രാജ്യത്ത് ആഭ്യന്തര വിമാന സർവ്വീസുകൾക്കും വിലക്ക്, വിമാനത്താവളങ്ങൾ അടയ്ക്കും

രാജ്യത്ത് ആഭ്യന്തര വിമാന സർവ്വീസുകൾ നാളെ അർദ്ധരാത്രി മുതൽ റദ്ദാക്കും. ഇതോടെ വിമാനത്താവളങ്ങളുടെ പ്രവർത്തനങ്ങൾ പൂർണമായും നിലയ്ക്കും. ചൊവ്വാഴ്ച അർദ്ധരാത്രിക്ക് ശേഷം ആഭ്യന്തര വിമാന സർവീസുകൾ നിർത്തിവയ്ക്കുമെന്നാണ് സർക്കാർ അറിയിച്ചിരിക്കുന്നത്. ഇതോടെ രാജ്യം പൂർണമായും സ്തംഭനാവസ്ഥയിലാകും. ആഭ്യന്തര ഷെഡ്യൂൾ വാണിജ്യ എയർലൈനുകളുടെ പ്രവർത്തനം 24/3/2020 ന് രാത്രി 23.59 മണി മുതൽ നിർത്തലാക്കുമെന്ന് സർക്കാരിന്റെ പ്രസ്താവനയിൽ പറയുന്നു.

24/3/2020 ന് 23:59ന് മണിക്കൂറിന് മുമ്പ് വിമാനക്കമ്പനികൾ ലക്ഷ്യസ്ഥാനത്ത് എത്തുന്നതിനായി പ്രവർത്തനം ആസൂത്രണം ചെയ്യേണ്ടതുണ്ടെന്നും പ്രസ്താവനയിൽ വ്യക്തമാക്കിയിട്ടുണ്ട്. ചരക്ക് കൊണ്ടുപോകുന്ന വിമാനങ്ങൾക്ക് മാത്രം നിയന്ത്രണങ്ങൾ ബാധകമല്ല. ഇന്ന് പുലർച്ചെ മുതൽ രാജ്യത്തെ എല്ലാ അന്താരാഷ്ട്ര വിമാനങ്ങളും റദ്ദാക്കിയിരുന്നു.

രാജ്യത്ത് ആഭ്യന്തര വിമാന സർവ്വീസുകൾക്കും വിലക്ക്, വിമാനത്താവളങ്ങൾ അടയ്ക്കും

ഇന്ത്യയിൽ 430 ൽ അധികം ആളുകൾക്ക് രോഗം ബാധിച്ച കൊറോണ വൈറസിന്റെ വ്യാപനം തടയുന്നതിനുള്ള ശ്രമത്തിന്റെ ഭാഗമായി ട്രെയിൻ സർവീസുകൾ, ഇന്റർ സ്റ്റേറ്റ് ബസ് സർവീസുകൾ, മെട്രോ സർവീസുകൾ തുടങ്ങി മറ്റെല്ലാ പൊതുഗതാഗത സേവനങ്ങളും സർക്കാർ റദ്ദാക്കിയിരുന്നു. കഴിഞ്ഞയാഴ്ച വ്യോമയാന മന്ത്രാലയത്തിൽ നടന്ന യോഗത്തിൽ ആഭ്യന്തര വിമാനങ്ങളിൽ യാത്രക്കാരുടെ എണ്ണം കുറവാണെന്ന ആശങ്കയും എയർലൈൻസ് ഉന്നയിച്ചിരുന്നു. നിലവിലെ സാഹചര്യത്തിൽ നിരവധിയാളുകൾ യാത്രകൾ ഒഴിവാക്കുന്നതാണ് ഇതിന് കാരണം.