രാജ്യത്ത് ഫാസ്റ്റ് ടാഗ് ഉപയോക്താക്കളുടെ എണ്ണം രണ്ട് കോടി കടന്നു; കണക്ക് പുറത്തുവിട്ട് കേന്ദ്രം

ദില്ലി: രാജ്യത്ത് ഫാസ്റ്റ് ടാഗ് ഉപയോഗിക്കുന്നവരുടെ എണ്ണം രണ്ട് കോടി കടന്നതായി റിപ്പോര്‍ട്ട്. നാഷണല്‍ ഹൈവെ അതോറിറ്റി ഓഫ് ഇന്ത്യാണ് ഇക്കാര്യം അറിയിച്ചത്. ഈ വര്‍ഷത്തില്‍ 400 ശതമാനം വര്‍ദ്ധനയാണ് ഫാസ്റ്റ് ടാഗ് ഉപയോഗിക്കുന്നവരില്‍ ഉണ്ടായതെന്നും മന്ത്രാലയം പുറത്തുവിട്ട കണക്കില്‍ വ്യക്തമാക്കുന്നു. ടോള്‍ പ്ലാസയിലൂടെ പണമിടപാട് നടത്താതെ തന്നെ കടന്നുപോകാന്‍ അനുവദിക്കുന്ന റീ ലോഡ് ചെയ്യാന്‍ സാധിക്കുന്ന സംവിധാനമാണ് ഫാസ്റ്റ് ടാഗ്.

രാജ്യത്തെ ഫാസ്റ്റ് ടാഗ് ഉപയോക്താക്കള്‍ രണ്ട് കോടി എന്ന ചരിത്രപരമായ നാഴികക്കല്ലിലെത്തി. 400 ശതമാനം വര്‍ദ്ധനയാണ് സംഭവിച്ചിരിക്കുന്നത്. ഇതോടെ ദിവസോനയുള്ള ആകെ ടോള്‍ കളക്ഷന്‍ 92 കോടി ആയിരിക്കുകയാണെന്ന് മന്ത്രാലയം പുറത്തുവിട്ട പത്രക്കുറിപ്പില്‍ വ്യക്തമാക്കുന്നു.

അതേസമയം,  2017 ഡിസംബര്‍ 1 മുതല്‍, പുതിയ നാല് ചക്ര വാഹനങ്ങളുടെ രജിസ്‌ട്രേഷന് ഫാസ്റ്റ് ടാഗ് നിര്‍ബന്ധമാക്കിയിരുന്നു., കൂടാതെ വാഹന നിര്‍മാതാക്കളോ അവരുടെ ഡീലര്‍മാരോ ആണ് ഇത് വിതരണം ചെയ്യുന്നത്. ട്രാന്‍സ്‌പോര്‍ട്ട് വാഹനങ്ങള്‍ക്ക് ഫാസ്റ്റ് ടാഗ് ഘടിപ്പിച്ചതിനുശേഷം മാത്രമേ ഫിറ്റ്‌നസ് സര്‍ട്ടിഫിക്കറ്റ് നല്‍കുകയുള്ളൂ.

നാഷണല്‍ പെര്‍മിറ്റ് വാഹനങ്ങള്‍ക്ക് 2019 ഒക്ടോബര്‍ 1 മുതലും ഫാസ്റ്റ് ടാഗ് നിര്‍ബന്ധമാക്കിയിട്ടുണ്ട്. ടോള്‍ പ്ലാസകളില്‍ ഇലക്ട്രോണിക് മാര്‍ഗ്ഗം മുഖേന മാത്രം ഫീസ് അടയ്ക്കുന്നുവെന്ന് ഉറപ്പുവരുത്തുന്നത് വാഹനങ്ങള്‍ക്ക് തടസ്സമില്ലാതെ കടന്നുപോകാന്‍ കഴിയുന്നുണ്ടെന്ന് 100 ശതമാനം ഉറപ്പാക്കുന്നതിന് വേണ്ടിയാണ്. ഇതോടെ ടോള്‍ പ്ലാസകളിലെ തിരക്കും കാത്തുനില്‍ക്കേണ്ട സാഹചര്യങ്ങളും ഇല്ലാതാകും. ഇത് ഇന്ധനം ലാഭിക്കാനും സഹായി