Just In
-
-
-
-
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ദില്ലി: പ്രൊവിഡന്റ് ഫണ്ടിലെ നിക്ഷേപത്തിന് ഈ വര്‍ഷം 8.5 ശതമാനം പലിശ വകയിരുത്തും. കൊറോണയുടെ പശ്ചാത്തലത്തില്‍ പലിശ നിരക്ക് കുറയ്ക്കുമെന്ന് നേരത്തെ വാര്‍ത്തകള്‍ വന്നിരുന്നു. ഡിസംബര്‍ 31നകം തുക അക്കൗണ്ടില്‍ ഒറ്റത്തവണയായി ക്രെഡിറ്റ് ആകുമെന്നും റിപ്പോര്‍ട്ടുകള്‍ സൂചിപ്പിക്കുന്നു. ആറ് കോടി ഇപിഫ് അക്കൗണ്ട് ഉടമകള്‍ക്ക് ഇതിന്റെ ആനുകൂല്യം ലഭിക്കും. 8.5 ശതമാനം പലിശ രണ്ടു തവണയായി ക്രെഡിറ്റ് ആകാനാണ് സാധ്യത എന്ന് സെപ്തംബറില്‍ വാര്‍ത്തകള്‍ വന്നിരുന്നു. ഇപിഎഫ്ഒ ഇതുമായി ബന്ധപ്പെട്ട തീരുമാനവും എടുത്തിരുന്നു.
എന്നാല്‍ 8.5 ശതമാനം പലിശ അനുവദിക്കാന്‍ തൊഴില്‍ മന്ത്രാലയം ധനമന്ത്രാലയത്തിന് ശുപാര്‍ശ സമര്‍പ്പിച്ചുവെന്ന് പിടിഐ റിപ്പോര്‍ട്ട് ചെയ്തു. 2019-20 വര്‍ഷത്തേക്കുള്ള പലിശയായിട്ടാണ് 8.5 ശതമാനം ഒറ്റ തവണയായി ക്രെഡിറ്റ് ചെയ്യുക. ധനമന്ത്രാലയത്തിന്റെ അനുമതി ലഭിച്ചാല്‍ മുഴുവന്‍ പലിശയും ഈ മാസം തന്നെ ലഭ്യമാക്കും. ഈ വര്‍ഷം മാര്‍ച്ചിലാണ് ഇപിഎഫ് പലിശ സംബന്ധിച്ച് അന്തിമ തീരുമാനം എടുത്തത്. 8.5 ശതമാനം പലിശ നല്‍കാമെന്നായിരുന്നു തീരുമാനം. തൊഴില്‍ വകുപ്പ് മന്ത്രി സന്തോഷ് ഗങ്‌വാറിന്റെ അധ്യക്ഷതയില്‍ ചേര്‍ന്ന സെന്‍ട്രല്‍ ബോര്‍ഡ് ഓഫ് ട്രസ്റ്റീസ് യോഗത്തിലായിരുന്നു തീരുമാനം കൊക്കൊണ്ടത്.
ഇപിഎഫ്ഒയുടെ ഉന്നത നയരൂപീകരണ സമതിയാണ് സെന്‍ട്രല്‍ ബോര്‍ഡ് ഓഫ് ട്രസ്റ്റീസ് (സിബിടി). സെപ്തംബറില്‍ ചേര്‍ന്ന സിബിടി യോഗം പലിശ കുറയ്‌ക്കേണ്ട എന്ന് തീരുമാനിച്ചു. കൊറോണയുടെ പശ്ചാത്തലത്തില്‍ പലിശ കുറച്ചേക്കുമെന്ന് സൂചനകള്‍ വന്നിരുന്നു. പലിശ കുറയ്‌ക്കേണ്ട എന്ന് തീരുമാനിച്ച സിബിടി പക്ഷേ, രണ്ടു ഗഡുക്കളായി ക്രെഡിറ്റ് ചെയ്യാമെന്ന് ധാരണയിലെത്തുകയായിരുന്നു. ഒരു തവണ 8.15 ശതമാനവും ബാക്കി 0.35 ശതമാനം മറ്റൊരു തവണയും. ഈ തീരുമാനം മാറ്റി എന്നാണ് പുതിയ വിവരം. ഡിസംബര്‍ 31നകം ഈ തുക അക്കൗണ്ടില്‍ ക്രെഡിറ്റ് ആകുമെന്നും പിടിഐ റിപ്പോര്‍ട്ടില്‍ വിശദീകരിക്കുന്നു.
