Click it and Unblock the Notifications
ദില്ലി: കൊറോണ വൈറസ് ബാധിച്ചാല് ശൃംഖലയിലെ രജിസ്റ്റര് ചെയ്ത 20 ലക്ഷം ഡ്രൈവര്മാര്ക്ക് ഇന്ഷൂറന്സ് പരിരക്ഷ നല്കുമെന്ന് പ്രഖ്യാപിച്ച് ഓണ്ലൈന് ക്യാബ് കമ്പനിയായ ഓല. 30,000 കോടി രൂപയാണ് ഇതിന് വേണ്ടി കമ്പനി മാറ്റി വെച്ചത്. ഡ്രൈവര്മാര്ക്കോ അവരുടെ പങ്കാളികള്ക്കോ കൊറോണ ബാധിച്ചാല് ഇന്ഷൂറന്സ് പരിരക്ഷ ലഭ്യമാകും. കോവിഡ് 19 പരിശോധനയില് പോസറ്റീവ് റിസള്ട്ട് വന്ന ശേഷമുള്ള ദിവസം മുതല് 21 ദിവസം വരെ 1000 രൂപ നഷ്ടപരിഹാരമായി ലഭിക്കുമെന്ന് ഓല പുറത്തിറക്കിയ പ്രസ്താവനയില് പറയുന്നു.
സര്ക്കാര് മാനദണ്ഡങ്ങള് അംഗീകരിച്ച യോഗ്യതയുള്ള ഒരു ആരോഗ്യ വിദഗ്ധന് അസുഖം സാക്ഷ്യപ്പെടുത്തണം. ഉചിതമായ മെഡിക്കല് രേഖകള് ഹാജരാക്കിയ ശേഷം ഡ്രൈവര്മാര്ക്ക് സ്വയമോ പങ്കാളികള്ക്ക് വേണ്ടിയോ നഷ്ടപരിഹാര തുക ക്ലെയിം ചെയ്യാം. ഈ പരിരക്ഷ പദ്ധതി ഉടന് തന്നെ പ്രാബല്യത്തില് വരും. ഓല ബൈക്ക്, ഓല ഓട്ടോ, ഓല റെന്റ്, ഓല ഔട്ട് സ്റ്റേഷന് ഉള്പ്പെടെ എല്ലാ വിഭാഗങ്ങളിലുമുള്ള ഇന്ത്യയിലെ ഡ്രൈവര്മാര്ക്കും ഈ സൗകര്യം ലഭ്യമാകുമെന്നും കമ്പനി അറിയിച്ചു.
പദ്ധതിയുടെ ഭാഗമായി ഓണ്ലൈന് ഡോക്ടര് കണ്സള്ട്ടേഷന് ആപ്പായ എംഫൈനുമായി ഓല ഇതിനോടകം പങ്കാളിത്തത്തില് ഏര്പ്പെട്ടു. ഡ്രൈവര്മാര്ക്കും കുടുംബാംഗങ്ങള്ക്കും സൗജന്യ വൈദ്യ സഹായം നല്കാനാണ് ഇത്തരത്തിലൊരു നീക്കം. നോവല് കൊറോണ വൈറസ് തങ്ങളുടെ ഡ്രൈവര്മാര് അടക്കമുള്ള ദശലക്ഷക്കണക്കിന് സാധാരണക്കാരുടെ ആരോഗ്യത്തെയും ഉപജീവന മാര്ഗത്തെയും ബാധിച്ചതായി ഓല പുറത്തിറക്കിയ പ്രസ്താവനയില് പറയുന്നു. അതിനാല് ഇന്ഷൂറന്സ് ആനുകൂല്യത്തിലൂടെ ഡ്രൈവര്മാരെയും പങ്കാളികളെയും സഹായിക്കാന് ഞങ്ങള്ക്ക് കഴിയും. കോവിഡ് 19 സ്ഥിരീകരിച്ചാല് സാമ്പത്തിക സഹായം ഉറപ്പാക്കുമെന്ന് ഓല വക്താവ് ആനന്ദ് സുബ്രഹ്മണ്യം പറഞ്ഞു. 250 ഓളം ഇന്ത്യന് നഗരങ്ങളില് നിലവില് ഓല സര്വീസ് നടത്തുന്നുണ്ട്.
കൊറോണയുടെ പശ്ചാത്തലത്തില് രാജ്യത്തെ ക്യാബുകളില് ഷെയറിംഗ് സേവനങ്ങള് കഴിഞ്ഞ ദിവസമാണ് ഓല താല്ക്കാലികമായി നിര്ത്തി വെച്ചത്. ഡ്രൈവര്മാരുടെയും ഉപഭോക്താക്കളുടെയും സുരക്ഷയാണ് പ്രധാനമെന്നും ഇനി ഒരു അറിയിപ്പ് ഉണ്ടാകുന്നത് വരെ ഷെയര് സേവനം ഉണ്ടാകില്ലെന്ന് കമ്പനി അറിയിച്ചു. പൗരന്മാര് തമ്മില് കൃത്യമായ സാമൂഹിക അകലം കാത്തുസൂക്ഷിക്കാനാണ് ഓല ഷെയര് സേവനങ്ങള് താല്ക്കാലികമായി നിര്ത്തി വെയ്ക്കുന്നത്. മൈക്രോ, മിനി, പ്രൈം, വാടക, ഔട്ട് സ്റ്റേഷന് തുടങ്ങിയ സേവനങ്ങള് ഇന്ത്യയിലുടനീളം ഇനിയും നല്കുമെന്നും കമ്പനി പുറത്തു വിട്ട പ്രസ്താവനയില് പറയുന്നു.
More From GoodReturns
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
Sign in with Google