4 ആഴ്ചകൊണ്ട് 22 ശതമാനം വരെ നേട്ടം, 5 ഓഹരികൾ നിർദ്ദേശിച്ച് വിദഗ്ധർ, ടാർഗെറ്റ് വില അറിയാം

യുഎസ് ഫെഡറൽ റിസർവ് ഫലം ബുധനാഴ്ച വരാനിരിക്കയാണ്. ഫെഡറൽ നിരക്കുകൾ മാറ്റമില്ലാതെ നിലനിർത്തുമെന്നാണ് പ്രതീക്ഷിക്കുന്നത്. അതേ സമയം പണപ്പെരുപ്പത്തെയും വളർച്ചയെയും കുറിച്ച് സെൻട്രൽ ബാങ്ക് എന്താണ് ചിന്തിക്കുന്നതെന്ന് വിപണിയുടെ ശ്രദ്ധ കേന്ദ്രീകരിക്കും. അത് കൊണ്ടു തന്നെ ജാഗ്രതയോടെയാണ് ഇന്ത്യൻ ഓഹരി വിപണി മുന്നോട്ട് പോകുന്നത്. തിങ്കളാഴ്ച ഇടിവോടെയാണ് ആഭ്യന്തര ഓഹരി വിപണി ആരംഭിച്ചത്.

ആഭ്യന്തര വിപണി ഹ്രസ്വകാലത്തേക്ക് അസ്ഥിരമായി തുടരുമെന്ന് തന്നെയാണ് വിദഗ്ധരുടെ വിലയിരുത്തൽ. നിലവിലെ ഘട്ടത്തിൽ സാങ്കേതികമായും അടിസ്ഥാനപരമായും മികച്ച ഓഹരികൾ വാങ്ങാൻ വിദഗ്ധർ ശുപാർശ ചെയ്യുന്നു. അടുത്ത 3-4 ആഴ്ചകൾക്കുള്ളിൽ നേട്ടമുണ്ടാക്കുമെന്ന് കരുതുന്ന ചില ഓഹരികളെക്കുറിച്ച് അറിയാം.

1. കൊച്ചിന്‍ ഷിപ്പ്‌യാര്‍ഡ്

രാജ്യത്തെ പ്രധാന കപ്പല്‍ ശാലകളില്‍ ഒന്ന്. മെറ്റല്‍ ഉല്‍പ്പന്നങ്ങള്‍, യന്ത്രങ്ങള്‍, ഉപകരണങ്ങള്‍ എന്നിവയുടെ അറ്റകുറ്റപ്പണികള്‍ നടത്തുന്നു.

ബ്രേക്ക്ഔട്ടിന് ശേഷവും ഓഹരി അതിൻ്റെ മുകളിലേക്കുള്ള കുതിപ്പ് തുടരുകയാണ്. മുന്നേറ്റം വരും ദിവസങ്ങളിലും തുടരും. റാലിയുടെ 61.8 ശതമാനം ഫിബൊനാച്ചി റിട്രേസ്‌മെൻ്റ് ലെവലിന് മുകളിൽ 600-945 മുതൽ 733 വരെ പിന്തുണ നിലനിർത്തുന്നു.

നിലവിലെ വിപണി വില: 883.60 രൂപ
ടാർഗെറ്റ് വില : 1045-10,85 രൂപ
സ്റ്റോപ്പ് ലോസ്: 785 രൂപ
നേട്ടം - 22%

2. എച്ച്ഡിഎഫ്‌സി ലൈഫ് ഇന്‍ഷുറന്‍സ്

ലൈഫ് ഇന്‍ഷുറന്‍സ് ബിസിനസില്‍ ഏര്‍പ്പെട്ടിരിക്കുന്ന പ്രമുഖര്‍. ഇക്വിറ്റി മൂലധനം 2,149.40 കോടി. മഹാരാഷ്ട്രയാണ് ആസ്ഥാനം.

ബ്രേക്ക്ഔട്ട് സമയത്ത് വർദ്ധിച്ച വോളിയം ആക്റ്റിവിറ്റി വർദ്ധിച്ച പങ്കാളിത്തത്തെ സൂചിപ്പിക്കുന്നു. പ്രതിദിന ആപേക്ഷിക ശക്തി സൂചിക ബുള്ളിഷ് മോഡിലാണ്. അതോടൊപ്പം അതിൻ്റെ റഫറൻസ് ലൈനിന് മുകളിൽ പിടിച്ചുനിൽക്കുന്നു.

നിലവിലെ വിപണി വില: 634.40 രൂപ
ടാർഗെറ്റ് വില : 665-685 രൂപ
സ്റ്റോപ്പ് ലോസ്: 597 രൂപ
നേട്ടം - 8%

3. ഐടിസി ലിമിറ്റഡ്

കൊൽക്കത്ത ആസ്ഥാനമായി പ്രവർത്തിക്കുന്ന ഒരു ഇന്ത്യൻ കമ്പനിയാണ് ഐടിസി ലിമിറ്റഡ്. എഫ്എംസിജി, ഹോട്ടലുകൾ, സോഫ്റ്റ്‌വെയർ, പാക്കേജിംഗ്, പേപ്പർബോർഡുകൾ, സ്പെഷ്യാലിറ്റി പേപ്പറുകൾ, അഗ്രിബിസിനസ് തുടങ്ങിയ വ്യവസായങ്ങളിലുടനീളം ഐടിസിക്ക് വൈവിധ്യമാർന്ന സാന്നിധ്യമുണ്ട്.

2024 ജനുവരി 4-ന് ഓഹരി വില 475 രൂപയിലെത്തിയ ശേഷം 16 ശതമാനത്തിന്‍റെ ഇടിവ് ഐടിസി ഓഹരിക്കുണ്ടായിട്ടുണ്ട്. എന്നാൽ തുടർന്നുള്ള 18 ട്രേഡിംഗ് സെഷനുകളിൽ, കൂടുതൽ തകർച്ച ഒഴിവാക്കിക്കൊണ്ട് ഐടിസി സ്ഥിരത പ്രകടമാക്കി. ഓഹരി വില 400-416 രൂപ എന്ന നിലയിൽ ഏകീകരിക്കാനും കമ്പനിക്ക് സാധിച്ചു.

നിലവിലെ വിപണി വില: 418.55 രൂപ
ടാർഗെറ്റ് വില : 475 രൂപ
സ്റ്റോപ്പ് ലോസ്: 390 രൂപ
നേട്ടം - 13%

4. ഏജിസ് ലോജിസ്റ്റിക്സ്

മുംബൈ ആസ്ഥാനമായി പ്രവർത്തിക്കുന്ന ഓയിൽ, ​ഗ്യാസ്, കെമിക്കൽ ലോജിസ്റ്റിക്സ് കമ്പനിയാണ് ഏജിസ് ലോജിസ്റ്റിക്സ്.

200-ഡേ എക്‌സ്‌പോണൻഷ്യൽ മൂവിംഗ് ആവറേജിൽ സ്റ്റോക്ക് പിന്തുണ കണ്ടെത്തി. ബുള്ളിഷ് പ്രവണതയും ഓഹരി കാണിക്കുന്നു.

നിലവിലെ വിപണി വില: 395 രൂപ
ടാർഗെറ്റ് വില : 430 രൂപ
സ്റ്റോപ്പ് ലോസ്: 355 രൂപ
നേട്ടം - 13%

5. ശ്രീറാം പ്രോപ്പർട്ടീസ്

ദക്ഷിണേന്ത്യയിലെ മുൻനിര റെസിഡൻഷ്യൽ റിയൽ എസ്റ്റേറ്റ് ഡെവലപ്‌മെൻ്റ് കമ്പനികളിലൊന്നാണ് ശ്രീറാം പ്രോപ്പർട്ടീസ്. കമ്പനിയുടെ പ്രധാന വിപണികളിൽ ബാംഗ്ലൂർ, ചെന്നൈ, കൊൽക്കത്ത തുടങ്ങിയവയാണ്.

മണിക്കൂർ ചാർട്ടുകളിൽ ഓഹരി അതിന്‍റെ സപ്പോർട്ട് ലെവലായ 100 രൂപയ്ക്ക് ചുറ്റുമാണ് ട്രേഡ് ചെയ്യുന്നത്. ഓഹരിയുടെ പ്രതിദിന ചാർട്ട് വിശകലനത്തെ അടിസ്ഥാനമാക്കി ആകർഷകമായ വാങ്ങൽ അവസരം നൽകുന്നു.

നിലവിലെ വിപണി വില: 109.10 രൂപ
ടാർഗെറ്റ് വില : 120 രൂപ
സ്റ്റോപ്പ് ലോസ്: 99 രൂപ
നേട്ടം - 13%

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.