റിലയന്സ് ഇന്ഡസ്ട്രീസിന്റെ ഡിജിറ്റല്, ടെലികമ്മ്യൂണിക്കേഷൻ യൂണിറ്റായ ജിയോ പ്ലാറ്റ്ഫോമുകളിലേക്കുള്ള മൂലധന സമാഹരണം തുടരുന്നു. സില്വര് ലോക്കിന്റെ രണ്ടാം നിക്ഷേപത്തിനു ശേഷം റിലയന്സ് ജിയോയുടെ 1.16 ശതമാനം ഓഹരികൾ സ്വന്തമാക്കിയിരിക്കുകയാണ് അബുദാബി ഇന്വെസ്റ്റ്മെന്റ് അതോറിറ്റി (എഡിഎഐ). 5,683.50 കോടി രൂപയുടെ നിക്ഷേപമാണ് അബുദാബി ഇന്വെസ്റ്റ്മെന്റ് അതോറിറ്റി നടത്തിയിരിക്കുന്നത്.
ഒന്നര മാസത്തിനിടെ എത്തുന്ന എട്ടാമത്തെ നിക്ഷേപമാണ് അബുദാബി ഇന്വെസ്റ്റ്മെന്റ് അതോറിറ്റിയുടേത്. ഇതോടെ 97,885.65 കോടി രൂപയാണ് മുകേഷ് അംബാനിയുടെ നേതൃത്വത്തിലുള്ള റിലയൻസ് ഇൻഡസ്ട്രീസ്, ടെലികോം-ടെക്നോളജി സംരംഭമായ ജിയോ ഇതിനോടകം സമാഹരിച്ചത്. അബുദാബി ഇന്വെസ്റ്റ്മെന്റ അതോറിറ്റിക്കുപുറമെ അബുദാബി സ്റ്റേറ്റ് ഫണ്ടായ മുബാദല ഇൻവെസ്റ്റ്മെന്റ്, ഫേസ്ബുക്ക്, സിൽവർ ലേക്ക് (രണ്ടു തവണ), വിസ്റ്റ ഇക്വിറ്റി പാർട്ണേഴ്സ്, ജനറൽ അറ്റ്ലാന്റിക്, കെകെആർ, എന്നിവയാണ് ഇതിനോടകം ജിയോയിൽ നിക്ഷേപം നടത്തിയത്.
ക്രൂഡ് ഓയിൽ വില കുത്തനെ ഉയർത്താനൊരുങ്ങി സൗദി അറേബ്യ; 20 വർഷത്തിനിടയിലെ ഏറ്റവും വലിയ വർദ്ധനവ്
ഇതോടെ ഈ നിക്ഷേപകർക്കെല്ലാം കൂടി ജിയോ പ്ലാറ്റ്ഫോമുകളിൽ 21.06 ശതമാനം പങ്കാളിത്തമുണ്ട്. അബുദാബി സര്ക്കാരിനുവേണ്ടി ഫണ്ട് നിക്ഷേപിക്കുകയും ആഗോള നിക്ഷേപ പോര്ട്ട്ഫോളിയോ കൈകാര്യം ചെയ്യുകയും ചെയ്യുന്ന കമ്പനിയാണ് എഡിഎഐ. ജിയോയിലെ സമീപകാല സ്വകാര്യ ഇക്വിറ്റി നിക്ഷേപങ്ങള്ക്ക് സമാനമായ മൂല്യത്തിലാണ് എഡിഎയുടെ നിക്ഷേപം
1976 മുതല് പ്രവര്ത്തിക്കുന്ന ഈ കമ്പനിയുടെ നിക്ഷേപം ഇന്ത്യയുടെ തന്നെ ഡിജിറ്റല് ബിസിനസ് വളര്ച്ചയിലേക്കുള്ള കാല്വയ്പാണെന്നും തങ്ങളില് അര്പ്പിച്ച വിശ്വാസത്തെ കൂടുതല് കരുത്തോടെ തുടര്ന്നുള്ള യാത്രയ്ക്ക് കരുത്ത് പകരാന് തങ്ങളെ പ്രോത്സാഹിപ്പിക്കുകയാണെന്നും റിലയൻസ് ഇന്ഡസ്ട്രീസ് ഗ്രൂപ്പ് ചെയര്മാനും മാനേജിംഗ് ഡയറക്റ്ററുമായ മുകേഷ് അംബാനി പറഞ്ഞു.
കേരളത്തിൽ പെട്രോൾ, ഡീസൽ വിലയിൽ രണ്ടാം ദിവസവും വർദ്ധനവ്
ഒന്നര മാസത്തിനിടെ ജിയോ പ്ലാറ്റ്ഫോമുകളിൽ നടത്തിയ നിക്ഷേപം ഇവയാണ്;
ഫേസ്ബുക്ക് : 43,573.62 കോടി രൂപ (9.99% ഓഹരി)
സില്വര് ലേക്ക് : 5,655.75 കോടി രൂപ (1.15%)
വിസ്റ്റ ഇക്വിറ്റി പാര്ട്ണര്മാര് : 11,367 കോടി രൂപ (2.32%)
ജനറല് അറ്റ്ലാന്റിക്- 6,598.38 കോടി രൂപ (1.34%)
കെകെആര് : 11,367 കോടി (2.32%),
മുബാദല, 9,093.60 കോടി രൂപ
സില്വര് ലേക്ക് പങ്കാളികള് (അധിക നിക്ഷേപം-1.85%), 4,546.80 കോടി രൂപ (0.93%)
അബുദാബി ഇന്വെസ്റ്റ്മെന്റ് അതോറിറ്റി, 5,683.50 കോടി ഡോളര് (1.16%).
മൊത്തം നിക്ഷേപം- 97,885.65 കോടി രൂപ (21.06%).