കാശിനെക്കുറിച്ച് ഓർത്ത് ടെൻഷൻ വേണ്ട; പണം വീട്ടിലെത്തിക്കും, ഹരിയാനയിലെ ഡോർസ്റ്റെപ്പ് ഡെലിവറി മാതൃക

മാരകമായ കൊറോണ വൈറസിനെ നേരിടാനുള്ള ശ്രമങ്ങൾ ഇന്ത്യ ശക്തമാക്കി കൊണ്ടിരിക്കുമ്പോൾ ബാങ്കിംഗ് ഇടപാടുകൾ എളുപ്പമാക്കാൻ ഹരിയാന സർക്കാർ ഒരു പരിഹാരമാർഗ്ഗം കണ്ടെത്തി. ഹരിയാനയിലെ മനോഹർ ലാൽ ഖട്ടറിന്റെ നേതൃത്വത്തിലുള്ള സർക്കാർ ബാങ്ക് ഇടപാടുകൾക്കായി ഒരു പുതിയ പോർട്ടലുമായാണ് രംഗത്തെത്തിയിരിക്കുന്നത്. ആളുകൾക്ക് ബാങ്കിലോ എടിഎമ്മിലോ പോകാതെ അവരവരുടെ വീട്ടുവാതിൽക്കൽ പണം എത്തിക്കാനുള്ള പദ്ധതിയാണ് സർക്കാരിന്റേത്. ഉപഭോക്താക്കളുടെ സൗകര്യത്തിനനുസരിച്ച് ബാങ്കുകളിൽ അവരുടെ സമയ സ്ലോട്ടുകൾ ബുക്ക് ചെയ്യാനും സാധിക്കും.

ബാങ്ക് സ്ലോട്ട് ബുക്ക് ചെയ്യുന്നതിനുള്ള നടപടിക്രമം ഇതാ

• Bankslot.haryana.gov.in എന്ന വെബ്സൈറ്റ് തുറക്കുക
• ‘Book Your Bank Slot.' എന്ന ഓപ്ഷനിൽ ക്ലിക്കുചെയ്യുക.
• ഇതിൽ ക്ലിക്കുചെയ്യുമ്പോൾ, ഉപയോക്താവിനെ ഒരു പുതിയ പേജിലേക്ക് നയിക്കും
• പേര്, മൊബൈൽ നമ്പർ, ഐ‌എഫ്‌എസ്‌സി, തീയതി, അപ്പോയിന്റ്മെന്റിനായി അഭ്യർത്ഥിച്ച സമയം എന്നിവ പൂരിപ്പിക്കേണ്ടതുണ്ട്.
• എല്ലാ വിശദാംശങ്ങളും പൂരിപ്പിച്ച ശേഷം, ഏത് ഉപയോക്താവിനും ‘ബാങ്ക് സ്ലോട്ടിനായി അപേക്ഷിക്കാം.'
• സ്ലോട്ട് സ്ഥിരീകരിക്കുന്നതിലൂടെ ഉപയോക്താവിനെ വീണ്ടും ഒരു പുതിയ പേജിലേക്ക് നയിക്കും. ഈ പേജ് ഇപ്പോൾ സോഫ്റ്റ് കോപ്പി ഫോർമാറ്റിലോ അച്ചടിച്ചോ സൂക്ഷിക്കേണ്ടതുണ്ട്.

ഡോർ സ്റ്റെപ് പണമിടപാട് സേവനങ്ങൾ ബുക്ക് ചെയ്യുന്നതിനുള്ള നടപടിക്രമം ഇതാ

• Bankslot.haryana.gov.in എന്ന വെബ്സൈറ്റ് തുറക്കുക
• Apply Postal Bank Service എന്ന ഓപ്ഷനിൽ ക്ലിക്കുചെയ്യുക.
• ഇതിനുശേഷം, ഉപയോക്താവിന് പേര്, മൊബൈൽ നമ്പർ, തുക, വിലാസം, ജില്ലയുടെയും നഗരത്തിന്റെയും പേര്, പിൻ കോഡ് തുടങ്ങിയ വിശദാംശങ്ങൾ പൂരിപ്പിക്കേണ്ട ഒരു പേജ് ദൃശ്യമാകും.

ഇടപാട് പരിധി

ആധാർ ലിങ്കുചെയ്‌ത അക്കൗണ്ടുകൾക്കാണ് സേവനം ലഭ്യമാകുക. ക്യാഷ് ഡെലിവറിയുടെ ഏറ്റവും കുറഞ്ഞ പരിധി 1,000 രൂപയും പരമാവധി പരിധി 10,000 രൂപയുമാണ്. ടെലിമെഡിസിൻ, മൂവ്മെന്റ് പാസുകൾ, വിള സംഭരണത്തിനുള്ള സഹായം, റേഷൻ വിതരണം, ഭക്ഷണ വിതരണം, വിദ്യാഭ്യാസ സാമഗ്രികൾ എന്നിവയുൾപ്പെടെ ആവശ്യമായ എല്ലാ സേവനങ്ങളും ജനങ്ങൾക്ക് ലഭ്യമാക്കുകയെന്ന ലക്ഷ്യത്തോടെ ഹരിയാന മുഖ്യമന്ത്രി മനോഹർ ലാൽ ഖത്തർ ശനിയാഴ്ച 'ഹെൽപ്പ് മീ' എന്ന മൊബൈൽ ആപ്പും പുറത്തിറക്കി.