ക്രിപ്റ്റോ വിപണിയില് സമ്മിശ്രമായി പ്രകടനമാണ് കഴിഞ്ഞ 24 മണിക്കൂറില് ദൃശ്യമാകുന്നത്. ഏറ്റവും വലിയ ക്രിപ്റ്റോ കറന്സിയായ ബിറ്റ്കോയിന് മൂല്യത്തില് നേട്ടം സ്വന്തമാക്കിയപ്പോള് എഥിരിയം, കാര്ഡാനോ, പോള്ക്കഡോട്ട് തുടങ്ങിയ മുന്നിര കോയിനുകളെല്ലാം തന്നെ മൂല്യത്തില് താഴേക്ക് പോയി. ടെതര്, റിപ്പിള് കോയിനുകള് ബിറ്റ്കോയിനൊപ്പം മൂല്യത്തില് വളര്ച്ച സ്വന്തമാക്കിയിട്ടുണ്ട്. ക്രിപ്റ്റോ വിപണിയിലെ മാറ്റങ്ങള് പ്രവചനാതീതമാണെന്ന് നിക്ഷേപകര്ക്കെല്ലാം അറിയാമല്ലോ.
ക്രിപ്റ്റോ വിപണി
ഏറ്റവും വേഗത്തില് നേട്ടത്തില് നിന്ന് നഷ്ടത്തിലേക്കും നഷ്ടത്തില് നിന്ന് നേട്ടത്തിലേക്കുമുള്ള മാറ്റങ്ങളാണ് ക്രിപ്റ്റോ വിപണിയുടെ സവിശേഷത. ക്രിപ്റ്റോ വിപണി അതിനാല് തന്നെ ഓരേ നിമിഷവും വിപണിയെ അതിസുക്ഷ്മമായി നിരീക്ഷിച്ച് നിക്ഷേപം നടത്തുവാന് തയ്യാറുള്ളവര്ക്ക് മാത്രമാണ് ക്രിപ്റ്റോ വിപണിയില് നിന്നും നേട്ടം സ്വന്തമാക്കുവാന് സാധിക്കുക. അനുനിമിഷം മൂല്യം മാറി മറിയുന്ന ക്രിപ്റ്റോ വിപണിയില് കഴിഞ്ഞ 24 മണിക്കൂര് സമയത്തെ കോയിനുകളുടെ വിലയിലുണ്ടായിരിക്കുന്ന മാറ്റങ്ങള് നമുക്കിവിടെ പരിശോധിക്കാം.
Also Read : ഈ മള്ട്ടി ബാഗ്ഗര് ഓഹരിയില് 1 ലക്ഷം രൂപയുടെ നിക്ഷേപം വളര്ന്നത് 42 ലക്ഷമായി!
ബിറ്റ്കോയിന്
കഴിഞ്ഞ 24 മണിക്കൂറില് ബിറ്റ്കോയിന് 0.58 ശതമാനം ഉയര്ന്നു. നിലവില് 48,71,236 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 86.4 ട്രില്യണാണ് കോയിന്റെ മാര്ക്കറ്റ് ക്യാപ്. എഥിരിയം കോയിനുകള് കഴിഞ്ഞ 24 മണിക്കൂറില് 0.80 ശതമാനം താഴേക്ക് പോയി. നിലവില് 2,97,956 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 33.2 ട്രില്യണാണ് കോയിന്റെ മാര്ക്കറ്റ് ക്യാപ്.
Also Read : സ്ഥിര നിക്ഷേപങ്ങള്ക്ക് ഈ സ്വകാര്യ ബാങ്കുകളില് ലഭിക്കും ഏറ്റവും ഉയര്ന്ന പലിശ
കാര്ഡാനോ കോയിന്
കാര്ഡാനോ കോയിന് കഴിഞ്ഞ 24 മണിക്കൂറില് 0.81 ശതമാനം ഇടിഞ്ഞു. നിലവില് 167.35 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 5.3 ട്രില്യണാണ് കോയിന്റെ മാര്ക്കറ്റ് ക്യാപ്. ടെതര് കോയിന് കഴിഞ്ഞ 24 മണിക്കൂറില് 0.60 ശതമാനം നേട്ടം സ്വന്തമാക്കി. നിലവില് 78.91 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 5.2 ട്രില്യണാണ് കോയിന്റെ മാര്ക്കറ്റ് ക്യാപ്.
Also Read : മ്യൂച്വല് ഫണ്ട് നിക്ഷേപങ്ങളെക്കുറിച്ചുള്ള ഈ മൂന്ന് കെട്ടുകഥകള് പാടേ ഉപേക്ഷിക്കാം
റിപ്പിള് കോയിന്
റിപ്പിള് കോയിന് കഴിഞ്ഞ 24 മണിക്കൂറില് 0.18 ശതമാനം ഉയര്ന്നു. നിലവില് 85.43 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 3.8 ട്രില്യണാണ് കോയിന്റെ മാര്ക്കറ്റ് ക്യാപ്. യുഎസ്ഡി കോയിന് കഴിഞ്ഞ 24 മണിക്കൂറില് 0.52 ശതമാനം ഉയര്ന്നു. നിലവില് 78.87 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 2.5 ട്രില്യണാണ് കോയിന്റെ മാര്ക്കറ്റ് ക്യാപ്.
Also Read : 500 രൂപയ്ക്കും സ്വര്ണം വാങ്ങാം! ഈ നിക്ഷേപ രീതിയെക്കുറിച്ച് അറിയൂ
പോള്ക്കഡോട്ട് കോയിന്
പോള്ക്കഡോട്ട് കോയിന് കഴിഞ്ഞ 24 മണിക്കൂറില്3.76 ശതമാനം താഴ്ന്നു. നിലവില് 3,223.77 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 3.1 ട്രില്യണാണ് കോയിന്റെ മാര്ക്കറ്റ് ക്യാപ്. കഴിഞ്ഞ 24 മണിക്കൂറില് ഡോജി കോയിന് 5.37 ശതമാനം ഇടിഞ്ഞു. നിലവില് 19.40 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 2.6 ട്രില്യണാണ് കോയിന്റെ മാര്ക്കറ്റ് ക്യാപ്. യുനിസ്വാപ് കോയിന് കഴിഞ്ഞ 24 മണിക്കൂറില് 0.49 ശതമാനം ഉയര്ന്നു. നിലവില് 2,035.45 രൂപയ്ക്കാണ് കോയിന് വിനിമയം ചെയ്യപ്പെടുന്നത്. 1.2 ട്രില്യണാണ് കോയിന്റെ മാര്ക്കറ്റ് ക്യാപ്.
ക്രിപ്റ്റോ കറന്സി നിക്ഷേപം
ക്രിപ്റ്റോ കറന്സി നിക്ഷേപം അതി സൂക്ഷ്മതയോടെ കൈകാര്യം ചെയ്യേണ്ടുന്ന ഒന്നാണെന്ന് എപ്പോഴും ഓര്ക്കുക. കോയിനുകളുടെ വില ഘടന അനു നിമിഷം മാറിക്കൊണ്ടിരിക്കുമെന്നതിനാല് ക്രിപ്റ്റോ കറന്സികളിലെ റിസ്ക് സാധ്യതകളും ഏറെയാണ്. യുവാക്കളായ പല നിക്ഷേപകരും ഇപ്പോള് ക്രിപ്റ്റോ കറന്സി നിക്ഷേപത്തില് കൂടുതല് താത്പര്യം കാണിക്കുന്നുണ്ട്. സമീപ കാലത്ത് കോയിനുകള് നേടുന്ന വളര്ച്ച തന്നെയാണ് അതിന് കാരണം.
പുതിയ ക്രിപ്റ്റോ കറന്സി നിയമം
നിലവില് പുതിയ ക്രിപ്റ്റോ കറന്സി നിയമം ഇന്ത്യയില് അവതരിപ്പിക്കാനുള്ള ഒരുക്കത്തിലാണ് കേന്ദ്ര സര്ക്കാര്. ഇതിനായി കരട് ബില് സര്ക്കാര് തയ്യാറാക്കിക്കഴിഞ്ഞു. ഉപയോഗം അടിസ്ഥാനപ്പെടുത്തി ക്രിപ്റ്റോ കറന്സികളെ തരംതിരിക്കാന് ബില്ലില് നിര്ദേശമുണ്ടെന്നാണ് സൂചന. സ്വര്ണം, വെള്ളി പോലെ അസറ്റ്/കമ്മോഡിറ്റി ഗണത്തിലായിരിക്കും ക്രിപ്റ്റോകറന്സികളെ കേന്ദ്രം പരിഗണിക്കുക. ക്രിപ്റ്റോ ഇടപാടുകളില് കൃത്യമായ നികുതി ഘടന കൊണ്ടുവരാനും കേന്ദ്രത്തിന് ആലോചനയുണ്ട്.
Also Read : എസ്ബിഐയില് നിന്നും മാസം 60,000 രൂപ നേടാന് അവസരം! എങ്ങനെയെന്നറിയേണ്ടേ?
ക്രിപ്റ്റോ കറന്സികള്ക്ക് നിയമ സാധുത
സുരക്ഷ മാനിച്ച് ക്രിപ്റ്റോ കറന്സികള്ക്ക് നിയമ സാധുത നല്കാന് ഇന്ത്യ തയ്യാറായേക്കും. എന്നാല് ആഗോള മാനദണ്ഡങ്ങള് വിലയിരുത്തിയ ശേഷം സ്വന്തം നിലയ്ക്കായിരിക്കും ഇന്ത്യ നിയന്ത്രണങ്ങള് കൊണ്ടുവരിക, ബ്ലോക്ക് ചെയിന് ആന്ഡ് ക്രിപ്റ്റോ അസറ്റ് കൗണ്സില് ഓഫ് ഇന്റര്നെറ്റ് ആന്ഡ് മൊബൈല് അസോസിയേഷന് ഓഫ് ഇന്ത്യ സംഘടിപ്പിച്ച കോണ്ഫറന്സില് ജയന്ത് സിന്ഹ സൂചിപ്പിച്ചു. നേരത്തെ, ഇന്ത്യയില് ക്രിപ്റ്റോകറന്സികള് പൂര്ണമായും വിലക്കാന് കേന്ദ്ര സര്ക്കാര് ആലോചിച്ചിരുന്നു.
Also Read : 2 രൂപ നിക്ഷേപത്തില് നേടാം 36,000 രൂപ! ഈ സര്ക്കാര് പദ്ധതിയെക്കുറിച്ച് അറിയാമോ?
ഇന്ത്യന് നിക്ഷേപകര്
ടെക്ക് സ്റ്റോറി പ്രസിദ്ധീകരിച്ച റിപ്പോര്ട്ടു പ്രകാരം 70 ലക്ഷം ഇന്ത്യക്കാര് ക്രിപ്റ്റോകറന്സി വ്യാപാരം നടത്തുന്നുണ്ട്. 1 ബില്യണ് ഡോളറിലേറെയാണ് ഇന്ത്യന് നിക്ഷേപകരുടെ സംയുക്ത നിക്ഷേപവും (ഏകദേശം 7,380 കോടി രൂപ). രാജ്യത്ത് ക്രിപ്റ്റോകറന്സികള്ക്ക് വലിയ പ്രചാരം ലഭിക്കവെ ഇടപാടുകള്ക്ക് നിയന്ത്രണം വേണമെന്ന ഉറച്ച നിലപാടിലാണ് ധനമന്ത്രി നിര്മല സീതാരാമന്. ബ്ലോക്ക് ചെയിന് സാങ്കേതികവിദ്യ അടിസ്ഥാനപ്പെടുത്തി പുതിയ ഡിജിറ്റല് കറന്സി പകരം അവതരിപ്പിക്കാന് സര്ക്കാരിന് ഉദ്ദേശ്യമുണ്ട്. റിസര്വ് ബാങ്കിനാണ് പുതിയ ഡിജിറ്റല് കറന്സിയുടെ ചുമതല.
Also Read : എന്പിഎസിലൂടെ 12,000 രൂപ പ്രതിമാസ നിക്ഷേപത്തില് സ്വന്തമാക്കാം മാസം 1.78 ലക്ഷം രൂപ
സുരക്ഷ ഉറപ്പാക്കുന്നു
ക്രിപ്റ്റോകറന്സി ഇടപാടുകള് വഴി കള്ളപ്പണം വെളുപ്പിക്കപ്പെടുന്നുവെന്ന സര്ക്കാര് ഏജന്സികളുടെ മുന്നറിയിപ്പ് മുന്നിര്ത്തി ഇന്ത്യന് ക്രിപ്റ്റോ എക്സ്ചേഞ്ചുകള് സംശയാസ്പദമായ അക്കൗണ്ടുകള് മരവിപ്പിക്കാന് തുടങ്ങിയിട്ടുണ്ട്. കഴിഞ്ഞ മാസങ്ങളില് എന്ഫോഴ്സ്മെന്റ് ഡയറക്ടറേറ്റും ആദായ നികുതി വകുപ്പും ക്രിപ്റ്റോ എക്സ്ചേഞ്ചുകളെ ഇക്കാര്യവുമായി ബന്ധപ്പെട്ട് സമീപിച്ചിരുന്നു. വിദേശ അന്വേഷണ ഏജന്സികളും ഇന്ത്യന് ക്രിപ്റ്റോ എക്സ്ചേഞ്ചുകളുമായി സമ്പര്ക്കം പുലര്ത്തുന്നതായാണ് വിവരം.