സിബിഎസ്ഇ കേന്ദ്ര അധ്യാപക യോഗ്യത പരീക്ഷ (CTET) അഡ്മിറ്റ് കാര്‍ഡ് ഇവിടെ ഡൗണ്‍ലോഡ് ചെയ്യാം

സെന്‍ട്രല്‍ ബോര്‍ഡ് ഓഫ് സെക്കന്ററി എജ്യുക്കേഷന്‍ (സിബിഎസ്ഇ) 'സിടെറ്റ് അഡ്മിറ്റ് കാര്‍ഡ് 2026' പുറത്തിറക്കി. ctet.nic.in വെബ്‌സൈറ്റില്‍ ഹാള്‍ ടിക്കറ്റുകള്‍ ഡൗണ്‍ ലോഡ് ചെയ്യാം. 2026 ലെ കേന്ദ്ര അധ്യാപക യോഗ്യത പരീക്ഷ(സിടെറ്റ്)യ്ക്ക് അപേക്ഷിച്ച ഉദ്യോഗാര്‍ത്ഥികള്‍ക്കാണ് അഡ്മിറ്റ് കാര്‍ഡ് ഡൗണ്‍ലോഡ് ചെയ്യാനാകുക.

സിബിഎസ്ഇ നിര്‍ദ്ദേശം
 പ്രവേശന കാര്‍ഡില്‍ രേഖപ്പെടുത്തിയ പരീക്ഷാ തീയതി, ഷിഫ്റ്റ്, സമയം എന്നിവ ഉദ്യോഗാര്‍ത്ഥികള്‍, കൃത്യമായി പിന്തുടരണം. റിപ്പോര്‍ട്ടിംഗ് സമയത്തിന് ശേഷമുള്ള പ്രവേശനവും പരീക്ഷാ തീയതി, നഗരം, കേന്ദ്രം എന്നിവ മാറ്റുന്നതിനുള്ള അഭ്യര്‍ത്ഥനകളും പരിഗണിക്കപ്പെടില്ല.

സിടെറ്റ് അഡ്മിറ്റ് കാര്‍ഡ് ഡൗണ്‍ലോഡ് ചെയ്യേണ്ട വിധം

1: ctet.nic.in എന്ന ഔദ്യോഗിക വെബ്സൈറ്റ് സന്ദര്‍ശിക്കുക.
2: ഹോംപേജില്‍ ലഭ്യമായ സിടെറ്റ് അഡ്മിറ്റ് കാര്‍ഡ് 2026 ലിങ്കില്‍ ക്ലിക്ക് ചെയ്യുക
3: അപേക്ഷാ നമ്പര്‍, ജനനത്തീയതി, സെക്യൂരിറ്റി പിന്‍ എന്നിവ നല്‍കുക.
4: അഡ്മിറ്റ് കാര്‍ഡ് സ്‌ക്രീനില്‍ ദൃശ്യമാകും. വിശദാംശങ്ങള്‍ ശ്രദ്ധാപൂര്‍വ്വം പരിശോധിക്കുക.
5: അഡ്മിറ്റ് കാര്‍ഡ് ഡൗണ്‍ലോഡ് ചെയ്ത് പരീക്ഷാ ദിവസത്തിന്റെ പ്രിന്റൗട്ട് എടുക്കുക.

അഡ്മിറ്റ് കാര്‍ഡ് ഡൗണ്‍ലോഡ് ചെയ്യുന്നതിനുള്ള നേരിട്ടുള്ള ലിങ്ക്

സിടെറ്റ് 2026 തീയതി
സിടെറ്റ് 2026 പരീക്ഷ ഫെബ്രുവരി 7,8 തീയതികളില്‍ 140-ലധികം കേന്ദ്രങ്ങളില്‍ നടക്കും. കേരളത്തില്‍ തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലാണ് പരീക്ഷാ കേന്ദ്രങ്ങള്‍. കേന്ദ്രീയ വിദ്യാലയങ്ങളില്‍ അധ്യാപകരാകാനുള്ള യോഗ്യതയാണ് പരീക്ഷ അളക്കുന്നത്.

ആദ്യ ഷിഫ്റ്റ്: രാവിലെ 9.30 മുതല്‍ ഉച്ചയ്ക്ക് 12.00 വരെ
രണ്ടാം ഷിഫ്റ്റ്: ഉച്ചയ്ക്ക് 2.30 മുതല്‍ വൈകുന്നേരം 5.00 വരെ

അഡ്മിറ്റ് കാര്‍ഡില്‍ പിശക് വന്നാല്‍ എന്തുചെയ്യണം?
പേര്, ഫോട്ടോ, ഒപ്പ്, മറ്റ് വിശദാംശങ്ങള്‍ എന്നിവയില്‍ പൊരുത്തക്കേട് കണ്ടെത്തുന്ന പക്ഷം, ഉദ്യോഗാര്‍ത്ഥി ഉടന്‍ തന്നെ സിടെറ്റ് യൂണിറ്റുമായി ബന്ധപ്പെടേണ്ടതാണ്.