ഡിജിറ്റൽ ലൈഫ് സർട്ടിഫിക്കറ്റ് വീട്ടുപടിക്കലെത്തും: സേവനങ്ങൾ പോസ്റ്റ്മാൻ വഴി, ഐപിപിബി സേവനം ഇങ്ങനെ...

ദില്ലി: പെൻഷൻകാർക്ക് ആശ്വാസ പ്രഖ്യാപനവുമായി പോസ്റ്റ് ആൻഡ് പേയ്മെൻറ് വകുപ്പിന്റെ ഐപിപിബി ഇന്ത്യ പോസ്റ്റ് പേയ്മെന്റ് ബാങ്ക് പെൻഷൻ & പെൻഷനേഴ്സ് ക്ഷേമ വകുപ്പിന്റെ സംരംഭം ആരംഭിച്ചു. "പോസ്റ്റ്മാൻ വഴി ഡിജിറ്റൽ ലൈഫ് സർട്ടിഫിക്കറ്റ് സമർപ്പിക്കുന്നതിനുള്ളതാണ് ഈ ഡോർസ്റ്റെപ്പ് സേവനം". പെൻഷനേഴ്സിന് ലൈഫ് സർട്ടിഫിക്കറ്റ് സമർപ്പിക്കുന്നതിന് സൌകര്യപ്രദവും സുതാര്യവുമായ സൌകര്യം ഒരുക്കുക എന്ന ലക്ഷ്യത്തോടെ 2014ൽ ഇന്ത്യൻ പ്രധാനമന്ത്രി നരേന്ദ്രമോദിയാണ് ലൈഫ് സർട്ടിഫിക്കറ്റ് ജീവൻ പ്രമാൺ പോർട്ടൽ വഴി ആരംഭിക്കുന്നത്. അന്ന് മുതൽ രാജ്യത്തുടനീളം മന്ത്രി ജിതേന്ദ്ര സിംഗിന്റെ മേൽനോട്ടത്തിൽ ഈ പദ്ധതി നടപ്പിലാക്കുന്നതിന് ഇന്ത്യ പോസ്റ്റ് പേയ്മെന്റ് ബാങ്കുമായി ചേർന്ന് പ്രവർത്തിച്ച് വരികയായിരുന്നു. പെൻഷൻകാർക്ക് വാതിൽപ്പടി സൌകര്യം ഒരുക്കുന്നതിന് വേണ്ടി പോസ്റ്റ്മാൻ, ഗ്രാമീൺ ഡാക് സേവക് എന്നിവരുടെ ശൃംഖലയെ ഉപയോഗപ്പെടുത്തുകയും ചെയ്തിരുന്നു.

ഡിഎൽസി സേവനങ്ങൾ വീടുകൾ തോറും എത്തിക്കുന്നതിനായി ഐപിപിബി തങ്ങളുടെ ബാങ്ക് സോഫ്റ്റ് വെയറും ഇതിനനുസൃതമായി ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജിയുമായും യുഐഡിഎഐയുമായി ചേർന്ന് പരിഷ്കരിച്ചിരുന്നു. ബാങ്ക് അക്കൌണ്ടിൽ നിന്ന് പണം പിൻവലിക്കുന്നതിനുള്ള സൌകര്യങ്ങൾക്ക് പുറമേയാണിത്. ഐപിപിബി തങ്ങളുടെ ശൃംഖല ഉപയോഗിച്ച് പോസ്റ്റ് ഓഫീസുകളിലെ 1,36,000 ആക്സ് പോയിന്റുകളും 1,89,000 പോസ്റ്റ്മാൻമാർ& ഗ്രാമീൺ സഡക് ഡാക്ക് സേവക്, ബയോമെട്രിക് ഉപകരണങ്ങൾ, സ്മാർട്ട്ഫോണുകൾ എന്നിവ ഉപയോഗിച്ച് ബാങ്കിംഗ് സേവനങ്ങൾ വീട്ടുപടിക്കലെത്തിക്കുന്നത്. ഇതോടെ നിരവധി പെൻഷനേഴ്സിനാണ് ബാങ്ക് ബ്രാഞ്ച് സന്ദർശിക്കാതെ സേവനങ്ങൾ വീട്ടുപടിയ്ക്കൽ ലഭിക്കുന്നത്.

പെൻഷനേഴ്സിന് ബാങ്കിംഗ് സേവനങ്ങൾ വീട്ടുപടിയ്ക്കൽ എത്തുന്നതിന് ഐപിപിബി വഴി ഡിഎൽസി സമർപ്പിക്കേണ്ടത് അനിവാര്യമാണ്. ippbonline.com എന്ന വെബ്സൈറ്റ് സന്ദർശിച്ചാൽ ഉപയോക്താക്കൾക്ക് വിശദമായ വിവരങ്ങൾ ലഭിക്കും. പെൻഷൻ അക്കൌണ്ടുകൾ മറ്റൊരു ബാങ്കിലാണെങ്കിലും തടസ്സങ്ങളില്ലാതെ പെൻഷൻ സേവനങ്ങൾ ലഭിക്കാൻ ഐപിപിബി സഹായിക്കും.