ട്രെയിൻ യാത്രയിലെ എമർജൻസി ക്വാട്ട, ആർക്കാണ് യോഗ്യത, ഇന്ത്യൻ റെയിൽവേ എങ്ങനെയാണ് അത് അംഗീകരിക്കുന്നത്..?

ദീർഘ ദൂര യാത്രയ്ക്ക് ഭൂരിപക്ഷം ആളുകളും തിരഞ്ഞെടുക്കുന്നത് ട്രെയിനാണ്. എന്നാൽ ട്രെയിനിൽ ടിക്കറ്റ് കിട്ടുക എന്നത് അത്ര എളുപ്പമുള്ള കാര്യമല്ല. അതേസമയം അടിയന്ത ആവശ്യങ്ങൾക്കായി യാത്ര പോകുന്നവർക്ക് എമർജൻസി ക്വാട്ട (EQ) വഴി ടിക്കറ്റ് ബുക്ക് ചെയ്യാൻ സാധിക്കും. എന്നിരുന്നാലും, ഈ ക്വാട്ട എല്ലാവർക്കും ലഭ്യമല്ല. എന്താണ് എമർജൻസി ക്വാട്ട എന്നും ആർക്കൊക്കെ എമർജൻസി ക്വാട്ട വഴി ടിക്കറ്റ് ബുക്ക് ചെയ്യാൻ സാധിക്കുമെന്നും നമുക്ക് നോക്കാം.

എമർജൻസി ക്വാട്ട: ആർക്കാണ് അർഹത?

മന്ത്രിമാർ, സുപ്രീം കോടതി/വിവിധ സംസ്ഥാനങ്ങളിലെ ഹൈക്കോടതി ജഡ്ജിമാർ (HOR) എന്നിവരുൾപ്പെടെ ഉയർന്ന ഔദ്യോഗിക പദവി വഹിക്കുന്നവർ, പാർലമെന്റ് അംഗങ്ങൾ, വെയിറ്റിംഗ് ലിസ്റ്റിലുള്ള മറ്റ് അടിയന്തര ആവശ്യങ്ങളുള്ള യാത്രക്കാർ എന്നിവരുടെ അടിയന്തര യാത്രാ ആവശ്യങ്ങൾ നിറവേറ്റുന്നതിനാണ് എമർജൻസി ക്വാട്ട ഏർപ്പെടുത്തിയിരിക്കുന്നതെന്ന് റെയിൽവേ മന്ത്രാലയം അറിയിച്ചു. വ്യത്യസ്ത ട്രെയിനുകളിലും വ്യത്യസ്ത ക്ലാസുകളിലും പരിമിതമായ സീറ്റുകൾ എമർജൻസി ക്വാട്ടയ്ക്കായി നീക്കിവച്ചിട്ടുണ്ട്.

ഇവ കൂടാതെ വിവിധ ഭാഗങ്ങളിൽ നിന്ന് ലഭിക്കുന്ന അഭ്യർത്ഥനകൾ പരിഗണിക്കുകയും യാത്രക്കാരുടെ നില, യാത്രയുടെ അടിയന്തിരാവസ്ഥ തുടങ്ങിയ ഘടകങ്ങളെ അടിസ്ഥാനമാക്കി ബാക്കിയുള്ള ക്വാട്ട പുറത്തിറക്കുകയും ചെയ്യുന്നു. അതിൽ സർക്കാർ ഡ്യൂട്ടി, കുടുംബ വിയോഗം, അസുഖം അല്ലെങ്കിൽ ജോലി അഭിമുഖങ്ങൾ എന്നിവ ഉൾപ്പെടുന്നു.

എമർജൻസി ക്വാട്ട ക്വാട്ട: അംഗീകരിക്കുന്നത് എങ്ങനെ..?

റെയിൽവേ മന്ത്രാലയത്തിന് വിവിധ തലങ്ങളിൽ നിന്ന് ദിവസേന ധാരാളം അഭ്യർത്ഥനകൾ ലഭിക്കുന്നതിനാൽ ഈ അഭ്യർത്ഥനകൾ എങ്ങനെയാണ് അംഗീകരിക്കപ്പെടുന്നതെന്ന് മനസ്സിലാക്കേണ്ടത് പ്രധാനമാണ്. മുൻ‌ഗണനാ വാറണ്ടും ദീർഘകാല രീതികളും അനുസരിച്ച് മുൻഗണനയുടെ അടിസ്ഥാനത്തിലാണ് റെയിൽവേ അടിയന്തര ക്വാട്ട അനുവദിക്കുന്നത്.

മന്ത്രിമാർ, സുപ്രീം കോടതി/വിവിധ സംസ്ഥാനങ്ങളിലെ ഹൈക്കോടതി ജഡ്ജിമാർ/പാർലമെന്റ് അംഗങ്ങൾ തുടങ്ങിയവരുടെ സ്വന്തം യാത്രയ്ക്കായി അടിയന്തര ക്വാട്ട ആദ്യം അനുവദിക്കാറുണ്ട്. അതിനുശേഷം, പാർലമെന്റ് അംഗങ്ങൾ ഉൾപ്പെടെ വിവിധ കോണുകളിൽ നിന്ന് ലഭിക്കുന്ന മറ്റ് അഭ്യർത്ഥനകൾ പരിഗണിക്കുകയും, യാത്ര ചെയ്യുന്ന യാത്രക്കാരുടെ ഔദ്യോഗിക നില, സർക്കാർ ഡ്യൂട്ടി യാത്ര പോലുള്ള അടിയന്തര സ്വഭാവം, കുടുംബത്തിലെ വിയോഗം, രോഗം, ജോലി അഭിമുഖം തുടങ്ങിയ വിവിധ ഘടകങ്ങൾ കണക്കിലെടുത്ത് ബാക്കിയുള്ള ക്വാട്ട അനുവദിക്കുകയും ചെയ്യുന്നു

എമർജൻസി ക്വാട്ട സെല്ലുകൾ

എമർജൻസി ക്വാട്ട സെല്ലുകൾ സോണൽ/ഡിവിഷണൽ ആസ്ഥാനങ്ങളിലും ചില പ്രധാന നോൺ-ഹെഡ്‌ക്വാർട്ടർ സ്റ്റേഷനുകളിലുമാണ് സ്ഥിതി ചെയ്യുന്നത്. എമർജൻസി ക്വാട്ട പ്രകാരം ടിക്കറ്റ് അനുവദിക്കുന്നതിനുള്ള സൗകര്യം ദുരുപയോഗം ചെയ്യുന്നത് തടയാൻ, വിവിധ കോണുകളിൽ നിന്ന് ലഭിക്കുന്ന രേഖാമൂലമുള്ള അഭ്യർത്ഥനകളുടെ അടിസ്ഥാനത്തിൽ മാത്രമേ എമർജൻസി ക്വാട്ട സീറ്റുകൾ വിട്ടുകൊടുക്കാൻ റെയിൽവേ ബോർഡ് എല്ലാ സോണൽ റെയിൽവേകൾക്കും നിർദ്ദേശം നൽകിയിട്ടുള്ളൂ.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.