വാള്‍മാര്‍ട്ട് ഇന്ത്യയുടെ മൊത്തവ്യാപാര ബിസിനസ് സ്വന്തമാക്കാനൊരുങ്ങി ഫ്‌ളിപ്പ്കാര്‍ട്ട്‌

വാള്‍മാര്‍ട്ട് ഇന്ത്യ 28 ബെസ്റ്റ് പ്രൈസ് സ്റ്റോറുകള്‍ നടത്തുന്നുണ്ട്, കൂടാതെ രണ്ട് പൂര്‍ത്തീകരണ കേന്ദ്രങ്ങളും കമ്പനിയ്ക്കുണ്ട്. പ്രാദേശികമായി വികസിപ്പിച്ച സാങ്കേതികവിദ്യ പ്രയോജനപ്പെടുത്തിക്കൊണ്ട് രാജ്യത്തെ കിരാന റീട്ടെയില്‍ സംവിധാനത്തെ പരിവര്‍ത്തനം ചെയ്യാനും കിരാനകള്‍ക്കും എംഎസ്എംഇകള്‍ക്കും വളര്‍ച്ച മെച്ചപ്പെടുത്താന്‍ ഇത് സഹായകമാകുമെന്നും ബെംഗളൂരു ആസ്ഥാനമായ ഫ്‌ളിപ്പ്കാര്‍ട്ട് അഭിപ്രായപ്പെട്ടു. ഫ്‌ളിപ്പ്കാര്‍ട്ടിന്റെ പുതിയ ബി-2-ബി അല്ലെങ്കില്‍ മൊത്ത ഓണ്‍ലൈന്‍ ബിസിനസിന് വലിയ തോതില്‍ അസംഘടിത കിരാന വിഭാഗങ്ങളുടെ ആവശ്യങ്ങള്‍ നിറവേറ്റാന്‍ കഴിയും.

കൂടാതെ, ചെറിയ ഷോപ്പുകള്‍ക്ക് ഈ പ്ലാറ്റ്‌ഫോം വഴി നേരിട്ട് സാധനങ്ങള്‍ ഓര്‍ഡര്‍ ചെയ്യാനും സാധിക്കും. രാജ്യത്തുടനീളമുള്ള കിരാനകളിലേക്കും എംഎസ്എംികളിലേക്കും എത്തിച്ചേരാനും വാള്‍മാര്‍ട്ട് ഇന്ത്യ ടീമിന്റെ വ്യാപാര അനുഭവം നേടാനും 12 വര്‍ഷത്തിലേറെയായി ബെസ്റ്റ് പ്രൈസ് സ്റ്റോറുകള്‍ പ്രവര്‍ത്തിപ്പിക്കുന്ന ഇ-കൊമേഴ്‌സ് സ്ഥാപനത്തിന്റെ വിതരണശൃംഖല അടിസ്ഥാനസൗകര്യം ഫ്‌ളിപ്പ്കാര്‍ട്ട് ഹോള്‍സെയില്‍ ഉപയോഗിക്കും.

ഓഹരി വിപണിയിൽ ഇന്ന് നഷ്ടത്തിൽ തുടക്കം, ഫിനാൻഷ്യൽ ഓഹരികൾക്ക് ഇടിവ്

ബെസ്റ്റ് പ്രൈസ് സ്റ്റോറുകള്‍ നിലവില്‍ കിരാനകള്‍, ഹൊറെക്കകള്‍, മറ്റ് എംഎസ്എംഇകള്‍ എന്നിവയുള്‍പ്പടെ 15 ദശലക്ഷത്തിലധികം അംഗങ്ങളെ പിന്തുണയ്ക്കുന്നു. ഇ-കൊമേഴ്‌സ് ബിസിനസിനായി ഭൂരിപക്ഷ ഉടമ വാള്‍മാര്‍ട്ടിന്റെയും നിലവിലുള്ള ഒരു കൂട്ടം ഓഹരിയുടമകളുടെയും നേതൃത്വത്തില്‍ 1.2 ബില്യണ്‍ ഡോളറിന്റെ ഫണ്ട് ഇന്‍ഫ്യൂഷന്‍ സ്വീകരിക്കാന്‍ സജ്ജമായെന്ന് ഫ്‌ളിപ്പ്കാര്‍ട്ട് ഗ്രൂപ്പ് കഴിഞ്ഞയാഴ്ച അറിയിച്ചിരുന്നു.