പെട്രോള്‍ നികുതി കുറയ്ക്കല്‍: ഇത് കൊറോണ കാലമാണെന്ന് കേന്ദ്ര മന്ത്രി, ചെലവുണ്ട്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: രാജ്യത്ത് പെട്രോള്‍-ഡീസല്‍ വില കുത്തനെ ഉയരുകയാണ്. പല സംസ്ഥാനങ്ങളിലും ലിറ്റര്‍ വില 100 കടന്നു. കേരളത്തില്‍ ചില ജില്ലകളില്‍ പ്രീമിയം പെട്രോളിന് സെഞ്ച്വറി തികഞ്ഞിട്ടുണ്ട്. വില കുറയ്ക്കാന്‍ നടപടിയെടുക്കണമെന്ന് എല്ലാ പ്രതിപക്ഷ പാര്‍ട്ടികളും ആവശ്യപ്പെടുകയാണ്. നികുതിയാണ് ഇത്രയും ഉയര്‍ന്ന വിലയ്ക്ക് കാരണമെന്ന് പ്രതിപക്ഷ നേതാക്കള്‍ ചൂണ്ടിക്കാട്ടുന്നു. എന്നാല്‍ നികുതി കുറയ്ക്കുന്നത് സംബന്ധിച്ച് ചര്‍ച്ച ചെയ്യേണ്ട സമയമല്ല ഇത് എന്നാണ് കേന്ദ്ര പെട്രോളിയം മന്ത്രി ധര്‍മേന്ദ്ര പ്രധാന്റെ പ്രതികരണം.

 
പെട്രോള്‍ നികുതി കുറയ്ക്കല്‍: ഇത് കൊറോണ കാലമാണെന്ന് കേന്ദ്ര മന്ത്രി, ചെലവുണ്ട്

കൊറോണ വ്യാപനവും സര്‍ക്കാരിനുണ്ടായ അമിത ചെലവും സൂചിപ്പിച്ചാണ് മന്ത്രി ഇങ്ങനെ പറഞ്ഞത്. ആരോഗ്യ മേഖലയിലെ ചെലവ് കൂടിയിരിക്കുന്നു. ക്ഷേമ, വികസന പ്രവര്‍ത്തനങ്ങള്‍ നിര്‍ത്താന്‍ സാധിക്കില്ല. അതുകൊണ്ടുതന്നെ പെട്രോള്‍ നികുതി കുറയ്ക്കുന്ന വിഷയം ചര്‍ച്ച ചെയ്യേണ്ട സമയമല്ല ഇത്- നികുതി കുറയ്ക്കാന്‍ സാധ്യതയുണ്ടോ എന്ന മാധ്യമങ്ങളുടെ ചോദ്യത്തോട് പ്രതികരിക്കുകയായിരുന്നു മന്ത്രി.

പെട്രോള്‍-ഡീസല്‍ എന്നിവ ജിഎസ്ടി പരിധിയില്‍ കൊണ്ടുവരുന്ന വിഷയത്തിലും മന്ത്രി പ്രതികരിച്ചു. ഇതുവരെ ഇക്കാര്യത്തില്‍ ധാരണയായിട്ടില്ല. ജിഎസ്ടി കൗണ്‍സിലാണ് തീരുമാനം എടുക്കേണ്ടത്. അവിടെ ഭിന്ന അഭിപ്രായം നിലനില്‍ക്കുകയാണ്. സര്‍ക്കാരിന്റെ പ്രധാന വരുമാന മാര്‍ഗമാണിതെന്നും ധര്‍മേന്ദ്ര പ്രധാന്‍ പറഞ്ഞു. ആഗോള വിപണിയില്‍ എണ്ണവില ഉയര്‍ന്നിരിക്കുകയാണ്. അതാണ് ഇന്ത്യയിലും വില വര്‍ധിക്കാന്‍ കാരണം. രാജ്യത്ത് ആവശ്യമുള്ളതിന്റെ 80 ശതമാനം എണ്ണയും ഇറക്കുമതി ചെയ്യുകയാണെന്നും മന്ത്രി കൂട്ടിച്ചേര്‍ത്തു.

Read more about: petrol diesel fuel prices
English summary

Expenditure increased; This is not right time to discuss Petrol tax cut- Says Union Minister

Expenditure increased; This is not right time to discuss Petrol tax cut- Says Union Minister
Story first published: Monday, June 7, 2021, 20:45 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X