ഇന്ത്യയുടെ ജിഡിപി വളർച്ചാ പ്രവചനം വെട്ടിക്കുറച്ച് ഫിച്ച് റേറ്റിംഗ്സ്

ഫിച്ച് റേറ്റിംഗ്സ് 2019-20 സാമ്പത്തിക വർഷത്തെ ഇന്ത്യയുടെ ജിഡിപി വളർച്ചാ പ്രവചനം 4.6 ശതമാനമായി വെട്ടിക്കുറച്ചു. എന്നാൽ ഇന്ത്യയുടെ ധനകാര്യ, ധനനയ ഘടനാപരമായ നടപടികളുടെ പിന്തുണയോടെ 2021ൽ വളർച്ച ക്രമേണ വളർച്ച 5.6 ശതമാനമായും തുടർന്നുള്ള വർഷം 6.5 ശതമാനമായും ഉയരുമെന്നും ഫിച്ച് വ്യക്തമാക്കി.

കഴിഞ്ഞ ഏതാനും പാദങ്ങളിൽ ഇന്ത്യയുടെ ജിഡിപി വളർച്ച ഗണ്യമായി കുറഞ്ഞിട്ടുണ്ട്. ആഭ്യന്തര ഘടകങ്ങൾ, പ്രത്യേകിച്ചും ബാങ്കിംഗ് ഇതര ധനകാര്യ കമ്പനികളിലെ (എൻ‌ബി‌എഫ്‌സി) വായ്പ ലഭ്യത കുറയുകയും ബിസിനസ്സിലും ഉപഭോക്തൃ ആത്മവിശ്വാസത്തിലുമുള്ള തകർച്ചയുമാണ് മാന്ദ്യത്തിന് പ്രധാന കാരണം.

ഇന്ത്യയുടെ ജിഡിപി വളർച്ചാ പ്രവചനം വെട്ടിക്കുറച്ച് ഫിച്ച് റേറ്റിംഗ്സ്

മൂഡീസ് ഇൻവെസ്റ്റേഴ്സ് സർവ്വീസ് 2019-20 സാമ്പത്തിക വർഷത്തെ ഇന്ത്യയുടെ ജിഡിപി വളർച്ചാ പ്രവചനം 5.8 ശതമാനത്തിൽ നിന്ന് 4.9 ശതമാനമായി കഴിഞ്ഞ ദിവസം കുറച്ചിരുന്നു. കഴിഞ്ഞ ഏതാനും പാദങ്ങളായി സാമ്പത്തിക വളർച്ച മന്ദഗതിയിലായതോടെ ജീവനക്കാരുടെ കടം തിരിച്ചടവ് ശേഷിയെ ബാധിക്കുമെന്നും റീട്ടെയിൽ വായ്പയുടെ ഗുണനിലവാരത്തെ ബാധിക്കുമെന്നും റേറ്റിംഗ് ഏജൻസി അറിയിച്ചിരുന്നു.

റേറ്റിംഗ് ഏജൻസി അടുത്ത വർഷം വളർച്ചയിൽ ഒരു മിതമായ ചാക്രിക വീണ്ടെടുക്കൽ പ്രതീക്ഷിക്കുന്നുണ്ടെങ്കിലും വളർച്ച സമീപകാലത്തേക്കാൾ ദുർബലമായിരിക്കുമെന്നാണ് മൂഡീസിന്റെ പ്രവചനം. ഇന്ത്യയുടെ മൊത്ത ആഭ്യന്തര ഉത്പാദന(ജിഡിപി) വളർച്ച 2021 സാമ്പത്തിക വർഷത്തിൽ 5.7 ശതമാനത്തിൽ നിന്ന് 7.1 ശതമാനമായി ഉയരുമെന്ന് ബ്ലൂംബെർഗ് ഇക്കണോമിക്സ് പ്രവചിച്ചിരുന്നു. അടുത്ത വർഷത്തോടെ ഗ്രാമീണ വരുമാനം ഉയരുമെന്നും സെൻട്രൽ ബാങ്കിന്റെ നിരക്ക് കുറയ്ക്കൽ വളർച്ചയിലേയ്ക്ക് നയിക്കുമെന്ന് പ്രതീക്ഷിക്കുന്നതായും റിപ്പോർട്ടിൽ വ്യക്തമാക്കിയിരുന്നു. 2020ൽ ഉപഭോക്താളുടെയും നിക്ഷേപകരുടെയും വികാരത്തെ പുനരുജ്ജീവിപ്പിക്കുന്നതിലൂടെ ജിഡിപി വളർച്ച കുത്തനെ വർധിപ്പിക്കുകയും ഇന്ത്യയിൽ ഒരു യഥാർത്ഥ സാമ്പത്തിക വീണ്ടെടുക്കലിന് സഹായിക്കുകയും ചെയ്യുമെന്ന് ബ്ലൂംബെർഗ് ഇക്കണോമിക്സ് റിപ്പോർട്ടിൽ പറയുന്നു.\