Just In
-
-
-
-
Don't Miss
-
മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര് -
ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര് -
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ദില്ലി: ദേശസാത്കൃത ബാങ്ക് ആയ ഇന്ത്യന്‍ ബാങ്ക് വന്‍ മൂലധന സമാഹരണത്തിന്. നാലായിരം കോടി രൂപയാണ് ബാങ്ക് സമാഹരിക്കാന്‍ ഒരുങ്ങുന്നത്. ഓഹരി വില്‍പനയിലൂടെ ആണ് ഇത് സാധ്യമാക്കുക.
മൂലധന സമാഹരണത്തിന് ബാങ്കിന്റെ ഓഹരി ഉടമകള്‍ 2021 മാര്‍ച്ച് 2 ന് ചേര്‍ന്ന യോഗത്തില്‍ അനുമതി നല്‍കിയിരുന്നു. മാര്‍ച്ച് 9 ന് നടന്ന കമ്മിറ്റി ഓഫ് ഡയറക്ടേഴ്‌സ് മീറ്റിങ്ങില്‍ ആണ് അന്തിമ തീരുമാനത്തില്‍ എത്തിയത്.
ക്യുഐപി (ക്വാളിഫൈഡ് ഇന്‍സ്റ്റിറ്റിയൂഷന്‍സ് പ്ലേസ്‌മെന്റ്) വഴിയാണ് മൂലധന സമാഹരണം നടത്തുന്നത്. പ്രീമിയം ഉള്‍പ്പെടെ നാലായിരം കോടി രൂപ സമാഹരിക്കാനാകും എന്നാണ് ബാങ്കിന്റെ പ്രതീക്ഷ. ക്യുഐപി വഴി ഓഹരി വില്‍പന നടത്തുമ്പോള്‍, ബാങ്കില്‍ കേന്ദ്ര സര്‍ക്കാരിന് ഉള്ള ഓഹരികളില്‍ കുറവ് വരും.
നിലവില്‍ ഇന്ത്യന്‍ ബാങ്കിന്റെ 88.06 ശതമാനം ഓഹരികളും പ്രൊമോട്ടര്‍ എന്ന നിലയില്‍ സര്‍ക്കാരിന്റെ കൈവശമാണ്. 2018 ഓഗസറ്റ് മൂന്ന് മുതലുള്ള മൂന്ന് വര്‍ഷം കൊണ്ട് പൊതുഓഹരി പങ്കാളിത്തം 25 ശതമാനമായി വര്‍ദ്ധിപ്പിക്കാനായിരുന്നു ലക്ഷ്യമിട്ടിരുന്നത്.
1907 ല്‍ ചെന്നൈ ആസ്ഥാനമായാണ് ഇന്ത്യന്‍ ബാങ്ക് സ്ഥാപിതമായത്. അണ്ണാമലൈയും രാമസ്വാമി ചെട്ടിയാരും ആയിരുന്നു ബാങ്കിന്റെ സ്ഥാപകര്‍. 1969 ല്‍ കേന്ദ്ര സര്‍ക്കാര്‍ ദേശസാത്കരിച്ച 14 ബാങ്കുകളില്‍ ഒന്നാണ് ഇന്ത്യന്‍ ബാങ്ക്. നിലവില്‍ പത്ത് കോടിയില്‍ പരം ഉപഭോക്താക്കളുണ്ട് ബാങ്കിന്. ഇരുപതിനായിരത്തില്‍ പരം ജീവനക്കാരും ഉണ്ട്.
ഇന്ത്യയില്‍ മൊത്തമായി 6,089 ബ്രാഞ്ചുകളും 5,022 എടിഎമ്മുകളും 1,494 ക്യാഷ് ഡെപോസിറ്റ് മെഷീനുകളും ഇന്ത്യന്‍ ബാങ്കിനുണ്ട്. 2020 ഏപ്രില്‍ 1 ന് കേന്ദ്ര മന്ത്രിസഭ തീരുമാനപ്രകാരം അലഹബാദ് ബാങ്ക് ഇന്ത്യന്‍ ബാങ്കില്‍ ലയിച്ചു. ഇതോടെ രാജ്യത്തെ ഏറ്റവും വലിയ ഏഴാമത്തെ ബാങ്ക് ആയി മാറി ഇന്ത്യന്‍ ബാങ്ക്.
