ജനങ്ങളില്‍ അമിത ഭാരം; സര്‍ക്കാരിന് റെക്കോഡ് ഇന്ധന നികുതി വരുമാനം, കിട്ടിയത് 1.6 ലക്ഷം കോടി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts
Read more about: excise duty fuel prices diesel price

ദില്ലി: കൊറോണ കാരണം രാജ്യത്തെ എല്ലാ മേഖലയില്‍ നിന്നുമുള്ള നികുതി വരുമാനം വളരെ കുറഞ്ഞിരുന്നു. എന്നാല്‍ കുതിച്ചുയര്‍ന്നത് ഇന്ധനങ്ങള്‍ക്കുള്ള എക്‌സൈസ് നികുതിയാണ്. ഈ മേഖലയില്‍ സര്‍ക്കാരിന്‍ വന്‍ വരുമാനം ലഭിക്കുകയും ചെയ്തു. കഴിഞ്ഞ ഏഴ് മാസത്തിനിടെ കേന്ദ്രസര്‍ക്കാരിന് ഇന്ധന നികുതിയായി ലഭിച്ചത് 1.6 ലക്ഷം കോടി രൂപയാണ്. ഈ ഇനത്തില്‍ 40 ശതമാനം വരുമാനമാണ് വര്‍ധിച്ചത്. മൊത്തം നികുതി വരുമാനത്തില്‍ 16 ശതമാനം ഇടിവ് വന്നിരിക്കെയാണ് ഇന്ധന നികുതിയില്‍ വന്‍ വര്‍ധനവുണ്ടായത്.

 

ജനങ്ങളില്‍ അമിത ഭാരം; സര്‍ക്കാരിന് റെക്കോഡ് ഇന്ധന നികുതി വരുമാനം, കിട്ടിയത് 1.6 ലക്ഷം കോടി

പെട്രോള്‍, ഡീസല്‍, ക്രൂഡ് ഓയില്‍ എന്നിവയില്‍ നിന്ന് ലഭിക്കുന്ന നികുതി വരുമാനമാണ് വര്‍ധിച്ചത്. കഴിഞ്ഞ ഏപ്രില്‍ മുതല്‍ ഒക്ടോബര്‍ വരെയുള്ള മാസങ്ങളില്‍ 1.6 ലക്ഷം കോടി രൂപ എക്‌സൈസ് നികുതിയായി ലഭിച്ചു. കഴിഞ്ഞ വര്‍ഷം ഇതേകാലയളവില്‍ 1.14 ലക്ഷം കോടി രൂപയായിരുന്നു ഇന്ധന നികുതി വരുമാനം എന്ന് കണ്‍ട്രോളര്‍ ജനറല്‍ ഓഫ് അക്കൗണ്ട്‌സ് (സിജിഎ) കണക്കുകള്‍ വ്യക്തമാക്കുന്നു. കൊറോണ കാലത്തും കാര്യമായ ഇടവ് എക്‌സൈസ് നികുതിയിലുണ്ടായില്ല എന്ന് വ്യക്തം. അതേമസയം, കോര്‍പറേറ്റ് നികുതി, ആദായ നികുതി, ജിഎസ്ടി, സെസ്സ് എന്നിവയില്‍ നിന്നെല്ലാമുള്ള വരുമാനം കുറഞ്ഞു.

ഈ മേഖലയില്‍ വരുമാനം വര്‍ധിക്കാന്‍ കാരണം ആഗോള വിപണയില്‍ എണ്ണവില കുറഞ്ഞതാണ്. കൊറോണ കാരണം പല രാജ്യങ്ങളും ലോക്ക്ഡൗണ്‍ പ്രഖ്യാപിച്ചതോടെ ഇന്ധന ചെലവ് കുറഞ്ഞു. അതേസമയം, ഉല്‍പ്പാദന രാജ്യങ്ങള്‍ എണ്ണ ഖനനം തുടരുകയും ചെയ്തു. ഇതോടെ കുത്തനെ വില താഴ്ന്നു. ഈ ഘട്ടത്തില്‍ ഇന്ത്യയുള്‍പ്പെടെയുള്ള രാജ്യങ്ങള്‍ വന്‍തോതില്‍ എണ്ണ ഇറക്കുമതി ചെയ്തു. ബാരലിന് 20 ഡോളര്‍ വരെ വിലയിലെത്തിയിരുന്നു. മിക്ക രാജ്യങ്ങളും ആഭ്യന്തര വിലയില്‍ കുറവ് വരുത്തി ആനുകൂല്യം ജനങ്ങളിലെത്തിച്ചു. എന്നാല്‍ ഇന്ത്യ കുറച്ചില്ല.

ആഗോള വിപണിയില്‍ വില കുറഞ്ഞതിന്റെ മെച്ചം ജനങ്ങള്‍ക്ക് നല്‍കാതെ കേന്ദ്രസര്‍ക്കാര്‍ പിടിച്ചുവച്ചു. എക്‌സൈസ് ഡ്യൂട്ടി വര്‍ധിപ്പിച്ച് വില നിലനിര്‍ത്തി. ഈ സാഹചര്യത്തിലാണ് വന്‍തോതില്‍ നികുതി ലാഭം സര്‍ക്കാരിന് ലഭിച്ചത്. ഇപ്പോള്‍ ബാരലിന് 48 ഡോളര്‍ ആണ് എണ്ണവില. അടുത്തിടെയായി ആഗോള വിപണിയില്‍ നേരിയ വര്‍ധനവ് പ്രകടമാണ്. എന്നാല്‍ അതിന് ആനുപാതികമായി ആഭ്യന്തര വിപണിയില്‍ പെട്രോള്‍, ഡീസല്‍ വില കുത്തനെ ഉയര്‍ത്തുകയാണ് ചെയ്യുന്നത്. പെട്രോള്‍ വില 83-90 രൂപയും ഡീസല്‍ വില 73-80 രൂപയുമാണ് രാജ്യത്തിന്റെ വിവിധ ഭാഗങ്ങളിലുള്ളത്.

English summary

Excise duty on petrol and diesel increased April-October

Excise duty on petrol and diesel increased April-October
Story first published: Tuesday, December 8, 2020, 15:02 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X