Click it and Unblock the Notifications
കൊറോണ വൈറസ് പ്രതിസന്ധി നേരിടുന്ന കമ്പനികള്ക്കായുള്ള സര്ക്കാരിന്റെ ഫര്ലഫ് പദ്ധതി പ്രകാരം, ക്യാബിന് ക്രൂ മുതല് ഗ്രൗണ്ട് സ്റ്റാഫ്, എഞ്ചിനീയര്മാര്, ഹെഡ് ഓഫീസ് ജീവനക്കാര് വരെയുള്ള 30,000 -ത്തിലധികം ജീവനക്കാരെ സസ്പെന്ഡ് ചെയ്യാനൊരുങ്ങി ബ്രിട്ടീഷ് എയര്വേസ്. അതേസമയം, വിമാനങ്ങളുടെ കുറവ് കാരണം തിങ്കളാഴ്ച മുതല് രണ്ട് റണ്വേകളിലൊന്ന് അടച്ചുപൂട്ടുമെന്ന് ഹീത്രോ അറിയിച്ചു. നിലവില് വിമാന സര്വീസുകള് കുറവാണെങ്കിലും, അഭൂതപൂര്വമായ ഈ പകര്ച്ചവ്യാധിയുടെ സമയത്ത് രാജ്യത്തിന് സുപ്രധാന മെഡിക്കല് ചരക്കുകളും ഭക്ഷണവുമെത്തിക്കുന്നതിനുള്ള പ്രവര്ത്തനങ്ങളില് നിര്ണായക പങ്ക് വഹിക്കാന് ഹീത്രോ തുറന്നിരിക്കുമെന്ന് ബന്ധപ്പെട്ട അധികൃതര് അറിയിച്ചു.
ബ്രിട്ടനിലെ പ്രധാന വിമാനത്താവളങ്ങളില് ഒന്നാണ് ലണ്ടനില് സ്ഥിതി ചെയ്യുന്ന ഹീത്രോ. ഈ ആഴ്ച ഗാറ്റ്വിക്കില് എല്ലാ വിമാനങ്ങളും പാര്ക്ക് ചെയ്ത ബ്രിട്ടീഷ് എയര്വേസ്, സസ്പെന്ഡ് ചെയ്ത എല്ലാ ജീവനക്കാര്ക്കും പദ്ധതിയുടെ വ്യവസ്ഥകള് പ്രകാരം അവരുടെ ശമ്പളത്തിന്റെ 80 ശതമാനം നല്കുമെന്ന് അറിയിച്ചു. ഇതുസംബന്ധിച്ച് ജീവനക്കാരെ പ്രതിനിധീകരിക്കുന്ന യുണൈറ്റ്, ജിഎംബി, ബ്രിട്ടീഷ് എയര്ലൈന് പൈലറ്റ്സ് അസോസിയേഷന് എന്നീ സംഘടനകളുമായി ബ്രിട്ടീഷ് എയര്വേസ് ധാരണയിലെത്തിയിട്ടുണ്ട്. സന്നദ്ധ പദ്ധതികളില് ചേരാന് ജീവനക്കാരെ കമ്പനി പ്രോത്സാഹിപ്പിക്കുന്നുണ്ട്.
മെയ് 31 വരെയാണ് ബ്രിട്ടീഷ് എയര്വേസിന്റെ ഫര്ലോഫ് കരാര് നിലനില്ക്കുന്നത്. ആകെ 45,000 ജീവനക്കാരാണ് ബ്രിട്ടീഷ് എയര്വേസിന് കീഴില് പ്രവര്ത്തിക്കുന്നത്. കൂടാതെ, 4,000 പൈലറ്റുമാരുമായി കമ്പനി പ്രത്യേക കരാറും ഒപ്പിട്ടു. ഇവര് ഏപ്രില് മുതല് മെയ് വരെയുള്ള നാലാഴ്ച കാലയളവില് ശമ്പളമില്ലാത്ത അവധിയില് പ്രവേശിക്കും. അന്യദേശങ്ങളില് കുടുങ്ങിയിരിക്കുന്ന ബ്രിട്ടീഷ് പൗരന്മാരെ സ്വദേശത്തെത്തിക്കുന്നതിനായുള്ള സര്ക്കാരിന്റെ 75 മില്യണ് യൂറോ പദ്ധതിയില് ബ്രിട്ടീഷ് എയര്വേസ് കൈകോര്ത്തിട്ടുണ്ട്.
ഈ ആഴ്ച പെറുവില് നിന്ന് ആയിരത്തിലധികം ബ്രിട്ടിഷ് പൗരന്മാരെ എയര്വേസ് നാട്ടില് തിരികെയെത്തിച്ചു. യാത്രാ വിലക്കുകള് കാരണം മിക്കവരും ബുക്കിംഗ് റദ്ദാക്കിയതോടെ യൂറോപ്യന് വിമാനക്കമ്പനികള്ക്ക് പാസഞ്ചര് വരുമാന ഇനത്തില് 63 ബില്യണ് യൂറോ വരെ നഷ്ടമാകുമെന്ന് ഇന്റര്നാഷണല് എയര് ട്രാന്സ്പോര്ട് അസോസിയേഷന് (ഐറ്റ) അഭിപ്രായപ്പെട്ടു.
More From GoodReturns
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
Sign in with Google