക്കാരണത്താല്ത്തന്നെ പലരും ജീവനക്കാരുടെ ശമ്പളവും മറ്റും വെട്ടിക്കുറയ്ക്കുകയാണ്. എങ്കിലും, ഇത്തരം പ്രയാസകരമായ സമയങ്ങളില് പോലും ജീവനക്കാര്ക്ക് ശമ്പള വര്ദ്ധനവ് നല്കി ചില കമ്പനികള് വേറിട്ട് നില്ക്കുന്നു. ഐടി പ്രമുഖരായ കേപ്ജെമിനി തങ്ങളുടെ 70 ശതമാനം ജീവനക്കാര്ക്കും ഈ വര്ഷം ശമ്പള വര്ദ്ധനവ് നല്കി. ഏപ്രില് ഒന്ന് മുതല് നിലവില് വരുന്ന ശമ്പള വര്ദ്ധനവിന്റെ പ്രയോജനം 84,000 ജീവനക്കാര്ക്ക് ലഭ്യമാകും.
ശേഷിക്കുന്ന ജീവനക്കാരുടെ ശമ്പള വര്ദ്ധനവ് സംബന്ധിച്ച അപ്രൈസല് ജൂലൈ മാസത്തോടെ ഉണ്ടാവുമെന്നും റിപ്പോര്ട്ടുകള് പറയുന്നു. വിപുലീകരിച്ച ഓഫറുകള് നല്കുന്നതും കാമ്പസ് റിക്രൂട്ട്മെന്റിനും പ്രാധാന്യം നല്കുന്ന ചുരുക്കം ചില കമ്പനികളില് ഒന്നാണ് കേപ്ജെമിനി. മാര്ച്ച് അവസാനിക്കുന്ന പാദത്തില് 4,000 പേര്ക്ക് ജോലി നല്കാന് കമ്പനിയ്ക്കായി. ഇതില് 2,000 പേര് തുടക്കക്കാരാണെന്നതും ശ്രദ്ധേയം. നിലവിലെ സാഹചര്യം പ്രതികൂലമാണ്. 'ബിസിനസ് എങ്ങനെ വിപുലീകരിക്കാമെന്നതാണ് ഞങ്ങളുടെ മുന്നിലുള്ള ചോദ്യം.
മുഖ്യമന്ത്രിമാരുടെ ദുരിതാശ്വാസ നിധിയിലേക്കുള്ള സംഭാവനകള് സിഎസ്ആര് യോഗ്യത നേടില്ല
കമ്പനിയുടെ സാമ്പത്തിക മാതൃക എങ്ങനെയായിരിക്കുമെന്നതിനെ കുറിച്ച് ഞങ്ങള്ക്ക് വ്യക്തമായ കാഴ്ചപ്പാടുണ്ട്. ആയതിനാല്, ഈ സമീപനം നിര്ത്താന് ഞങ്ങള് ഒരു കാരണവും കാണുന്നില്ല', കേപ്ജെമിനി ഇന്ത്യ സിഇഒ അശ്വിന് യാര്ഡി വ്യക്തമാക്കി. ഇന്ത്യയില് വലിയ സാന്നിധ്യമുള്ള ഫ്രഞ്ച് ഐടി മള്ട്ടിനാഷണല്, താമസസൗകര്യം ഇല്ലാത്ത ജീവനക്കാര്ക്ക് 10,000 രൂപയുടെ ക്യാഷ് അലവന്സും മറ്റ് ആനുകൂല്യങ്ങളും നല്കുന്നുണ്ട്. ബില് ചെയ്യാവുന്ന പദ്ധതിയില് പ്രവര്ത്തിക്കാത്ത ജീവനക്കാര്- ബെഞ്ചിലുള്ളവരെ പോലും നിലനിര്ത്തുന്നതില് ശ്രദ്ധ കേന്ദ്രീകരിക്കുമെന്ന് കമ്പനി അറിയിച്ചു.
ട്രംപിനെതിരെ വിമർശനവുമായി ബിൽ ഗേറ്റ്സ്; ഇത് അപകടകരം, പകരം വയ്ക്കാനാകില്ല
സാധാരണയായി ബെഞ്ചിലുള്ളവര്ക്ക് ഗ്രേസ് പിരീഡ് 60 ദിവസം വരെയാണ്. ഐടി മേഖലയിലെ പ്രധാനിയായ കമ്പനിയ്ക്ക് ബെഞ്ച് വിഭാഗത്തില് 8% ജീവനക്കാരുണ്ട്. കേപ്ജെമിനിയെ കൂടാതെ ഡിജിറ്റല് പേയ്മെന്റ് സംരംഭമായ ഭാരത്പേയും അമേരിക്കന് ഐടി മള്ട്ടിനാഷണല് ആയ കോഗ്നിസെന്റും അവരുടെ ജീവനക്കാരുടെ ശമ്പളത്തില് വര്ദ്ധനവ് വരുത്തിയിട്ടുണ്ട്. ജീവനക്കാര്ക്ക് 20 ശതമാനം ശമ്പള വര്ദ്ധനവ് നല്കുന്നതായാണ് ഭാരത്പേ സ്ഥാപകനും സിഇഒയുമായ അഷ്നീര് ഗ്രോവര് അറിയിച്ചത്. അസോസിയേറ്റ് ലെവല് ജീവനക്കാരുടെ ശമ്പളം വര്ദ്ധിപ്പിക്കുന്നതായാണ് കോഗ്നിസെന്റ് അറിയിച്ചത്.