Click it and Unblock the Notifications
കൊറോണ വൈറസ് പടര്ന്നു പിടിക്കന്ന സാഹചര്യത്തില് ജീവനക്കാര്ക്ക് വര്ക്ക് ഫ്രം ഫോം സംവിധാനമൊരുക്കി ട്വിറ്റർ. സാൻ ഫ്രാൻസിസ്കോ ആസ്ഥാനമായുള്ള കമ്പനിക്ക് ലോകമെമ്പാടുമായി 35 ലധികം ഓഫീസുകളുണ്ട്. ഹോങ്കോംഗ്, ജപ്പാൻ, ദക്ഷിണ കൊറിയ എന്നീ സ്ഥലങ്ങളിലെ ട്വിറ്റർ ഓഫീസുകളിൽ സർക്കാർ നിയന്ത്രണങ്ങൾ കാരണം ഇതിനകം തന്നെ വര്ക്ക് ഫ്രം ഫോം നിർബന്ധമാക്കിയിട്ടുണ്ട്. കൊറോണ വൈറസ് സ്ഥിരീകരിച്ചതോടെ ലോകത്താകമാനമുള്ള കമ്പനികൾ കനത്ത ജാഗ്രതയിലാണ്. പല കമ്പനികളും ജീവനക്കാർക്ക് വര്ക്ക് ഫ്രം ഫോം നിർദ്ദേശിക്കുന്നുണ്ട്.
മൈക്രോസോഫ്റ്റ് ഉൾപ്പെടെയുള്ള കമ്പനി അധികൃതൽ നേരത്തെ തന്നെ ജീവനക്കാർക്ക് വര്ക്ക് ഫ്രം ഫോം നിർദ്ദേശിച്ചിരുന്നു. കൊറോണ വൈറസ് പടരുന്നത് തടയാൻ മിക്ക രാജ്യങ്ങളും ഇവന്റുകൾ പോലുള്ള ആളുകൾ കൂട്ടം കൂടുന്ന പരിപാടികൾ ഒഴിവാക്കിയിട്ടുണ്ട്. ഈ മാസം നടക്കാനിരുന്ന സൗത്ത് ബൈ സൗത്ത് വെസ്റ്റ് ഫെസ്റ്റിവൽ ഉൾപ്പെടെയുള്ള വലിയ ഇവന്റുകളും റദ്ദാക്കിയിട്ടുണ്ട്. മെയ് മാസത്തിൽ നടത്താനിരുന്ന ഗൂഗിൾ ഐ/ഒ ഡവലപ്പർ കോൺഫറൻസും ജൂണിൽ ഷെഡ്യൂൾ ചെയ്തിട്ടുള്ള ഇ3 ഗെയിമിംഗ് എക്സ്പോയും റദ്ദാക്കിയിട്ടുണ്ട്.
പ്രാദേശിക, സംസ്ഥാന അധികാരികളും വലിയ ജനക്കൂട്ടത്തിന് നിരോധനം ഏർപ്പെടുത്തുന്നുണ്ട്. ദേശീയ ബാസ്കറ്റ്ബോൾ അസോസിയേഷൻ ഈ സീസൺ താൽക്കാലികമായി നിർത്തിവച്ചു. കേരളത്തിലും ആളുകൾ കൂടുന്ന പരിപാടികൾക്ക് നിയന്ത്രണമുണ്ട്. കൊറോണ പടര്ന്നു പിടിക്കന്ന സാഹചര്യത്തില് കൊച്ചി ഇന്ഫോ പാര്ക്കും ജീവനക്കാര്ക്കും വര്ക്ക് ഫ്രം ഫോം സംവിധാനമൊരുക്കിയിട്ടുണ്ട്. വിവാഹം പോലുള്ള നേരത്തെ നിശ്ചയിച്ച അത്യാവശ്യ ചടങ്ങുകൾ ലളിതമായി നടത്തണമെന്നും സർക്കാർ നിർദ്ദേശിച്ചിട്ടുണ്ട്. കോര്പ്പറേറ്റ് മീറ്റിംഗുകളും ഓഫീസ് സന്ദര്ശനങ്ങളും മറ്റും ഒഴിവാക്കി പല കമ്പനികളും 'മീറ്റിംഗ്സ് ഫ്രം ഹോം' ഓപ്ഷനുകൾ പിന്തുടരുകയാണ് ഇപ്പോൾ.
Sign in with Google