ക്രിപ്റ്റോ വിപണിയില്‍ നിരാശ; നേട്ടമുണ്ടാക്കിയത് എല്‍റോണ്ട്, പോള്‍ക്കഡോട്ട് കോയിനുകള്‍ മാത്രം

നിരാശാജനകമായ പ്രകടനമാണ് കഴിഞ്ഞ 24 മണിക്കൂറില്‍ ക്രിപ്‌റ്റോ വിപണിയില്‍ ദൃശ്യമാകുന്നത്. കഴിഞ്ഞ ദിവസം മികച്ച പ്രകടനം കാഴ്ച വച്ച കോയിനുകളെല്ലാം താഴേക്ക് പതിച്ചു. വളരെ ചുരുക്കം ചില കോയിനുകള്‍ക്ക് മാത്രമാണ് നേട്ടം സ്വന്തമാക്കാന്‍ സാധിച്ചത്. കഴിഞ്ഞ 24 മണിക്കൂറില്‍ ഏറ്റവും മികച്ച പ്രകടനം കാഴ്ച വച്ചിരിക്കുന്നത് എല്‍റോണ്ട് കോയിനുകളാണ്. 10.38 ശതമാനത്തിന്റെ വളര്‍ച്ച എല്‍റോണ്ട് കോയിനുകള്‍ സ്വന്തമാക്കി. നിലവില്‍ 11,692 രൂപയ്ക്കാണ് എല്‍റോണ്ട് കോയിനുകള്‍ വിനിമയം ചെയ്യപ്പെടുന്നത്. 196.3Bയാണ് കോയിന്റെ മാര്‍ക്കറ്റ് ക്യാപ്.

പോള്‍ക്കഡോട്ട് കോയിനുകള്‍

ക്രിപ്‌റ്റോ വിപണിയില്‍ നേട്ടമുണ്ടാക്കിയിരിക്കുന്ന മറ്റൊരു കോയിന്‍ പോള്‍ക്കഡോട്ട് കോയിനുകളാണ്. 24 മണിക്കൂറില്‍ 9.98 ശതമാനത്തിന്റെ വളര്‍ച്ചയാണ് പോള്‍ക്കഡോട്ട് കോയിനുകള്‍ സ്വന്തമാക്കിയിരിക്കുന്നത്. നിലവില്‍ 2.048.20 രൂപയ്ക്കാണ് പോള്‍ക്കഡോട്ട് കോയിനുകള്‍ വിനിമയം ചെയ്യപ്പെടുന്നത്. 1.8Tയാണ് മാര്‍ക്കറ്റ് ക്യാപ്.

ടെതര്‍ കോയിനുകള്‍

കഴിഞ്ഞ 24 മണിക്കൂറില്‍ 1.90 ശതമാനത്തിന്റെ വളര്‍ച്ചയാണ് ടെതര്‍ കോയിനുകള്‍ നേടിയിരിക്കുന്നത്. നിലവില്‍ 78.27 രൂപയാണ് ടെതര്‍ കോയിനുകളുടെ വിനിമയ നിരക്ക്. 4.7Tയാണ് മാര്‍ക്കറ്റ് ക്യാപ്. ബിറ്റ് കോയിന്‍, എഥിരിയം, കാര്‍ഡാനോ, റിപ്പിള്‍, ഡോജി കോയിന്‍ തുടങ്ങിയ നിക്ഷേപക പ്രിയ കോയിനുകളെല്ലാം മൂല്യത്തില്‍ താഴേക്ക് പതിച്ചിരിക്കുകയാണ്.

ബിറ്റ്‌കോയിന്‍

ഏറ്റവും പഴക്കമേറിയതും കൂടുതല്‍ ജനപ്രീതിയുള്ളതുമായ ക്രിപ്‌റ്റോ കറന്‍സിയായ ബിറ്റ്‌കോയിന്‍ കഴിഞ്ഞ 24 മണിക്കൂറില്‍ 1.32 ശതമാനം താഴേക്ക് പോയി. നിലവില്‍ 35,77,913 രൂപയ്ക്കാണ് ബിറ്റ് കോയിന്‍ വിനിമയം ചെയ്യപ്പെടുന്നത്. 64.9Tയാണ് മാര്‍ക്കറ്റ് ക്യാപ്. എഥിരിയം കോയിനുകള്‍ കഴിഞ്ഞ 24 മണിക്കൂറില്‍ 1.83 ശതമാനം ഇടിവാണ് രേഖപ്പെടുത്തിയിരിക്കുന്നത്. നിലവില്‍ കോയിന്‍ വിനിമയം ചെയ്യപ്പെടുന്നത് 2,46,532 രൂപയ്ക്കാണ്. 28.1Tയാണ് മാര്‍ക്കറ്റ് ക്യാപ്. കാര്‍ഡാനോ കോയിനുകള്‍ കഴിഞ്ഞ 24 മണിക്കൂറില്‍ 1.79 ശതമാനം താഴേക്ക് പോയി. നിലവില്‍ 161.67 രൂപയ്ക്കാണ് കാര്‍ഡാനോ കോയിനുകള്‍ വിനിമയം ചെയ്യപ്പെടുന്നത്. 5.0Tയാണ് മാര്‍ക്കറ്റ് ക്യാപ്.

റിപ്പിള്‍ കോയിനുകള്‍

റിപ്പിള്‍ കോയിനുകള്‍ നിക്ഷേപകരെ വളരെയധികം നിരാശപ്പെടുത്തി. കഴിഞ്ഞ 24 മണിക്കൂറില്‍ 8.10 ശതമാനം കുറവാണ് റിപ്പിള്‍ കോയിനുകളുടെ മ്യൂല്യത്തില്‍ ഉണ്ടായിരിക്കുന്നത്. 91.23 രൂപയ്ക്കാണ് നിലവില്‍ റിപ്പിള്‍ കോയിനുകള്‍ വിനിമയം ചെയ്യപ്പെടുന്നത്. 4.3Tയാണ് മാര്‍ക്കറ്റ് ക്യാപ്. കഴിഞ്ഞ 24 മണിക്കൂറില്‍ 1.85 ശതമാനമാണ് ഡോജി കോയിനുകളില്‍ ഇടിവുണ്ടായിരിക്കുന്നത്. നിലവില്‍ 25.28ന രൂപയ്ക്കാണ് ഡോജി കോയിനുകള്‍ വിനിമയം ചെയ്യപ്പെടുന്നത്. 3.2Tയാണ് മാര്‍ക്കറ്റ് ക്യാപ്. യുനിസ്വാപ് കോയിനുകള്‍ 3.09 ശതമാനം താഴേക്ക് പോയിരിക്കുകയാണ്. നിലവില്‍ കോയിനുകള്‍ വിനിമയം ചെയ്യപ്പെടുന്നത്. 2,285.50 രൂപയ്ക്കാണ്. 1.3Tയാണ് മാര്‍ക്കറ്റ് ക്യാപ്.

ക്രിപ്‌റ്റോ കറന്‍സി നിക്ഷേപം

ക്രിപ്‌റ്റോ കറന്‍സി നിക്ഷേപം അതി സൂക്ഷ്മതയോടെ കൈകാര്യം ചെയ്യേണ്ടുന്ന ഒന്നാണെന്ന് എപ്പോഴും ഓര്‍ക്കുക. കോയിനുകളുടെ വില ഘടന അനു നിമിഷം മാറിക്കൊണ്ടിരിക്കുമെന്നതിനാല്‍ ക്രിപ്‌റ്റോ കറന്‍സികളിലെ റിസ്‌ക് സാധ്യതകളും ഏറെയാണ്. യുവാക്കളായ പല നിക്ഷേപകരും ഇപ്പോള്‍ ക്രിപ്‌റ്റോ കറന്‍സി നിക്ഷേപത്തില്‍ കൂടുതല്‍ താത്പര്യം കാണിക്കുന്നുണ്ട്. സമീപ കാലത്ത് കോയിനുകള്‍ നേടുന്ന വളര്‍ച്ച തന്നെയാണ് അതിന് കാരണം.