അമ്പമ്പോ എന്തൊരു കുതിപ്പ്, 1 വർഷം കൊണ്ട് നേടിയത് 650 ശതമാനം വളർച്ച, ഈ ഓഹരി പൊളിയാണ്

കൃത്യമായ ധാരണയും വിശകലനവും നടത്താൻ സാധിച്ചാൽ ഓഹരി വിപണിയിൽ നിന്നും വേഗത്തിൽ പണമുണ്ടാക്കാം എന്ന് പറയുന്നത് വെറുതെ അല്ല. ഒരുവർഷത്തിനിടെ 100 ശതമാനത്തിന് മുകളിൽ ലാഭം നൽകിയ നിരവധി ഓഹരികൾ വിപണിയിലുണ്ട്. എന്നാൽ അത്തരത്തിലുള്ള ഓഹരി കണ്ടെത്തുക എന്നത് എളുപ്പമുള്ള കാര്യമല്ല. അതിനാണ് ആദ്യം പറഞ്ഞ ധാരണയും വിശകലനവും ആവശ്യം.

കഴിഞ്ഞ ഒരുവർഷത്തിനിടെ 639 ശതമാനം വളർച്ച കൈവരിച്ച ഒരു ഓഹരിയുടെ വിവരങ്ങൾ നമുക്ക് ഇന്ന് പരിശോധിച്ചാലോ.... തുടർച്ചയായി 34 സെഷനുകളിൽ ഓഹരി പച്ചയിലാണ് അവസാനിച്ചത്. ഏതാണ് ഉയരങ്ങളിൽ നിന്നും ഉയരങ്ങളിലേക്ക് കുതിച്ച് കൊണ്ടിരിക്കുന്ന ഓഹരി എന്നാണോ... മറ്റാരുമല്ല കൊളാബ് പ്ലാറ്റ്‌ഫോംസ് ലിമിറ്റഡാണ് ആ മൾട്ടിബാഗർ ഓഹരി.

തുടരുന്ന കുതിപ്പ്

ഓഗസ്റ്റ് 4 തിങ്കളാഴ്ചയും പച്ചയിൽ അവസാനിച്ചതോടെ തുടർച്ചയായ 34-ആം സെഷനിലാണ് കൊളാബ് പ്ലാറ്റ്‌ഫോംസ് ഓഹരി നേട്ടത്തിൽ അവസാനിക്കുന്നത്. ജൂൺ 18-ന് ആരംഭിച്ച റാലി ആണ് ഇപ്പോഴും തുടരുന്നത്. തിങ്കളാഴ്ച കൊളാബ് പ്ലാറ്റ്‌ഫോംസിന്‍റെ ഓഹരി വില 57.96 ൽ ആരംഭിച്ച് 2 ശതമാനം ഉയർന്ന് 57.96 രൂപയിലാണ് അവസാനിച്ചത്. ട്രേഡിംഗ് വോള്യങ്ങളും രണ്ടാഴ്ചത്തെ ശരാശരിയായ 15.74 ലക്ഷം ഓഹരികൾക്ക് തുല്യമായിരുന്നു. തിങ്കളാഴ്ചത്തെ വ്യാപാരത്തിൽ 14.67 ലക്ഷം ഓഹരികൾ കൈമാറ്റം ചെയ്യപ്പെട്ടു.

ജൂൺ 18 മുതൽ ഉയർന്ന വില ശ്രേണിയിൽ വ്യാപാരം നടത്തുന്ന കൊളാബ് പ്ലാറ്റ്‌ഫോമുകളുടെ ഓഹരികൾ ഈ കാലയളവിൽ ഏകദേശം 126 ശതമാനം ഉയർന്നു. അതേസമയം, 2024 ഒക്ടോബർ 7 ആം തീയ്യതി രേഖപ്പെടുത്തിയ 52 ആഴ്ചയിലെ ഏറ്റവും താഴ്ന്ന നിരക്കിൽ നിന്നും ഇതുവരെ 969 ശതമാനം വളർച്ചയാണ് ഓഹരി നേടിയത്. അതേസമയം ഓഹരികളിൽ വൻ കുതിപ്പ് ഉണ്ടായിട്ടും ഈ വർഷം മെയ് മാസത്തിൽ നേടിയ 52 ആഴ്ചയിലെ ഏറ്റവും ഉയർന്ന നിരക്കായ 76.18 ൽ നിന്ന് 24 താഴെയാണ് ഓഹരി വ്യാപാരം തുടരുന്നത്.

ഓഹരി വിഭജനം

കമ്പനി അടുത്തിടെ 1:1 എന്ന അനുപാതത്തിൽ ഒരു ഓഹരി വിഭജനം നടത്തി. അതിന്‍റെ ഫലമായി ഓഹരികളുടെ മുഖവില 2 ൽ നിന്ന് 1 ആയി വിഭജിച്ചു. അതിനുമുമ്പ്, കമ്പനി ഓരോന്നിനും 0.01 എന്ന നിരക്കിൽ ഇടക്കാല ലാഭവിഹിതം പ്രഖ്യാപിച്ചിരുന്നു.

ഒന്നാം പാദ ഫലങ്ങൾ

കഴിഞ്ഞ സാമ്പത്തിക വർഷത്തിലെ (FY25) മാർച്ച് പാദത്തിൽ, കൊളാബ് പ്ലാറ്റ്‌ഫോംസിന്‍റെ അറ്റാദായം വാർഷികാടിസ്ഥാനത്തിൽ 45 ലക്ഷത്തിൽ നിന്ന് 95 ലക്ഷമായി ഇരട്ടിയിലധികം വളർച്ച കൈവരിച്ചു. പ്രവർത്തനങ്ങളിൽ നിന്നുള്ള വരുമാനവും 2025 സാമ്പത്തിക വർഷത്തെ നാലാം പാദത്തിൽ 11.19 കോടിയിൽ നിന്ന് 20.43 കോടിയായി ഇരട്ടിയായി.

കൊളാബ് പ്ലാറ്റ്‌ഫോംസ് ലിമിറ്റഡ്

കംപ്യൂട്ടർ ഹാർഡ്‍വെയർ, സോഫ്റ്റ്‍വെയർ അധിഷ്ഠിത സേവനങ്ങൾ വാഗ്ദാനം ചെയ്യുന്ന ഐടി കമ്പനിയാണ് കൊളാബ് പ്ലാറ്റ്ഫോംസ് ലിമിറ്റഡ്. മുമ്പ് കൊളാബ് ക്ലൗഡ് പ്ലാറ്റ്‌ഫോംസ് എന്നറിയപ്പെട്ടിരുന്ന കൊളാബ് പ്ലാറ്റ്‌ഫോംസ് 1989-ൽ സ്ഥാപിതമായി.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.