'ഇനിയും ആധാർ ലിങ്ക് ചെയ്തില്ലെങ്കിൽ ഈ അവസരം നഷ്ടപ്പെടും', പിഎഫ് ആനുകൂല്യങ്ങൾ വെറുതെ കളയണോ?

ഇപിഎഫ്ഒ പുതിയ തൊഴിലാളികൾക്ക് നൽകുന്ന ഇഎൽഐ ആനുകൂല്യം ലഭിക്കാൻ യുഎഎൻ നമ്പർ ആക്ടിവേറ്റ് ചെയ്യണമെന്നും ബാങ്ക് അക്കൗണ്ട് നമ്പറുകൾ ആധാറുമായി ലിങ്ക് ചെയ്യണമെന്നും അറിയിപ്പുണ്ടായിരുന്നു. ഡിസംബറിൽ അവസാനിക്കുമെന്ന് വ്യക്തമാക്കിയ പദ്ധതി എന്നാൽ ജനുവരിയിലേക്ക് മാറ്റിയതായാണ് റിപ്പോർട്ടുകൾ സൂചിപ്പിക്കുന്നത്. ഈ ആനുകൂല്യം ലഭിക്കാൻ ജനുവരി 15 നകം യുഎഎൻ ആക്ടിവേഷനും, ആധാർ ബാങ്ക് അക്കൗണ്ട് ലിങ്ക് ചെയ്യേണ്ടതും അനിവാര്യമാണ്.

2024 ലെ യൂണിയൻ ബജറ്റിൽ അവതരിപ്പിച്ച ELI സ്കീമിനെ മൂന്ന് ഭാഗങ്ങളായി (എ, ബി, സി) തിരിച്ചിരിക്കുന്നു, ഓരോന്നും തൊഴിലിൻ്റെയും സാമ്പത്തിക വളർച്ചയുടെയും വ്യത്യസ്ത വശങ്ങളിൽ ശ്രദ്ധ കേന്ദ്രീകരിക്കുന്നു. ആധാറുമായി ബന്ധിപ്പിച്ച ബാങ്ക് അക്കൗണ്ടുകൾക്ക് ഡയറക്ട് ബെനിഫിറ്റ് ട്രാൻസ്ഫർ (ഡിബിടി) വഴി ആനുകൂല്യങ്ങൾ ലഭിക്കും.

ജോലിയിൽ ആദ്യമായി പ്രവേശിക്കുന്നവരെ പ്രോത്സാഹിപ്പിക്കാനാണ് ഈ സ്കീം എ ശ്രമിക്കുന്നത്. പ്രതിമാസം ഒരു ലക്ഷം രൂപ വരെ വരുമാനമുള്ള യോഗ്യരായ ജീവനക്കാർക്ക് മൂന്ന് ഗഡുക്കളായി ഒരു മാസത്തെ ശമ്പളം (15,000 രൂപ വരെ) ഇതിലൂടെ ലഭിക്കുന്നു. സ്‌കീം ബി ഉൽപ്പാദന മേഖലയിലെ തൊഴിൽ വികസനത്തിൽ ശ്രദ്ധ കേന്ദ്രീകരിക്കുന്നു, അതേസമയം സ്‌കീം സി കമ്പനികളെ പിന്തുണയ്ക്കാനും തൊഴിലാളികളുടെ വിപുലീകരണത്തെ പ്രോത്സാഹിപ്പിക്കാനുമാണ് ലക്ഷ്യമിടുന്നത്.

എംപ്ലോയ്‌മെൻ്റ് ലിങ്ക്ഡ് ഇൻസെൻ്റീവ് (ഇഎൽഐ) പദ്ധതിയുടെ ആനുകൂല്യങ്ങൾ ലഭിക്കാൻ ആഗ്രഹിക്കുന്നവർ അവരുടെ യൂണിവേഴ്‌സൽ അക്കൗണ്ട് നമ്പർ (യുഎഎൻ) ആക്ടിവേറ്റ് ചെയ്യാനും, അവരുടെ ആധാർ വിശദാംശങ്ങൾ അവരുടെ ബാങ്ക് അക്കൗണ്ടുകളിലേക്ക് ബന്ധിപ്പിക്കാനും സർക്കാർ പറഞ്ഞിരുന്നു. എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷൻ്റെ (EPFO) മേൽനോട്ടത്തിലാണ് ELI സ്‌കീം ഉണ്ടായിരിക്കുക.

'എംപ്ലോയ്‌മെൻ്റ്-ലിങ്ക്ഡ് ഇൻസെൻ്റീവ് (ഇഎൽഐ) സ്കീമിന് കീഴിലുള്ള ആനുകൂല്യങ്ങൾ, യോഗ്യരായ ജീവനക്കാർക്ക് ഡയറക്ട് ബെനിഫിറ്റ് ട്രാൻസ്ഫർ (ഡിബിടി) വഴി വിതരണം ചെയ്യുന്നതിനാൽ, 2024 നവംബർ 30-നകം അവരുടെ എല്ലാ കാര്യങ്ങളിലും യുഎഎൻ ആക്റ്റിവേഷനും ആധാർ സീഡിംഗും ഉറപ്പാക്കാൻ തൊഴിലുടമകളോട് അഭ്യർത്ഥിക്കുന്നു. ഏറ്റവും പുതിയ ജോയിൻ ചെയ്തവരിൽ നിന്ന് ആരംഭിച്ച് ഈ സാമ്പത്തിക വർഷത്തിൽ ചേർന്ന ജീവനക്കാർ വരെ ഇത് നടപ്പിലാക്കണം', എന്നാണ് പദ്ധതി പ്രഖ്യാപിച്ചുകൊണ്ട് നിർമല സീതാരാമൻ പറഞ്ഞത്.

ELI സ്കീമിന്റെ പ്രധാന ആനുകൂല്യങ്ങൾ

ELI സ്കീമിൽ മൂന്ന് ഘടകങ്ങൾ ഉൾക്കൊള്ളുന്നു

ഘടകം A: 

ആദ്യമായ് ജോലി ചെയ്യുന്ന ജീവനക്കാർക്ക് (വിതരണ ശമ്പളം ₹1 ലക്ഷം വരെ) മൂന്ന് ഗഡുക്കളിലായി ഒരു മാസത്തെ ശമ്പളം ലഭ്യമാക്കും. പരമാവധി ₹15,000 വരെ.

ഘടകം B: 

നിർമ്മാണ മേഖലയിൽ ജോലി സൃഷ്ടിക്കാൻ പ്രോത്സാഹനം നൽകുകയും, EPFO സംഭാവനകൾ നാല് വർഷം വരെ നൽകുകയും ചെയ്യും.

ഘടകം C: 

തൊഴിലുടമകൾക്ക് പുതിയ ഹയറിംഗിന് ഓരോ ജീവനക്കാരനും പ്രതിമാസം ₹3,000 വരെ രണ്ടുവർഷത്തേക്ക് പരിരക്ഷ നൽകും.

UAN എങ്ങനെ ആക്ടിവേറ്റ് ചെയ്യാം 

ആധാർ അധിഷ്ഠിത OTP ഉപയോഗിച്ച് UAN സജീവമാക്കാനുള്ള മാർഗങ്ങൾ 

1. EPFO അംഗ പോർട്ടൽ സന്ദർശിക്കുക.

2. "Important Links" വിഭാഗത്തിൽ "Activate UAN" ക്ലിക്ക് ചെയ്യുക.

3. UAN, ആധാർ നമ്പർ, പേര്, ജനന തീയതി, ആധാർ-ലിങ്ക് ചെയ്ത മൊബൈൽ നമ്പർ എന്നിവ നൽകുക.

4. ആധാർ OTP പരിശോധന പൂർത്തിയാക്കുക; PIN ലഭിക്കും.

5. OTP നൽകുക; സജീവമാക്കൽ പൂർത്തിയാക്കുക. രജിസ്റ്റർ ചെയ്ത മൊബൈൽ നമ്പറിലേക്ക് പാസ്വേഡ് ലഭിക്കും.
ആനുകൂല്യങ്ങൾ ലഭിക്കാൻ ഇന്ന് തന്നെ യു എ എൻ ആക്ടിവേഷനും, ആധാർ അനുബന്ധ പ്രവർത്തനങ്ങളും നടപ്പിലാക്കുക.