പ്രൊവിഡന്റ് ഫണ്ട് അലേർട്ട്! നിങ്ങളുടെ പിഎഫ് അക്കൗണ്ടിൽ തെറ്റുകൾ ഉണ്ടെകിൽ ഓൺലൈനായി തിരുത്താം.

ഇപി‌എഫ് എന്നറിയപ്പെടുന്ന എംപ്ലോയി പ്രൊവിഡൻറ് ഫണ്ട് എല്ലാ ശമ്പളക്കാരായ ജീവനക്കാർക്കും ലഭ്യമാകുന്ന ഒരു റിട്ടയർമെന്റ് ആനുകൂല്യ പദ്ധതിയാണ്. എം‌പ്ലോയി പ്രൊവിഡൻറ് ഫണ്ടിലേക്ക് ജീവനക്കാരും തൊഴിലുടമയും അവരുടെ അടിസ്ഥാന ശമ്പളത്തിൽ നിന്ന് ഒരു നിശ്ചിത തുക സംഭാവന ചെയ്യും. ഇതൊരു ദീർഘകാല നിക്ഷേപ പദ്ധതിയാണ്. ജീവനക്കാരനും തൊഴിലുടമയും ജീവനക്കാരന്റെ അടിസ്ഥാന ശമ്പളത്തിന്റെയും അലവൻസിന്റെയും (ഡിഎ) 12 ശതമാനമാണ് ഇപിഎഫിലേക്ക് സംഭാവന ചെയ്യുന്നത്. നിലവിൽ, പിഎഫ് നിക്ഷേപങ്ങളുടെ പലിശ നിരക്ക് 8.65 ശതമാനമാണ്.

എപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ ( ഇപിഎഫ്ഒ) വരിക്കാരെ ഇപ്പോൾ അവരുടെ പിഎഫ് അക്കൗണ്ടിലെ തെറ്റുകൾ തിരുത്താൻ അനുവദിക്കുന്നുണ്ട്. അതായത് പി‌എഫ് അംഗങ്ങൾക്ക് അവരുടെ പേര്, ജനന തീയതി, മറ്റ് വിശദാംശങ്ങൾ എന്നിവയിൽ എന്തെങ്കിലും തെറ്റുകൾ ശ്രദ്ധയിൽപ്പെട്ടാൽ, ഇപിഎഫ്ഒ റെക്കോർഡിൽ ഓൺലൈനായി തിരുത്തലുകൾ വരുത്താൻ കഴിയും.

നിങ്ങളുടെ പി‌എഫ് അക്കൗണ്ടിൽ‌ എന്തെങ്കിലും തെറ്റുണ്ടെങ്കിൽ‌, അത് എങ്ങനെ ശരിയാക്കാമെന്ന് നോക്കാം;

1. ഇപിഎഫ്ഒയുടെ ഔദ്യോഗിക വെബ്‌സൈറ്റ് സന്ദർശിച്ച ശേഷം, യുഎഎൻ, പാസ്‌വേഡ് എന്നിവ നൽകി നിങ്ങളുടെ ഇപിഎഫ് അക്കൗണ്ട് ലോഗിൻ ചെയ്യുക.

2. അക്കൗണ്ട് തുറന്ന ശേഷം 'മോഡിഫൈ ബേസിക് ഡീറ്റൈൽസ്' എന്നത് ക്ലിക്കുചെയ്യുക.

3. നിങ്ങൾക്ക് ആധാർ കാർഡുണ്ടെങ്കിൽ, അക്കൗണ്ടിന്റെ വിശദാംശങ്ങൾ കാർഡിലുള്ളത് പോലെയായിരിക്കും, മാത്രമല്ല അവ എഡിറ്റുചെയ്യാനും കഴിയില്ല.

4. ഇല്ലെങ്കിൽ, ശരിയായ വിവരങ്ങൾ നൽകുന്നതിന് വിശദാംശങ്ങൾ എഡിറ്റുചെയ്യുക.

5. 'അപ്‌ഡേറ്റ് ഡീറ്റൈൽസ്' എന്നതിൽ ക്ലിക്ക് ചെയ്‌ത് അംഗീകാരത്തിനായി സമർപ്പിക്കുക.

നിങ്ങൾ നൽകിയ വിശദാംശങ്ങൾ തൊഴിലുടമ അംഗീകരിക്കേണ്ടതുണ്ട്, അംഗീകരിച്ചു കഴിഞ്ഞാൽ ആ വിവരങ്ങൾ പോർട്ടലിൽ ദൃശ്യമാകും. പരിശോധനയ്‌ക്ക് ശേഷം, വകുപ്പ് സൂപ്പർവൈസർക്ക് ശുപാർശകൾ സമർപ്പിക്കും. നിങ്ങൾ നൽകിയ വിശദാംശങ്ങൾ പരിഷ്‌കരിക്കാനുള്ള അഭ്യർത്ഥന അംഗീകരിക്കാനോ നിരസിക്കാനോ എപിഎഫ്‌സി / ആർപിഎഫ്‌സിക്ക് കഴിയും.