ജിയോ മൂലധന സമാഹരണം തുടരുന്നു; 5,683.50 കോടി രൂപ നിക്ഷേപച്ച് അബുദാബി ഇന്‍വെസ്റ്റ്‌മെന്റ് അതോറിറ്റി

ഇതോടെ ഈ നിക്ഷേപകർക്കെല്ലാം കൂടി ജിയോ പ്ലാറ്റ്‌ഫോമുകളിൽ 21.06 ശതമാനം പങ്കാളിത്തമുണ്ട്. അബുദാബി സര്‍ക്കാരിനുവേണ്ടി ഫണ്ട് നിക്ഷേപിക്കുകയും ആഗോള നിക്ഷേപ പോര്‍ട്ട്‌ഫോളിയോ കൈകാര്യം ചെയ്യുകയും ചെയ്യുന്ന കമ്പനിയാണ് എഡിഎഐ. ജിയോയിലെ സമീപകാല സ്വകാര്യ ഇക്വിറ്റി നിക്ഷേപങ്ങള്‍ക്ക് സമാനമായ മൂല്യത്തിലാണ് എഡിഎയുടെ നിക്ഷേപം

1976 മുതല്‍ പ്രവര്‍ത്തിക്കുന്ന ഈ കമ്പനിയുടെ നിക്ഷേപം ഇന്ത്യയുടെ തന്നെ ഡിജിറ്റല്‍ ബിസിനസ് വളര്‍ച്ചയിലേക്കുള്ള കാല്‍വയ്‌പാണെന്നും തങ്ങളില്‍ അര്‍പ്പിച്ച വിശ്വാസത്തെ കൂടുതല്‍ കരുത്തോടെ തുടര്‍ന്നുള്ള യാത്രയ്ക്ക് കരുത്ത് പകരാന്‍ തങ്ങളെ പ്രോത്സാഹിപ്പിക്കുകയാണെന്നും റിലയൻസ് ഇന്‍ഡസ്ട്രീസ് ഗ്രൂപ്പ് ചെയര്‍മാനും മാനേജിംഗ് ഡയറക്റ്ററുമായ മുകേഷ് അംബാനി പറഞ്ഞു.

കേരളത്തിൽ പെട്രോൾ, ഡീസൽ വിലയിൽ രണ്ടാം ദിവസവും വർദ്ധനവ്

ഒന്നര മാസത്തിനിടെ ജിയോ പ്ലാറ്റ്ഫോമുകളിൽ നടത്തിയ നിക്ഷേപം ഇവയാണ്;

ഫേസ്‌ബുക്ക് : 43,573.62 കോടി രൂപ (9.99% ഓഹരി)

സില്‍വര്‍ ലേക്ക് : 5,655.75 കോടി രൂപ (1.15%)

വിസ്റ്റ ഇക്വിറ്റി പാര്‍ട്ണര്‍മാര്‍ : 11,367 കോടി രൂപ (2.32%)

ജനറല്‍ അറ്റ്‌ലാന്റിക്- 6,598.38 കോടി രൂപ (1.34%)

കെകെആര്‍ : 11,367 കോടി (2.32%),

മുബാദല, 9,093.60 കോടി രൂപ

സില്‍വര്‍ ലേക്ക് പങ്കാളികള്‍ (അധിക നിക്ഷേപം-1.85%), 4,546.80 കോടി രൂപ (0.93%)

അബുദാബി ഇന്‍വെസ്റ്റ്‌മെന്റ് അതോറിറ്റി, 5,683.50 കോടി ഡോളര്‍ (1.16%).

മൊത്തം നിക്ഷേപം- 97,885.65 കോടി രൂപ (21.06%).