ജൂണ്‍ കാര്‍ വില്‍പ്പന: നിലയുറപ്പിച്ച് മാരുതിയും ഹ്യുണ്ടായിയും, പട്ടിക ഇങ്ങനെ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഇന്ത്യന്‍ വാഹന വിപണി പതിയെ സജീവമാവുകയാണ്. മിക്ക നിര്‍മ്മാതാക്കളും രാജ്യത്ത് ഉത്പാദനം പുനരാരംഭിച്ചു കഴിഞ്ഞു. ഘട്ടംഘട്ടമായാണ് കേന്ദ്ര സര്‍ക്കാര്‍ കൊവിഡ് നിയന്ത്രണങ്ങള്‍ എടുത്തുമാറ്റുന്നത്. ഈ പശ്ചാത്തലത്തില്‍ രാജ്യത്തെ കാര്‍ വില്‍പ്പന സാവധാനം പുരോഗമിക്കുന്നു. എന്തായാലും ജൂണ്‍ മാസത്തെ വില്‍പ്പന കണക്കുകളില്‍ ഇന്ത്യന്‍ നിര്‍മ്മാതാക്കളായ മാരുതി സുസുക്കി ഒന്നാം സ്ഥാനത്ത് തുടരുകയാണ്. ദക്ഷിണ കൊറിയന്‍ കമ്പനിയായ ഹ്യുണ്ടായിയാണ് രണ്ടാമത്. മൂന്നാമത് ടാറ്റ മോട്ടോര്‍സും.

ജൂൺ വിൽപ്പന
 

പോയമാസം 51,274 കാറുകളാണ് മാരുതി ഇന്ത്യയില്‍ വിറ്റത്. ആള്‍ട്ടോ (7,298 യൂണിറ്റ്), വാഗണ്‍ആര്‍ (6,972 യൂണിറ്റ്), ഡിസൈര്‍ (5,834 യൂണിറ്റ്) മോഡലുകള്‍ കമ്പനിക്ക് തുണയായി. ഇതേസമയം നിരയിലെ മറ്റു മോഡലുകളും ഒട്ടും പിന്നിലല്ല. സെലറിയോ, വിറ്റാര ബ്രെസ്സ, സ്വിഫ്റ്റ്, ബലെനോ കാറുകള്‍ 4,000 -ത്തില്‍പ്പരം യൂണിറ്റുകളുടെ വില്‍പ്പന വരിച്ചത് കാണാം.

ഒന്നാമത് മാരുതി

എംപിവി നിരയില്‍ മാരുതിയുടെ പ്രചാരമേറിയ മോഡല്‍ — എര്‍ട്ടിഗ 3,306 യൂണിറ്റുകളുടെ വില്‍പ്പന കരസ്ഥമാക്കി. ഇഗ്നിസ് (1,432 യൂണിറ്റ്), ജിപ്‌സി (718 യൂണിറ്റ്), സിയാസ് (553 യൂണിറ്റ്) മോഡലുകള്‍ മാത്രമാണ് വില്‍പ്പനയില്‍ പിന്നില്‍ പോയത്. പതിവുപോലെ ഇന്ത്യയിലെ ഏറ്റവും വലിയ രണ്ടാമത്തെ വാഹന നിര്‍മ്മാതാക്കളാണ് ഹ്യുണ്ടായി.

രണ്ടാമത് ഹ്യുണ്ടായി

പോയമാസം ദക്ഷിണ കൊറിയന്‍ നിര്‍മ്മാതാക്കള്‍ 21,320 കാറുകള്‍ രാജ്യത്ത് വിറ്റു. കമ്പനി അടുത്തിടെ അവതരിപ്പിച്ച പുതുതലമുറ ക്രെറ്റയാണ് ഹ്യുണ്ടായി നിരയിലെ സൂപ്പര്‍ഹിറ്റ്. 7,209 ക്രെറ്റ യൂണിറ്റുകള്‍ ജൂണില്‍ വിറ്റുപോയി. വില്‍പ്പന വളര്‍ച്ച 124 ശതമാനം. വെന്യൂ (4,129 യൂണിറ്റ്), ഗ്രാന്‍ഡ് i10 (3,593 യൂണിറ്റ്) കാറുകളും ഹ്യുണ്ടായിയുടെ വില്‍പ്പന ഉയര്‍ത്തി. പോയമാസം 16 കോന ഇലക്ട്രിക് എസ്‌യുവി വില്‍ക്കപ്പെട്ടെന്നതും ശ്രദ്ധേയം.

മൂന്നാമത് ടാറ്റ

ഇതേസമയം, ഓറ (1,016 യൂണിറ്റ്), വെര്‍ണ (1,083 യൂണിറ്റ്), എലാന്‍ട്ര (15 യൂണിറ്റ്), ട്യൂസോണ്‍ (30 യൂണിറ്റ്) എന്നീ മോഡലുകള്‍ നിരാശയുണര്‍ത്തുന്നുണ്ട്. ടാറ്റയുടെ കാര്യമെടുത്താല്‍ 11,419 യൂണിറ്റുകളാണ് ജൂണില്‍ ഇന്ത്യന്‍ നിര്‍മ്മാതാക്കള്‍ വിറ്റത്. ടിയാഗൊയുടെ മാത്രം 4,069 യൂണിറ്റുകള്‍ കഴിഞ്ഞ മാസം ടാറ്റ വിറ്റു. ആള്‍ട്രോസ് (3,104 യൂണിറ്റ്), നെക്‌സോണ്‍ (3,040 യൂണിറ്റ്) മോഡലുകള്‍ ടിയാഗൊയ്ക്ക് ശക്തമായ മത്സരം കാഴ്ച്ചവെക്കുന്നുണ്ട്. പോയമാസം 653 ഹാരിയര്‍ യൂണിറ്റുകളും 553 ടിഗോര്‍ മോഡലുകളും വില്‍ക്കാന്‍ ടാറ്റയ്ക്കായി.

മഹീന്ദ്ര നാലാമത്

മഹീന്ദ്രയാണ് ടാറ്റയ്ക്ക് പിന്നില്‍ നാലാമത്. 7,959 യൂണിറ്റുകള്‍ പോയമാസം മഹീന്ദ്ര വിറ്റു. ഇതില്‍ 3,292 യൂണിറ്റുകള്‍ ബൊലേറോയുടെ സംഭാവനയാണ്. 2,574 യൂണിറ്റുകള്‍ സ്‌കോര്‍പിയോയുടെയും. 1,812 യൂണിറ്റുകളുടെ വില്‍പ്പനയാണ് XUV300 എസ്‌യുവി കൈവരിച്ചത്. 7,275 യൂണിറ്റുകളുടെ വില്‍പ്പനയുമായി കിയ മോട്ടോര്‍സാണ് അ്ഞ്ചാമത്. സെല്‍റ്റോസ് എസ്‌യുവിയാണ് കിയയുടെ പ്രധാന മോഡല്‍. 7,114 യൂണിറ്റുകളാണ് സെല്‍റ്റോസില്‍ കമ്പനി വിറ്റത്. കാര്‍ണിവല്‍ ആഢംബര എംപിവിയുടെ 161 യൂണിറ്റുകള്‍ വില്‍ക്കാനും കമ്പനിക്കായി.

ബാക്കി ചിത്രം

ഇതേസമയം റെനോ (4,634 യൂണിറ്റ്), ടൊയോട്ട (3,866 യൂണിറ്റ്), ഫോര്‍ഡ് (2,639 യൂണിറ്റ്), എംജി മോട്ടോര്‍ (2,012 യൂണിറ്റ്), ഫോക്‌സ്്‌വാഗണ്‍ (1,510 യൂണിറ്റ്), സ്‌കോഡ (790 യൂണിറ്റ്), ഫിയറ്റ് ക്രൈസ്‌ലര്‍ (256 യൂണിറ്റ്), നിസാന്‍ (576 യൂണിറ്റ്) എന്നിവരാണ് വില്‍പ്പനയില്‍ പിന്നില്‍ പോയ നിര്‍മ്മാതാക്കള്‍.

Read more about: sales
English summary

Car Sales June 2020: Maruti, Hyundai, Tata Motors On Top

Car Sales June 2020: Maruti, Hyundai, Tata Motors On Top. Read in Malayalam.
Story first published: Tuesday, July 7, 2020, 17:14 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X