ക്രിസ്മസ് ആഘോഷം ചുരുക്കാം, കേരളത്തിൽ ഇറച്ചി, മുട്ട, പച്ചക്കറി വില ഉയർന്നു, വിശദമായി വായിക്കാം

കേരളം ക്രിസ്മസ് ആഘോഷത്തിന്‍റെ ആരവങ്ങളിലാണ്. എങ്ങും എവിടെയും നക്ഷത്രങ്ങളും ക്രിസ്മസ് പാപ്പായേയും കാണാം. കരോൾ സംഘങ്ങളും സജീവമാണ്. എന്നാൽ ക്രിസ്മസിന് ചിക്കൻ കറി വെക്കാൻ എന്ന് കരുതിയാൽ കീശ കാലിയാകും. കാരണം ചിക്കൻ വില കത്തിക്കയറുകയാണ്. അതോടൊപ്പം മുട്ട വിലയും വർദ്ധിച്ചിട്ടുണ്ട്. കഴിഞ്ഞ ആഴ്ച കേരള വിപണിയിൽ പച്ചക്കറി വിലയാണ് പുതിയ റെക്കോർഡ് തീർത്തത്. ആ ഷോക്കിൽ നിന്നും പതിയ കരകയറുമ്പോഴാണ് ചിക്കൻ വില ഉയരുന്നത്.

ചിക്കൻ വില 200 കടന്നു

സംസ്ഥാനത്ത് ചിക്കൻ വില 200 രൂപയ്ക്ക് മുകളിലാണ്. കിലോ 210 മുതൽ 240 രൂപ വരെയാണ് വില. ന്യൂ ഇയർ ആകുമ്പോഴേക്കും വില 300 രൂപ കടക്കുമെന്നാണ് വ്യാപാരികൾ പറയുന്നത്. തമിഴ്‌നാട്ടിലെ പൗൾട്രി ഫാമുകൾക്കുവേണ്ടി കോഴികളെ വളർത്തിനൽകുന്ന കർഷകർ ജനുവരി മുതൽ പ്രഖ്യാപിച്ച സമരമാണ് നിലവിൽ വിലയെ മുകളിലേക്ക് ഉയർത്തുന്നത്. കോഴിവളർത്തലിനുള്ള പ്രതിഫലം വർധിപ്പിക്കണമെന്നാവശ്യപ്പെട്ടാണ് കർഷകർ സമരത്തിലേക്കു നീങ്ങുന്നത്.

കോഴികളെ വൻകിട ഫാമുകൾക്ക് നൽകുന്നതിന് നിലവിൽ കിലോഗ്രാമിന് 6.5 രൂപയാണ് കർഷകർക്കു ലഭിക്കുന്നത്. അത് 20 രൂപയാക്കി ഉയർത്തണമെന്നതാണ് ആവശ്യം. അതേസമയം പക്ഷിപ്പനി സ്ഥിരീകരിച്ച സാഹചര്യത്തിൽ താറാവ് ഇറച്ചിയുടെ വില കുറയാനാണ് സാധ്യത.

മുട്ട വിലയും കൂടി

മുട്ടവിലയും ഉയരത്തിലാണ്. കോഴി മുട്ടയ്ക്ക് 7 രൂപ വരെയാണ് വില. സംസ്ഥാനത്ത് കോഴിമുട്ടയുടെയും താറാവിന്‍റെയും ഉത്പാദനം കുറഞ്ഞതും തമിഴ്‌നാട്, കര്‍ണാടക സംസ്ഥാനങ്ങളില്‍ നിന്ന് ഇറക്കുമതി കൂടിയതും വില വർദ്ധനവിന് കാരണമായിട്ടുണ്ട്. ക്രിസ്മസിനോടനുബന്ധിച്ച് കേക്ക് വിപണി സജീവമായതും മുട്ട വിലയെ സ്വാധീനിച്ചിട്ടുണ്ട്. അതോടൊപ്പം ഗള്‍ഫ് അടക്കമുള്ള വിദേശ രാജ്യങ്ങളില്‍ നിന്ന് ആവശ്യകത വര്‍ധിച്ചതും വില വർദ്ധനവിന് കാരണമായി. 1,288.63 കോടി രൂപയുടെ കയറ്റുമതിയാണ് ജനുവരി-ജൂണ്‍ കാലയളവില്‍ നടന്നത്. മുന്‍ വര്‍ഷം ഇതേകാലയളവിൽ ഏകദേശം 595 കോടി രൂപയാണ് കയറ്റ് മതിയിലൂടെ ലഭിച്ചത്. യുഎഇ, ഒമാന്‍ എന്നിവിടങ്ങളില്‍ നിന്നുള്ള ഡിമാന്‍ഡ് ശക്തമായി.

പച്ചക്കറി വിലയിൽ വലിയ കുറവില്ല

ക​ഴി​ഞ്ഞ മാ​സം അ​വ​സാ​ന​ത്തോ​ടെ സെ​ഞ്ച്വ​റി​യി​ൽ എ​ത്തി​യ ത​ക്കാ​ളി വി​ല പി​ന്നീ​ട് താ​ഴേ​ക്ക് വ​ന്നെ​ങ്കി​ലും ഇ​പ്പോ​ൾ വീ​ണ്ടും ഉ​യ​രു​ക​യാ​ണ്. തി​ങ്ക​ളാ​ഴ്ച മൊ​ത്ത വി​പ​ണി​യി​ൽ 75 രൂ​പ​യാ​യി​രു​ന്നു. ചി​ല്ല​റ വി​പ​ണി​യി​ൽ ഇ​ത് 90 പി​ന്നി​ട്ടു. വെ​ളു​ത്തു​ള്ളി വി​ല 160 ൽ ​എ​ത്തി. ചി​ല്ല​റ വി​പ​ണി​യി​ൽ ഇ​ത് 180ൽ ​എ​ത്തി. സ​വാ​ള​ക്ക് 15 രൂ​പ വ​ർ​ധി​ച്ച് 35 രൂ​പ വ​രെ​യാ​യി. 40 രൂ​പ ഉ​ണ്ടാ​യി​രു​ന്ന മു​ള​ക് വി​ല 70ൽ ​എ​ത്തി. ഉ​ണ്ട​മു​ള​കി​ന്‍റെ മൊ​ത്ത വി​ല 76 രൂ​പ​യാ​ണ്. പ​യ​ർ വി​ല​യി​ലും വ​ർ​ധ​ന​വു​ണ്ട്. മു​രി​ങ്ങ​ക്ക​യു​ടെ മൊ​ത്ത വി​ല 180 രൂ​പ​യാ​ണ്. ചി​ല്ല​റ വി​ല 200ൽ ​എ​ത്തി.