സിബിഎസ്ഇ 10, 12 ബോര്‍ഡ് പരീക്ഷ പ്രവേശന കാര്‍ഡ് ഫെബ്രുവരി 3 ന്?

സിബിഎസ്ഇ പത്താംക്ലാസ്, പ്ലസ് 2 ബോര്‍ഡ് പരീക്ഷകള്‍ക്കുള്ള പ്രവേശന കാര്‍ഡ് ഉടന്‍ ലഭ്യമാകും. ഇത് സംബന്ധിച്ച അപ്‌ഡേറ്റുകള്‍ക്കായി വിദ്യാര്‍ത്ഥികള്‍ സിബിഎസ്ഇ വെബ്‌സൈറ്റ്-cbse.gov.in - പരിശോധിക്കണം. റെഗുലര്‍ വിദ്യാര്‍ത്ഥികള്‍ക്ക് സ്‌ക്കൂളുകളില്‍ നിന്നാണ് അഡ്മിറ്റ് കാര്‍ഡുകള്‍ ലഭ്യമാകുക. കഴിഞ്ഞവര്‍ഷം ഫെബ്രുവരി 3 നായിരുന്നു വിതരണം.

സിബിഎസ്ഇ ബോര്‍ഡ് പരീക്ഷ 2026 ഷെഡ്യൂള്‍
2026 ലെ സിബിഎസ്ഇ പത്താം ക്ലാസ് ബോര്‍ഡ് പരീക്ഷകള്‍ രണ്ട് ഘട്ടങ്ങളായി നടത്തും. ഒന്നാം ഘട്ടം 2026 ഫെബ്രുവരി 17 മുതല്‍ മാര്‍ച്ച് 11 വരെയും രണ്ടാം ഘട്ടം 2026 മെയ് 15 മുതല്‍ ജൂണ്‍ 1 വരെയും നടക്കും. ബോര്‍ഡ് പുറത്തിറക്കിയ പുതുക്കിയ തീയതി ഷീറ്റ് പ്രകാരം, 2026 ലെ സിബിഎസ്ഇ 12-ാം ക്ലാസ് ബോര്‍ഡ് പരീക്ഷകള്‍ ഫെബ്രുവരി 17 ന് ആരംഭിച്ച് 2026 ഏപ്രില്‍ 10 നാണ് അവസാനിക്കുക. സാധുവായ ഹാള്‍ ടിക്കറ്റ് ഇല്ലാതെ ഉദ്യോഗാര്‍ത്ഥികളെ പരീക്ഷാഹാളില്‍ പ്രവേശിപ്പിക്കില്ല. അതിനാല്‍ രണ്ട് പരീക്ഷകള്‍ക്കും വിദ്യാര്‍ത്ഥികള്‍ പ്രവേശന കാര്‍ഡ് 2026 കൊണ്ടുവരേണ്ടതാണ്.

സിബിഎസ്ഇ അഡ്മിറ്റ് കാര്‍ഡിലെ വിശദാംശങ്ങള്‍
10, 12 ക്ലാസുകളിലെ അഡ്മിറ്റ് കാര്‍ഡുകളില്‍ വിദ്യാര്‍ത്ഥിയുടെ പേര്, റോള്‍ നമ്പര്‍, ജനനത്തീയതി (പത്താം ക്ലാസ് വിദ്യാര്‍ത്ഥികള്‍ക്ക്), പരീക്ഷയുടെ പേര്, പരീക്ഷാ കേന്ദ്രത്തിന്റെ പേര്, വിലാസം,സ്‌ക്കൂള്‍,സെന്റര്‍ നമ്പര്‍, വിദ്യാര്‍ത്ഥിയുടെ ഫോട്ടോ, വിഷയങ്ങളുടെ കോഡുകള്‍, പരീക്ഷാ തീയതികള്‍, കാര്‍ഡ് ഐഡി, പ്രധാന നിര്‍ദ്ദേശങ്ങള്‍ എന്നിവ ഉള്‍പ്പെടുന്നു. വിവരങ്ങളിലെ പൊരുത്തക്കേടുകള്‍ ഉടന്‍ തന്നെ സ്‌ക്കൂള്‍ അധികൃതരെ അറിയിക്കണം.

പരീക്ഷാ സമ്മര്‍ദ്ദം കുറയ്ക്കാന്‍ കൗണ്‍സിലിംഗ്
പത്താം ക്ലാസ്, പ്ലസ് 2 വിദ്യാര്‍ത്ഥികള്‍ക്കായി സിബിഎസ്ഇ സൗജന്യ കൗണ്‍സിലിംഗ് നടത്തുന്നു. ജനുവരി 6 മുതല്‍ ജൂണ്‍ 1 വരെയാണ് കൗണ്‍സിലിംഗ്. കൂടാതെ ടോള്‍-ഫ്രീ ഹെല്‍പ്പ്ലൈന്‍ നമ്പറായ - 1800-11-8004 - വഴി  മാര്‍ഗനിര്‍ദേശവും വൈകാരിക പിന്തുണയും 24 മണിക്കൂറും ലഭ്യമാണ്.പത്താംക്ലാസ്, പ്ലസ് ടു അഡ്മിറ്റ് കാര്‍ഡ് വിതരണം ബോര്‍ഡ് പരീക്ഷയിലെ നിര്‍ണ്ണായക ഘട്ടമാണ്. അതുകൊണ്ടുതന്നെ വിദ്യാര്‍ത്ഥികള്‍ ഔദ്യോഗിക അറിയിപ്പുകള്‍ പിന്തുടരുകയും ഹാള്‍ടിക്കറ്റുകള്‍ സമയബന്ധിതമായി ശേഖരിക്കുകയും വേണം. പുതിയ അപ്ഡേറ്റുകള്‍ക്കായി, വിദ്യാര്‍ത്ഥികള്‍ പതിവായി cbse.gov.in പരിശോധിക്കേണ്ടതാണ്. 

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിര്‍ദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂര്‍ണ്ണത, അല്ലെങ്കില്‍ വിശ്വാസ്യത എന്നിവയ്ക്ക് ഞങ്ങള്‍ യാതൊരു ഉറപ്പും നല്‍കുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.ഞങ്ങള്‍ ഏതെങ്കിലും തരത്തിലുള്ള നിക്ഷേപ ഉപദേശങ്ങള്‍ നല്‍കുകയോ, ഓഹരികള്‍ വാങ്ങാനോ വില്‍ക്കാനോ ശുപാര്‍ശ ചെയ്യുകയോ ചെയ്യുന്നില്ല. ഈ വിവരങ്ങള്‍ വിജ്ഞാനപ്രദമായ ആവശ്യങ്ങള്‍ക്ക് മാത്രമുള്ളതാണ്. അതിനാല്‍, ഏതെങ്കിലും നിക്ഷേപ തീരുമാനങ്ങള്‍ എടുക്കുന്നതിന് മുന്‍പ്, ലൈസന്‍സുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിര്‍ബന്ധമാണ്.