ഇപിഎഫ്ഒയുടെ പുതിയ നിയമം: മുഴുവൻ പിഎഫ് തുകയും പിൻവലിച്ചാലും അക്കൗണ്ടിൽ എത്ര രൂപയെത്തും?

സന്തോഷ വാർത്തയുമായി ഇപിഎഫ്ഒ! പിഎഫ് അക്കൗണ്ടുകളിൽ നിന്ന് പണം പിൻവലിക്കുന്ന പ്രക്രിയയെ ലളിതമാക്കുകയും ക്ലെയിം നിരസിക്കൽ കുറയ്ക്കുകയും ചെയ്യുന്നതിനായി പുതിയ പ്രഖ്യാപനം നടത്തിയിരിക്കുകയാണ് ഇപിഎഫ്ഒ. ഒക്ടോബർ 13-ന് തൊഴിൽ മന്ത്രി മൻസുഖ് മാണ്ഡവ്യയുടെ അധ്യക്ഷതയിൽ ചേർന്ന എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷന്റെ ഉന്നതാധികാര സമിതിയായ സെൻട്രൽ ബോർഡ് ഓഫ് ട്രസ്റ്റീസ് (സിബിടി) ആണ് ഈ സുപ്രധാന തീരുമാനം കൈക്കൊണ്ടത്.

ഈ മാറ്റത്തിലൂടെ, ജോലി നഷ്ടപ്പെട്ട് തൊഴിൽ രഹിതരായിരിക്കുന്ന ജീവനക്കാർക്ക് ഇനി 12 മാസത്തെ തൊഴിലില്ലായ്മയ്ക്ക് ശേഷം അവരുടെ പിഎഫ് തുക പൂർണ്ണമായും പിൻവലിക്കാൻ കഴിയും. മാത്രമല്ല, പിഎഫ് പെൻഷൻ പിൻവലിക്കാനുള്ള കാലയളവ് 2 മാസത്തിൽ നിന്ന് 36 മാസമായി ഉയർത്തുകയും ചെയ്യും.

സത്യത്തിൽ ഈ മാറ്റം വലിയ രീതിയിൽ ഇപിഎഫ് അം​ഗങ്ങൾക്ക് ​ഗുണകരമാവും. കാരണം, അവരുടെ വിരമിക്കൽ സമ്പാദ്യത്തിനോ പെൻഷൻ അവകാശങ്ങൾക്കോ വിട്ടുവീഴ്ച ചെയ്യാതെ തന്നെ, അടിയന്തിര സാമ്പത്തിക ആവശ്യങ്ങൾ നിറവേറ്റാൻ ഈ മാറ്റത്തിലൂടെ സാധിക്കും. അതുപോലെ തന്നെ ഭാഗികമായി പണം പിൻവലിക്കുന്നതിനുള്ള നടപടികൾ ലളിതമാക്കിയത് അംഗങ്ങൾക്ക് വലിയ നേട്ടമാവും. ഈ പുതിയ നിയമങ്ങൾ പിഎഫ് അംഗങ്ങൾക്ക് കൂടുതൽ സാമ്പത്തിക സുരക്ഷയും ഉറപ്പാക്കുന്നു.

എത്ര തുക വരെ പിൻവലിക്കാം?

ഏറ്റവും പുതിയ നിയമം പ്രകാരം, ജോലി നഷ്ടപ്പെട്ട് 12 മാസത്തിനു ശേഷം നിങ്ങൾക്ക് മുഴുവൻ പിഎഫ് തുകയും പിൻവലിക്കാം. എന്നിരുന്നാലും, ഇപിഎഫ് കോർപ്പസിന്റെ 25% അക്കൗണ്ടിൽ സൂക്ഷിക്കേണ്ടി വരും. ഇത് അംഗങ്ങൾക്ക് തുടർന്നും പലിശ വരുമാനം ലഭിക്കുന്നതിന് സഹായകരമാവും. അതിനാൽ ബാക്കി 75% മാത്രമേ നിങ്ങൾക്ക് പിൻവലിക്കാൻ കഴിയൂ.

പിഎഫ് ഓൺലൈനായി എങ്ങനെ പിൻവലിക്കാം?

• ആദ്യം ജീവനക്കാരുടെ പ്രൊവിഡന്റ് ഫണ്ട് പണം പിൻവലിക്കാൻ, ഫോം നമ്പർ 19 (ഫോം 19) പൂരിപ്പിക്കേണം.

• വെബ്സൈറ്റിൽ നിന്നും മെമ്പർ UAN/ഓൺലൈൻ സർവ്വീസിൽ UAN, പാസ്‌വേഡ്, കാപ്ച എന്നിവ നൽകുക.

• അതിനു ശേഷം ഫോം 19, ഫോം 10C എന്നിവ തിരഞ്ഞെടുക്കുക. ഇതിൽ ഫോം 19 പിഎഫിനും, 10C പെൻഷനും വേണ്ടിയുള്ളതാണ്.

• UANമായി ലിങ്ക് ചെയ്‌തിരിക്കുന്ന അക്കൗണ്ട് നമ്പർ നൽകി 'വെരിഫൈ' ക്ലിക്ക് ചെയ്യുക.

• ഇതിലൂടെ നിങ്ങൾ യോ​ഗ്യനാണെങ്കിൽ നികുതി കിഴിവ് ഒഴിവാക്കുന്നതിനായി 15G അല്ലെങ്കിൽ 15 H അപ്‌ലോഡ് ചെയ്യാം.

ജീവിതം കൂടുതൽ എളുപ്പം, ചരിത്ര തീരുമാനവുമായി ഇപിഎഫ്ഒ, പിഎഫിൽ നിന്ന് മുഴുവൻ തുകയും പിൻവലിക്കാം

• അതിനു ശേഷം പേര്, അക്കൗണ്ട് നമ്പർ, IFSC കോഡ് എന്നിവ ഉൾപ്പെടുന്ന ഒരു ബാങ്ക് ചെക്ക് അപ്‌ലോഡ് ചെയ്യുക.

• ഇപ്പോൾ നിങ്ങൾക്ക് 'Get Aadhaar OTP' എന്ന ഓപ്ഷനിൽ ക്ലിക്ക് ചെയ്യാം.

• നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ ലഭിച്ച ഒടിപി ഇവിടെ നൽകുക.

• ക്ലെയിം ഇപിഎഫ്ഒക്ക് സമർപ്പിക്കും. ഇത് അം​ഗീകരിച്ചു കഴിഞ്ഞാൽ പിൻവലിച്ച തുക നിങ്ങളുടെ ബാങ്ക് അക്കൗണ്ടിലേക്ക് അയക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.