പുറത്തിറങ്ങുന്നത് സൂക്ഷിച്ചു മതി, ബെംഗളൂരുവിലും കേരളത്തിലും പ്രധാന കാലാവസ്ഥ മുന്നറിയിപ്പ്, അറിയേണ്ടതെല്ലാം

വേനല്‍ കടുക്കുന്നതിന് മുന്‍പേ അള്‍ട്രാവയലറ്റ് വികിരണം (യുവി വികരണം) അസാധാരണ തോതിലായി.

ബെംഗളൂരുവില്‍ ചൊവ്വാഴ്ച പരമാവധി താപനില ഏകദേശം 32 ഡിഗ്രി സെല്‍ഷ്യസ് മാത്രമായിരുന്നെങ്കിലും യുവി സൂചിക 13 കടന്നു. ലോകാരോഗ്യ സംഘടനയുടെ മാനദണ്ഡപ്രകാരം ''അതീവ അപകടകരമായ'' (Extreme)നിലയാണിത്. വെയിലേല്‍ക്കുന്നപക്ഷം ആരോഗ്യപ്രശ്‌നങ്ങളുണ്ടാകാം

കേരളത്തിലും മുന്നറിയിപ്പ്

കേരളത്തിലും സമാനമായ സാഹചര്യം സംജാതമായി. കേരള സംസ്ഥാന ദുരന്തനിവാരണ അതോറിറ്റി (KSDMA) ഇത് സംബന്ധിച്ച് മുന്നറിയിപ്പ് പുറത്തിറക്കി.വിവിധ
സ്ഥലങ്ങളില്‍ രേഖപ്പെടുത്തിയ യുവി അളവുകള്‍:

കൊന്നി, ചെങ്ങന്നൂര്‍, മുന്നാര്‍,ഇടുക്കി - 8
കൊട്ടാരക്കര, ചങ്ങനാശ്ശേരി, ഒല്ലൂര്‍, തൃത്താല, മാനന്തവാടി,കൊല്ലം, പത്തനംതിട്ട, ആലപ്പുഴ, കോഴിക്കോട്, പാലക്കാട്- 7

ആരോഗ്യപ്രശ്‌നങ്ങള്‍
നേരിട്ട് സൂര്യപ്രകാശത്തില്‍ കൂടുതല്‍ സമയം നില്‍ക്കുന്നത് ആരോഗ്യ പ്രശ്‌നങ്ങള്‍ക്ക് കാരണമായേക്കാം.

* ചര്‍മ്മം പൊള്ളല്‍ (Sunburn)
* ചര്‍മ്മരോഗങ്ങള്‍
* കാഴ്ചപ്രശ്‌നങ്ങള്‍
* അകാല വാര്‍ദ്ധക്യം
* ദീര്‍ഘകാലത്തില്‍ ചര്‍മ്മ ക്യാന്‍സറിന് സാധ്യത
* ജലക്ഷയം (Dehydration)
* ദീര്‍ഘകാലം പുറത്തു പ്രവര്‍ത്തിക്കുന്നവര്‍ ഹീറ്റ് എക്‌സോഷന്‍ അല്ലെങ്കില്‍ ഹീറ്റ് സ്‌ട്രോക്ക് നേരിടും

രാവിലെ 10 മണി മുതല്‍ ഉച്ചയ്ക്ക് 3 മണിവരെയാണ് അള്‍ട്രാവയലറ്റ് വികരിണം കൂടുതല്‍ അനുഭവപ്പെടുക.

ശ്രദ്ധിക്കേണ്ട കാര്യങ്ങള്‍

വിദഗ്ധര്‍ ചില ലളിതമായ മുന്‍കരുതലുകള്‍ നിര്‍ദ്ദേശിക്കുന്നു.

* രാവിലെ 11 മുതല്‍ ഉച്ചയ്ക്ക് 3 വരെ നേരിട്ട് സൂര്യപ്രകാശം ഒഴിവാക്കുക
* പുറത്തുപോകുമ്പോള്‍ SPF 30 അല്ലെങ്കില്‍ അതിലധികം ഉള്ള സണ്‍സ്‌ക്രീന്‍ ഉപയോഗിക്കുക
* മുഴുകൈ ഷര്‍ട്ട്, തൊപ്പി, കുട തുടങ്ങിയവ ധരിക്കുക
* യുവി സംരക്ഷണമുള്ള കണ്ണട ധരിക്കുക
* ശുദ്ധജലം ധാരാളം കുടിക്കുക
* നിഴല്‍ ഉപയോഗപ്പെടുത്തുക
* സൂര്യപ്രകാശമേറ്റുള്ള ജോലി, വ്യായാമം ഒഴിവാക്കുക
*കുട്ടികള്‍, മുതിര്‍ന്നവര്‍, പുറത്തു ജോലി ചെയ്യുന്നവര്‍, അസുഖബാധിതര്‍, പ്രതിരോധ ശക്തിയേറിയവര്‍ എന്നിവര്‍ കൂടുതല്‍ ശ്രദ്ധിക്കണം.

യുവി കിരണങ്ങള്‍ ഉയരാന്‍ കാരണം
അപകടകരമായ കിരണങ്ങളില്‍ നിന്ന് ഭൂമിയെ സംരക്ഷിക്കുന്നത് ഓസോണ്‍ പാളിയാണ്. ഈ പാളിയുടെ കട്ടിയും കാലാവസ്ഥാ സാഹചര്യങ്ങളും കിരണങ്ങളുടെ തീവ്രതയെ സ്വാധീനിക്കുന്നു. ചില ദിവസങ്ങളില്‍ യുവി അളവ് വളരെ വേഗത്തില്‍ ഉയരും.