1000 രൂപയ്ക്ക് ബെംഗളൂരുവിൽ നിന്ന് എറണാകുളത്തെത്താം, കീശ ചോരാതെ വന്ദേഭാരത്, നിരക്ക് അറിയാം

Ernakulam-Bengaluru Vande Bharat Express: കേരളത്തിന്‍റെ പുതുവത്സര സമ്മാനം എത്തി. പ്രധാനമന്ത്രി നരേന്ദ്ര മോദി എറണാകുളം- കെഎസ്ആർ ബെംഗളൂരു വന്ദേഭാരത് എക്സ്പ്രസ് ഫ്ലാഗ് ഓഫ് ചെയ്തു. വാരാണസിയിൽ നടക്കുന്ന ചടങ്ങിലാണ് പ്രധാനമന്ത്രി ഓൺലൈനായി ഫ്ലാഗ് ഓഫ് ചെയ്തത്. എറണാകുളം സൗത്ത് റെയിൽവേ സ്റ്റേഷനിലെ ഒന്നാം പ്ലാറ്റ്ഫോമിലും ഉദ്ഘാടനച്ചടങ്ങുകൾ നടന്നു. ആയിരക്കണക്കിന് മലയാളികൾക്ക്, പ്രത്യേകിച്ച് ഐടി പ്രൊഫഷണലുകൾക്കും കേരളത്തിനും ബെംഗളൂരുവിനും ഇടയിൽ യാത്ര ചെയ്യുന്ന വിദ്യാർത്ഥികൾക്കും ഈ ട്രെയിൻ യാത്ര വേഗത്തിലും സുരക്ഷിതമായും കൂടുതൽ സുഖകരവുമാക്കും.

ടിക്കറ്റ് നിരക്ക്

1095 രൂപയാണ് ബെംഗളൂരു - എറണാകുളം റൂട്ടിലെ ഏറ്റവും കുറഞ്ഞ ചാർജ്. ബെംഗളൂരുവിൽ നിന്ന് എറണാകുളം വരെ ചെയർകാറിലാണ് 1095 രൂപ നൽകേണ്ടത്. എക്സിക്യൂട്ടിവ് ചെയർകാറിൽ 2289 രൂപ നൽകണം. റിസർവേഷൻ ചാർജും ജിഎസ്ടിയും ഒഴികെയുള്ള തുകയാണ് ഇത്. 8 മണിക്കൂർ 40 മിനിട്ട് കൊണ്ടാണ് ബെംഗളൂരുവിൽ നിന്ന് 638 കിലോമീറ്റർ താണ്ടി ട്രെയിൻ എറണാകുളത്തെത്തുക.

വിവിധ സ്ഥലങ്ങളിലേക്കുള്ള ടിക്കറ്റ് നിരക്കുകൾ ഇപ്രകാരമാണ്. എക്സിക്യൂട്ടീവ് ചെയർ കാറിന്റെ നിരക്കുകൾ ബ്രാക്കറ്റുകളിൽ പട്ടികപ്പെടുത്തിയിരിക്കുന്നു.

എറണാകുളത്തേക്ക്

സേലം- ₹566 (₹1182)
ഈറോഡ്- ₹665 (₹1383)
തിരൂർ- ₹735 (₹1534)
കോയമ്പത്തൂർ- ₹806 (₹1681)
പാലക്കാട്- ₹876 (₹1827)
തൃശൂർ- ₹1009 (₹2110)
ബെംഗളൂരുവിലേക്ക്

തൃശൂർ- ₹293 (₹616)
പാലക്കാട്- ₹384 (₹809)
കോയമ്പത്തൂർ- ₹472 (₹991)
തിരൂർ- ₹550 (₹1152)
ഈറോഡ്- ₹617 (₹1296)
സേലം- ₹706 (₹1470)
കെ ആർ പുരം- ₹1079 (₹2257)

ബുധനാഴ്ച സർവീസ് ഉണ്ടാവില്ല. ആകെ 9 സ്റ്റേഷനുകളിൽ നിർത്തും. കൃഷ്ണരാജപുരം, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ എന്നിവയാണ് സ്റ്റേഷനുകൾ. 600ല്‍ കൂടുതല്‍ സീറ്റുകളുണ്ടെന്നതാണ് സവിശേഷത.

റൂട്ടും സ്റ്റോപ്പും

എറണാകുളം - ബെംഗളൂരു (ട്രെയിൻ നമ്പർ 26651): രാവിലെ 5:10ന് എറണാകുളം ജങ്ഷനിൽ നിന്ന് പുറപ്പെട്ട്, ഉച്ചയ്ക്ക് 1:50ന് ബെംഗളൂരിൽ എത്തിച്ചേരും. കെ ആര്‍ പുരം (5.25), സേലം (8.13), ഈ റോഡ് (9.00), തിരുപ്പൂര്‍ (9.45), കോയമ്പത്തൂര്‍ (10.33), പാലക്കാട് (11.28), തൃശൂര്‍ (12.28)

ബെംഗളൂരു - എറണാകുളം (ട്രെയിൻ നമ്പർ 26652): ഉച്ചക‍ഴിഞ്ഞ് 2:20ന് പുറപ്പെട്ട്, രാത്രി 11:00ന് എറണാകുളം ജങ്ഷനിലെത്തിച്ചേരും. തൃശൂർ (3.17), പാലക്കാട് (4.35), കോയമ്പത്തൂർ (5.20), തിരുപ്പൂർ (6.03), ഈ റോഡ് (6.45), സേലം (7.18), കെആർ പുരം (10.23).

ബുക്കിംഗ്

എറണാകുളം-ബെംഗളൂരു വന്ദേ ഭാരത് എക്സ്പ്രസ്സിനുള്ള ടിക്കറ്റ് ബുക്കിംഗ് പ്രക്രിയ ഇന്ത്യൻ റെയിൽവേ ഉടൻ ആരംഭിക്കും. യാത്രക്കാർക്ക് ഓൺലൈനായും ഓഫ്‌ലൈനായും ട്രെയിൻ ടിക്കറ്റുകൾ ബുക്ക് ചെയ്യാൻ കഴിയും. ഓൺലൈൻ ബുക്കിംഗിനായി, യാത്രക്കാർക്ക് സാധുവായ ഒരു ഐആർസിടിസി ഉപയോക്തൃ ഐഡി ഉണ്ടായിരിക്കണം , അതേസമയം ഓഫ്‌ലൈൻ ബുക്കിംഗുകൾ അടുത്തുള്ള റെയിൽവേ റിസർവേഷൻ കൗണ്ടറിൽ നടത്താം.

എട്ട് കോച്ചുകളുള്ള ഈ ട്രെയിൻ കേരളത്തിലേക്കുള്ള മൂന്നാമത്തെ വന്ദേ ഭാരത് സർവീസും ദക്ഷിണ റെയിൽവേ ശൃംഖലയിൽ സർവീസ് നടത്തുന്ന പന്ത്രണ്ടാമത്തെ ജോഡിയുമായിരിക്കും.