സംരഭകരുടെ പരാതിയിൽ 72 മണിക്കൂറിനുള്ളിൽ പരിഹാരം; കേന്ദ്ര സർക്കാരിനെ നേരിട്ട് സമീപിക്കാം ഈ പോർട്ടൽ വഴി

ന്യൂഡൽഹി: സംരഭങ്ങളെ കൂടുതൽ ശക്തിപ്പെടുത്തുന്നതും അവർക്ക് പരമാവധി സഹായങ്ങൾ ലഭ്യമാക്കുകയുമാണ് ഇപ്പോൾ രാജ്യത്തെ കേന്ദ്ര-സംസ്ഥാന സർക്കാരുകൾ. ഇതിന്റെ ഭാഗമായി തന്നെയാണ് സംരഭകരുടെ പരാതികൾ അറിയിക്കാനും അതിവേഗം അതിന് പരിഹാരം കാണാനും കേന്ദ്ര സർക്കാർ ഒരു പോർട്ടലിന് രൂപം നൽകിയിരിക്കുന്നത്. ഇതുവഴി 24 മണിക്കൂറും സർക്കാരിനെ പരാതി അറിയിക്കാനും പരമാവധി 72 മണിക്കൂറിനുള്ള പരിഹാരം കാണാനും സാധിക്കും.

രാജ്യത്തെ മൈക്രോ, ചെറുകിട, ഇടത്തരം സംരംഭങ്ങളെ (എംഎസ്എംഇ) സഹായിക്കുന്നതിനും പ്രോത്സാഹിപ്പിക്കുന്നതിനുമായി കേന്ദ്ര സര്‍ക്കാര്‍ പ്രഖ്യാപിച്ച പദ്ധതിയാണ് ചാമ്പ്യന്‍സ് (CHAMPIONS). ക്രിയേഷന്‍ ആന്‍ഡ് ഹാര്‍മോണിയസ് ആപ്ലിക്കേഷന്‍ ഓഫ് മോഡേണ്‍ പ്രോസസ് ഫോര്‍ ഇന്‍ക്രീസിംഗ് ദ ഔട്ട്പുട്ട് ആന്‍ഡ് നാഷണല്‍ സ്‌ട്രെങ്ത് എന്ന ഈ പദ്ധതി വഴി വിഷമകരമായ സാഹചര്യത്തില്‍ എംഎസ്എംഇകളെ സഹായിക്കുക,നിര്‍മാണ സേവന മേഖലകളില്‍ പുതിയ അവസരങ്ങള്‍ നേടാന്‍ സഹായിക്കും.

ചാമ്പ്യന്‍സ് പോര്‍ട്ടലിന്റെ പ്രധാന ആകര്‍ഷങ്ങണങ്ങളിലൊന്ന് അതിന്റെ പരാതി പരിഹാര സംവിധാനമാണ്.കേന്ദ്ര സര്‍ക്കാരിന്റെ പരാതി പരിഹാര സംവിധാനമായ സെന്‍ട്രലൈസ്ഡ് പബഌക് ഗ്രിവന്‍സ് റെഡ്രെസ് ആന്‍ഡ് മോണിറ്ററിംഗ് സിസ്റ്റം (CPGRAMS) വുമായി ബന്ധിപ്പിച്ച പോര്‍ട്ടലാണ് ചാമ്പ്യന്‍സ്.വെബ് ടെക്‌നോളജി അടിസ്ഥാനമാക്കിയുള്ള സിപിജിആര്‍എഎംഎസ് പ്ലാറ്റ്‌ഫോം 24 മണിക്കൂറും പ്രവര്‍ത്തിച്ചുകൊണ്ട്, ലഭിക്കുന്ന പരാതികള്‍ മന്ത്രാലയങ്ങള്‍ക്കും അതാത് വകുപ്പുകള്‍ക്കും കൈമാറുന്നു.മികച്ച നടപടികള്‍ സ്വീകരിക്കാനുള്ള തീരുമാനത്തിന്റെ ഭാഗമായി ഒരു പരാതിയും 72 മണിക്കൂറില്‍ കൂടുതല്‍ ഉണ്ടാവരുതെന്നും പരിഹരിക്കണമെന്നുമാണ് നിലപാട്.