Just In
-
-
-
-
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
വാഹന നിര്‍മ്മാതാക്കളുടെ കഷ്ടകാലം തീരുന്നില്ല. ഫെബ്രുവരി മാസത്തിലും കാര്‍ വില്‍പ്പന നിലതെറ്റി. പോയമാസം 2.3 ശതമാനം ഇടിവാണ് മാരുതി സുസുക്കി നേരിട്ടത്. ജനുവരിയില്‍ നിലമെച്ചപ്പെടുത്തിയതിന് ശേഷമായിരുന്നു കമ്പനിയുടെ വീഴ്ച്ച. ഇതേസമയം, ആള്‍ട്ടോയും പുതിയ എസ്-പ്രെസ്സോയും മാരുതിയെ കാര്യമായി തുണച്ചു. ഇരു മോഡലുകളുടെയും പിന്‍ബലത്തില്‍ 11.1 ശതമാനം വളര്‍ച്ചയാണ് ചെറുകാര്‍ ശ്രേണിയില്‍ കമ്പനി കയ്യടക്കിയത്.
എന്നാല്‍ പ്രചാരമേറിയ വാഗണ്‍ആര്‍, സ്വിഫ്റ്റ്, ബലെനോ, ഡിസൈര്‍ മോഡലുകളില്‍ മാരുതിക്ക് കൈ പൊള്ളി. ഈ കാറുകളുടെ വില്‍പ്പനയില്‍ 3.9 ശതമാനം കുറവാണ് ഇന്ത്യന്‍ നിര്‍മ്മാതാക്കള്‍ നേരിട്ടത്. 2019 ഫെബ്രുവരിയില്‍ 72,678 യൂണിറ്റുകള്‍ വിറ്റിടത്ത് 69,828 യൂണിറ്റുകള്‍ വില്‍ക്കാനേ മാരുതിക്ക് പോയമാസം കഴിഞ്ഞുള്ളൂ.
എന്തായാലും യൂട്ടിലിറ്റി വാഹനങ്ങളുടെ കാര്യത്തില്‍ കമ്പനിക്ക് ഒരല്‍പ്പം ആശ്വസിക്കാം. എര്‍ട്ടിഗ, എസ്-ക്രോസ്, വിറ്റാര ബ്രെസ്സ, XL6 മോഡലുകള്‍ ചേര്‍ന്ന് 3.5 ശതമാനം വളര്‍ച്ച മാരുതിക്ക് സമ്മാനിച്ചിട്ടുണ്ട്. യൂട്ടിലിറ്റി ശ്രേണിയില്‍ വില്‍പ്പന 21,894 യൂണിറ്റുകളില്‍ നിന്നും 22,604 യൂണിറ്റുകളായി ഉയര്‍ന്നു. പ്രീമിയം ഫ്‌ളാഗ്ഷിപ്പ് സെഡാന്‍, സിയാസാണ് മാരുതിയെ പിറകോട്ടു വലിച്ച മറ്റൊരു അവതാരം.
2,544 സിയാസ് യൂണിറ്റുകള്‍ മാത്രമാണ് ഫെബ്രുവരിയില്‍ മാരുതി വിറ്റത്. മുന്‍വര്‍ഷം സിയാസ് വില്‍പ്പന 3,084 യൂണിറ്റ് തൊട്ടിരുന്നു. ഇടിവ് 17.5 ശതമാനം. ഹ്യുണ്ടായിയുടെ കാര്യവും പ്രതിസന്ധിയില്‍ത്തന്നെ. 7.5 ശതമാനം തകര്‍ച്ചയോടെയാണ് ദക്ഷിണകൊറിയന്‍ നിര്‍മ്മാതാക്കള്‍ ഫെബ്രുവരി പിന്നിട്ടത്. കഴിഞ്ഞമാസം 40,010 യൂണിറ്റുകളേ ഹ്യുണ്ടായി ഇന്ത്യന്‍ വിപണിയില്‍ എത്തിച്ചുള്ളൂ. മുന്‍വര്‍ഷം ഇതേകാലയളവില്‍ 43,110 കാറുകള്‍ കമ്പനി വിറ്റിരുന്നു.
ടാറ്റ മോട്ടോര്‍സാണ് വാഹന വിപണിയില്‍ നിലംപതിച്ച അടുത്ത നിര്‍മ്മാതാവ്. വില്‍പ്പനയില്‍ 31 ശതമാനം ഇടിവാണ് ടാറ്റയ്ക്ക് സംഭവിച്ചത്. 18,110 യൂണിറ്റുകളില്‍ നിന്നും 12,430 യൂണിറ്റുകളായി കമ്പനിയുടെ വില്‍പ്പന ചുരുങ്ങി. നെക്‌സോണ്‍, ടിയാഗൊ, ടിഗോര്‍ മോഡലുകളുടെ ബിഎസ് VI പതിപ്പ് അവതരിപ്പിച്ചിട്ട് കൂടിയാണ് ടാറ്റയ്ക്ക് ഈ ഗതി.
പതിവുപോലെ തകര്‍ച്ചയുടെ പടിവാതില്‍ക്കല്‍ ഹോണ്ടയെയും കാണാം. ഫെബ്രുവരി കണക്കുകളില്‍ 46.26 ശതമാനം തകര്‍ച്ച ഹോണ്ട നേരിടുന്നുണ്ട്. കമ്പനിയുടെ വില്‍പ്പന 13,527 യൂണിറ്റുകളില്‍ നിന്നും 7,269 യൂണിറ്റുകളിലേക്ക് പരിമിതപ്പെട്ടു.
