മൂന്നാം സാമ്പത്തിക ഉത്തേജന പാക്കേജ് പ്രഖ്യാപിച്ച് ധനമന്ത്രി — അറിയേണ്ടതെല്ലാം

ദില്ലി: കേന്ദ്ര ധനമന്ത്രി നിർമല സീതാരാമൻ മൂന്നാം സാമ്പത്തിക ഉത്തേജന പാക്കേജ് പ്രഖ്യാപിച്ചു. കൊവിഡ് മഹാമാരിയുടെ ക്ഷീണത്തിൽ നിന്നും ഇന്ത്യൻ സമ്പദ് വ്യവസ്ഥയെ കരകയറ്റാൻ വേണ്ടിയാണ് മൂന്നാം ഉത്തേജക പാക്കേജ് കേന്ദ്രം ഒരുക്കുന്നത്. രാജ്യത്തെ 10 മേഖലകളിൽ ഉത്പാദനവുമായി ബന്ധപ്പെട്ട ആനുകൂല്യങ്ങൾ (പി‌എൽ‌ഐ) നൽകുന്ന പദ്ധതിക്ക് കേന്ദ്ര മന്ത്രിസഭ അനുമതി നൽകിയതിന് പിന്നാലെയാണ് ധനമന്ത്രി മാധ്യമങ്ങളെ അഭിസംബോധന ചെയ്തതും. വാർത്താസമ്മേളനത്തിന്റെ വിവരങ്ങൾ ചുവടെ അറിയാം.

Nirmala sitharaman

Nov 12, 2020, 2:58 pm IST

വാർത്താസമ്മേളനം അവസാനിച്ചു.

Nov 12, 2020, 2:36 pm IST

'ഐഡിയാസ്' സ്കീം പ്രകാരം ക്രെഡിറ്റ് ലൈനുകൾ വഴി പദ്ധതി കയറ്റുമതി പ്രോത്സാഹിപ്പിക്കുന്നതിനായി 3,000 കോടി രൂപ അധികമായി എക്‌സിം ബാങ്കിലേക്ക് കേന്ദ്രം പ്രഖ്യാപിക്കും.

Nov 12, 2020, 2:32 pm IST

കൊവിഡ് വാക്‌സിനെ കുറിച്ചുള്ള ഗവേഷണത്തിനും വികസനത്തിനുമായി 900 കോടി രൂപ കേന്ദ്രം അനുവദിച്ചു. കേന്ദ്ര ബയോ-ടെക്‌നോളജി വകുപ്പിനാണ് ഈ തുക ലഭിക്കുക.

Nov 12, 2020, 2:27 pm IST

നാഷണൽ ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ഫണ്ടിന്റെ (എൻ‌ഐ‌ഐ‌എഫ്) ഡെറ്റ് പ്ലാറ്റ്‌ഫോമിൽ 6,000 കോടി രൂപയുടെ ഓഹരി നിക്ഷേപിക്കാൻ സർക്കാർ തീരുമാനിച്ചു. അടിസ്ഥാന സൌകര്യ വികസന പദ്ധതികൾക്കായി 1.1 ലക്ഷം കോടി രൂപ സമാഹരിക്കാൻ എൻഐഐഎഫിനെ ഇത് സഹായിക്കും.

Nov 12, 2020, 2:25 pm IST

രണ്ട് കോടി രൂപ വരെയുള്ള വീടുകൾ നിർമ്മിക്കുന്ന ഡവലപ്പർമാർക്കും വീട് വാങ്ങുന്നവർക്കും കേന്ദ്രം നികുതി ഇളവ് പ്രഖ്യാപിച്ചു.

Nov 12, 2020, 2:24 pm IST

ഗരീബ് കല്യാണ്‍ റോസ്ഗര്‍ യോജനയുടെ ഭാഗമായി ഗ്രാമവികസന നടപടികള്‍ ശക്തിപ്പെടുത്തും. 116 ജില്ലകളില്‍ പ്രധാനമന്ത്രി ഗരീബ് കല്യാണ്‍ റോസ്ഗര്‍ യോജന നടപ്പിലാവുന്നുണ്ട്. 37,543 കോടി രൂപ ഇതുവരെ പദ്ധതിയിലൂടെ കേന്ദ്രം ചിലവഴിച്ചു. നടപ്പുവര്‍ഷം 10,000 കോടി രൂപ കൂടി പ്രധാനമന്ത്രി ഗരീബ് കല്യാണ്‍ റോസ്ഗര്‍ യോജനയ്ക്കായി സര്‍ക്കാര്‍ ഇപ്പോള്‍ അനുവദിച്ചു. 2020-21 ബജറ്റില്‍ 61,500 കോടി രൂപ MGNREGA പദ്ധതിക്കായി വകയിരുത്തിയിട്ടുണ്ട്. ഇതിന് പുറമെ ആത്മനിര്‍ഭര്‍ ഭാരത് 1.0 പ്രഖ്യാപനത്തില്‍ 40,000 കോടി രൂപയുടെ അധിക സഹായവും കേന്ദ്രം അനുവദിച്ചിട്ടുണ്ട്.

Nov 12, 2020, 2:19 pm IST

കാര്‍ഷിക മേഖലയ്ക്കും പിന്തുണ

സബ്‌സിഡി വളങ്ങള്‍ക്ക് 65,000 കോടി രൂപ കേന്ദ്രം പ്രഖ്യാപിച്ചു. രാജ്യത്ത് കാര്‍ഷിക വളങ്ങളുടെ ഉപയോഗം 17.8 ശതമാനം വര്‍ധിച്ചു. 2020-21 വര്‍ഷം പിന്നിടുമ്പോഴേക്കും 673 ലക്ഷം മെട്രിക് ടണ്‍ വളം കര്‍ഷകര്‍ ഉപയോഗിക്കുമെന്നാണ് പ്രതീക്ഷ. ഈ അവസരത്തില്‍ സബ്‌സിഡി നിരക്കില്‍ വളങ്ങളുടെ വിതരണം വര്‍ധിപ്പിക്കുന്നത് 140 ദശലക്ഷം കര്‍ഷകരെ സഹായിക്കും.

Nov 12, 2020, 2:13 pm IST

കരാറുകളിലെ പ്രകടന സുരക്ഷ ഇപ്പോൾ 3 ശതമാനം മുതൽ 5-10 ശതമാനം വരെ; എല്ലാ തർക്കരഹിത പ്രോജക്റ്റുകൾക്കുമിത് ലഭ്യമാകും. ബിഡ് ടെൻഡറുകൾക്ക് EMD ആവശ്യമില്ല, പകരം ബിഡ് സുരക്ഷാ ഡിക്ലറേഷൻ പ്രാബല്യത്തിൽ വരും.

Nov 12, 2020, 2:02 pm IST

പ്രധാനമന്ത്രി ആവാസ് യോജന - അര്‍ബന്‍ പദ്ധതിക്ക് 18,000 കോടി രൂപ കേന്ദ്രം പ്രഖ്യാപിച്ചു. ഈ വര്‍ഷം പ്രഖ്യാപിച്ച 8,000 കോടി രൂപയ്ക്ക് പുറമെയാണിത്. 12 ലക്ഷം ഭവനങ്ങള്‍ പദ്ധതിക്ക് കീഴില്‍ നിര്‍മ്മിക്കപ്പെടും. ഒപ്പം 18 ലക്ഷം ഭവനങ്ങള്‍ പൂര്‍ത്തീകരിക്കപ്പെടുകയും ചെയ്യും. 78 ലക്ഷം അധിക തൊഴിലസവരങ്ങളാണ് പ്രധാനമന്ത്രി ആവാസ് യോജന - അര്‍ബന്‍ പദ്ധതി സൃഷ്ടിക്കുക.

Nov 12, 2020, 1:57 pm IST

തിരഞ്ഞെടുത്ത 10 മേഖലകളില്‍ ഉത്പാദനവുമായി ബന്ധപ്പെട്ട ആനുകൂല്യങ്ങളായി 1.46 ലക്ഷം കോടി രൂപ കേന്ദ്രം പ്രഖ്യാപിച്ചു. സാമ്പത്തിക വളര്‍ച്ചയ്ക്കും തദ്ദേശീയ തൊഴില്‍ അവസരങ്ങള്‍ സൃഷ്ടിക്കുന്നതിനും ഈ നടപടി സഹായകരമാവും.

Nov 12, 2020, 1:53 pm IST

സാമ്പത്തിക പ്രതിസന്ധി രൂക്ഷമായ 26 മേഖലകള്‍ക്ക് കേന്ദ്രം വായ്പാ സഹായം നല്‍കും. കാമത്ത് കമ്മിറ്റി ശുപാര്‍ശ ചെയ്ത 26 മേഖലകള്‍ക്കാണ് ആനുകൂല്യങ്ങള്‍ ലഭിക്കുക. അഞ്ച് വര്‍ഷത്തേക്കായിരിക്കും വായ്പാ കാലാവധി. ഇതില്‍ ഒരുരവര്‍ഷത്തെ മൊറട്ടോറിയം സാവകാശവും സംരംഭങ്ങള്‍ക്ക് ലഭിക്കും.

Nov 12, 2020, 1:47 pm IST

ആത്മനിർഭർ ഭാരത് റോസ്ഗർ യോജന 2020 ഒക്ടോബർ 1 മുതൽ പ്രാബല്യത്തിൽ വരും. 2020 ഒക്ടോബർ 1 മുതൽ 2021 ജൂൺ 30 വരെ ആവശ്യമായ നിരക്കിൽ പുതിയ ജീവനക്കാരെ നിയമിക്കുകയാണെങ്കിൽ അടുത്ത രണ്ട് വർഷത്തേക്ക് സ്ഥാപനങ്ങൾ പരിരക്ഷിക്കപ്പെടും.

Nov 12, 2020, 1:45 pm IST

ആത്മനിർഭർ ഭാരത് റോസ്ഗർ യോജന പുതിയ തൊഴിലവസരങ്ങൾ സൃഷ്ടിക്കാൻ പ്രേരിപ്പിക്കുമെന്ന് ധനമന്ത്രി.

Nov 12, 2020, 1:41 pm IST

ആത്മനിര്‍ഭര്‍ ഭാരത് 3.0

പഴയ പ്രധാനമന്ത്രി റോസ്ഗാര്‍ പ്രോത്സാഹന്‍ യോജനയ്ക്ക് കീഴില്‍ ഇതുവരെ 8,300 കോടി രൂപ അനുവദിച്ചു. 1.52 ലക്ഷം സംരംഭങ്ങള്‍ക്ക് ഇതിന്റെ ആനുകൂല്യം കിട്ടി. ഇനി ആത്മനിര്‍ഭര്‍ ഭാരത് 3.0 രൂപരേഖയ്ക്ക് കീഴില്‍ ആത്മനിര്‍ഭര്‍ ഭാരത് റോസ്ഗാര്‍ യോജന എന്ന പേരിലായിരിക്കും പദ്ധതി അറിയപ്പെടുക. സംഘടിത മേഖലയില്‍ പുതിയ തൊഴില്‍ അവസരങ്ങള്‍ സൃഷ്ടിക്കുന്നതിന് പ്രത്യേക ആനൂകൂല്യങ്ങള്‍ ആത്മനിര്‍ഭര്‍ ഭാരത് റോസ്ഗാര്‍ പദ്ധതിയിലൂടെ കേന്ദ്രം നല്‍കും.

Nov 12, 2020, 1:38 pm IST

ആത്മനിര്‍ഭര്‍ ഭാരത് 3.0

പഴയ പ്രധാനമന്ത്രി റോസ്ഗാര്‍ പ്രോത്സാഹന്‍ യോജനയ്ക്ക് കീഴില്‍ ഇതുവരെ 8,300 കോടി രൂപ അനുവദിച്ചു. 1.52 ലക്ഷം സംരംഭങ്ങള്‍ക്ക് ഇതിന്റെ ആനുകൂല്യം കിട്ടി. ഇനി ആത്മനിര്‍ഭര്‍ ഭാരത് 3.0 രൂപരേഖയ്ക്ക് കീഴില്‍ ആത്മനിര്‍ഭര്‍ ഭാരത് റോസ്ഗാര്‍ യോജന എന്ന പേരിലായിരിക്കും പദ്ധതി അറിയപ്പെടുക. സംഘടിത മേഖലയില്‍ പുതിയ തൊഴില്‍ അവസരങ്ങള്‍ സൃഷ്ടിക്കുന്നതിന് പ്രത്യേക ആനൂകൂല്യങ്ങള്‍ ആത്മനിര്‍ഭര്‍ ഭാരത് റോസ്ഗാര്‍ പദ്ധതിയിലൂടെ കേന്ദ്രം നല്‍കും.

Nov 12, 2020, 1:30 pm IST

ആത്മനിര്‍ഭര്‍ ഭാരത് 2.0

ഉത്സവകാലം മുന്‍നിര്‍ത്തി എസ്ബിഐ ഉത്സവ് കാര്‍ഡുകള്‍ വിതരണം ചെയ്തു. എല്‍ടിസി വൗച്ചര്‍ പദ്ധതികള്‍ അവതരിപ്പിച്ചു കേന്ദ്ര ഗതാഗത മന്ത്രാലയത്തിനും കേന്ദ്ര പ്രതിരോധ മന്ത്രാലയത്തിനും 25,000 കോടി രൂപ മൂലധന ചിലവുകള്‍ക്കായി ലഭിച്ചു. 11 സംസ്ഥാനങ്ങള്‍ക്ക് മൂലധന ചിലവുകളിലേക്ക് 3,621 കോടി രൂപ പലിശ രഹിത വായ്പയായി കേന്ദ്രം അനുവദിച്ചു.

Nov 12, 2020, 1:26 pm IST

ചെറുകിട ഇടത്തരം സംരംഭങ്ങള്‍ക്കായി പ്രഖ്യാപിച്ച ECLGS1.0 പദ്ധതിയിലൂടെ 2.05 ലക്ഷം കോടി രൂപയുടെ വായ്പ കേന്ദ്രം അനുവദിച്ചു. 61 ലക്ഷം ആളുകള്‍ക്കാണ് വായ്പാ ആനുകൂല്യം ലഭിച്ചത്. ഇതില്‍ 1.52 ലക്ഷം കോടി രൂപ ഇതിനകം വിതരണം ചെയ്തു കഴിഞ്ഞു.

Nov 12, 2020, 1:21 pm IST

അടിയന്തര മൂലധന സഹായം

നബാര്‍ഡ് മുഖേന 25,000 കോടി രൂപ അടിയന്തര മൂലധന സഹായമായി കര്‍ഷകര്‍ക്ക് കേന്ദ്രം കൈമാറി.

Nov 12, 2020, 1:20 pm IST

പ്രധാനമന്ത്രി മത്സ്യസമ്പദ് യോജന

21 സംസ്ഥാനങ്ങളില്‍ നിന്നായി ലഭിച്ച അപേക്ഷകളുടെ അടിസ്ഥാനത്തില്‍ 1,681.32 കോടി രൂപ കേന്ദ്രം അനുവദിച്ചു.

Nov 12, 2020, 1:19 pm IST

കിസാന്‍ ക്രെഡിറ്റ് കാര്‍ഡ്

2.5 കോടി കര്‍ഷകര്‍ക്ക് കിസാന്‍ ക്രെഡിറ്റ് കാര്‍ഡിലൂടെ വായ്പ ലഭിച്ചു. ഇതുവരെ 183.14 ലക്ഷം അപേക്ഷകള്‍ കിസാന്‍ ക്രെഡിറ്റ് കാര്‍ഡിനായി എത്തി; 157.44 ലക്ഷം കര്‍ഷകര്‍ക്ക് ബാങ്കുകള്‍ കിസാന്‍ ക്രെഡിറ്റ് കാര്‍ഡ് അനുവദിച്ചു. രണ്ടു ഘട്ടങ്ങളിലായി 1.43 ലക്ഷം കോടി രൂപയാണ് കിസാന്‍ ക്രെഡിറ്റ് കാര്‍ഡ് പദ്ധതിയിലൂടെ കര്‍ഷകര്‍ക്ക് ലഭിച്ചത്.

Nov 12, 2020, 1:17 pm IST

ആത്മനിര്‍ഭര്‍ നിധി

26.62 ലക്ഷം വായ്പാ അപേക്ഷകള്‍ ആത്മനിര്‍ഭര്‍ നിധിക്ക് കീഴില്‍ ലഭിച്ചു.

Nov 12, 2020, 1:16 pm IST

ഒരു രാജ്യം ഒരു റേഷന്‍ കാര്‍ഡ്

സെപ്തംബര്‍ 1 ഒന്നുമുതല്‍ 28 സംസ്ഥാനങ്ങളും/കേന്ദ്രഭരണ പ്രദേശങ്ങളും ഏകീകൃത റേഷന്‍ കാര്‍ഡ് പദ്ധതിയില്‍ പങ്കാളികളായി. 68.6 കോടി ആളുകള്‍ക്ക് പദ്ധതിയിലൂടെ ആനുകൂല്യം ലഭിക്കും. പ്രതിമാസം ഒന്നരക്കോടി ഇടപാടുകള്‍ ടഒരു രാജ്യം ഒരു റേഷന്‍ കാര്‍ഡ്' പദ്ധതിയിക്ക് കീഴില്‍ നടക്കുന്നു.

Nov 12, 2020, 1:12 pm IST

ബാങ്ക് വായ്പാ വളർച്ച 5.1 ശതമാനം ഉയർന്നു; വിപണികൾ റെക്കോർഡ് ഉയരത്തിലാണ്. മൂന്നാം പാദത്തിൽ സമ്പദ്‌വ്യവസ്ഥ വളർച്ചയിലേക്ക് തിരിച്ചുവരാൻ സാധ്യതയുണ്ടെന്ന് റിസർവ് ബാങ്ക് പ്രവചിക്കുന്നതായി ധനമന്ത്രി.

Nov 12, 2020, 1:10 pm IST

ചരക്കുനീക്കം വർധിച്ചു

റെയിൽവേയുടെ പ്രതിദിന ചരക്കുനീക്കം 20 ശതമാനം വർധിച്ചു.

Nov 12, 2020, 1:09 pm IST

ഊർജ്ജ ഉപഭോഗം വർധിച്ചു

ഒക്ടോബറിൽ ഊർജ്ജ ഉപഭോഗം കാര്യമായി വർധിച്ചു. വർഷാവർഷമുള്ള വളർച്ചാ നിരക്ക് 12 ശതമാനം.

Nov 12, 2020, 1:09 pm IST

വാങ്ങൽ നിർമ്മിതി സൂചിക

കഴിഞ്ഞമാസം ഇന്ത്യയുടെ വാങ്ങൽ നിർമ്മിതി സൂചിക 58.9 എന്ന നിലകൈവരിച്ചു. സെപ്തംബറിൽ ഇത് 54.6 ആയിരുന്നു. കഴിഞ്ഞ 9 വർഷത്തിനിടെയുള്ള ഏറ്റവും ഉയർന്ന നിലയിലാണ് വാങ്ങൽ നിർമ്മിത സൂചിക തുടരുന്നത്.

Nov 12, 2020, 1:06 pm IST

നടപ്പുവർഷം മൂന്നാം പാദം ഇന്ത്യൻ സമ്പദ്ഘടന മെച്ചപ്പെടുമെന്ന് റിസർവ് ബാങ്ക്.

Nov 12, 2020, 1:05 pm IST

നേരിട്ടുള്ള വിദേശ നിക്ഷേപം കൂടി

ഏപ്രിൽ - ഓഗസ്റ്റ് കാലയളവിൽ നേരിട്ടുള്ള വിദേശ നിക്ഷേപം 35.37 ബില്യൺ ഡോളർ തൊട്ടു. വർഷാടിസ്ഥാനത്തിലുള്ള വളർച്ച 13 ശതമാനം

Nov 12, 2020, 1:03 pm IST

ഒക്ടോബറിൽ ജിഎസ്ടി നികുതി പിരിവ് 1.05 ലക്ഷം കോടി രൂപ കടന്നു. വർഷാടിസ്ഥാനത്തിലുള്ള വളർച്ച 10 ശതമാനം.

Nov 12, 2020, 1:01 pm IST

സമ്പദ്ഘടന തിരിച്ചുവരവിന്റെ പാതയിലെന്ന് ധനമന്ത്രി

Nov 12, 2020, 12:59 pm IST

വാർത്താസമ്മേളനം ആരംഭിച്ചു

Nov 12, 2020, 12:57 pm IST

ജിഡിപി വളർച്ച താഴോട്ട്

നടപ്പുവർഷത്തെ കണക്കുകൾ പ്രകാരം ഇന്ത്യയുടെ മൊത്തം ആഭ്യന്തര ഉത്പാദനം എക്കാലത്തേയും വലിയ താഴ്ച്ചയിലേക്ക് കൂപ്പുകുത്തുമെന്ന ആശങ്ക നിലനിൽക്കുന്നു.

Nov 12, 2020, 12:55 pm IST

മൂന്നു ലക്ഷം കോടി രൂപയുടെ പാക്കേജ്?

മൂന്നു ലക്ഷം കോടി രൂപയുടെ സാമ്പത്തിക ഉത്തേജന പാക്കേജായിരിക്കും കേന്ദ്രം പ്രഖ്യാപിക്കുകയെന്ന സൂചനകളുണ്ട്.

Nov 12, 2020, 12:52 pm IST

അൽപ്പസമയത്തിനകം

അൽപ്പസമയത്തിനകം ധനമന്ത്രിയുടെ വാർത്താസമ്മേളനം ആരംഭിക്കും

Nov 12, 2020, 12:38 pm IST

കേന്ദ്രധനമന്ത്രി നിർമ്മല സീതാരാമന്റെ പത്ര സമ്മേളനം ഉടൻ

ഉച്ചയ്ക്ക് 12.30 ന് കേന്ദ്ര ധനമന്ത്രി നിർമ്മല സീതാരാമൻ മാധ്യമങ്ങളെ അഭിസംബോധന ചെയ്യും.