Just In
-
-
-
-
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
ഏപ്രിലിൽ തുടങ്ങുന്ന ഭാഗ്യം മാസങ്ങളോളം നീണ്ടുനിൽക്കും; ഈ രാശിക്കാർ തീർച്ചയായും ലക്ഷപ്രഭുക്കളാവും.. -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ദില്ലി: കോവിഡ് രണ്ടാം തരംഗം ആഞ്ഞടിക്കുന്നത് ഓഹരി വിപണിയെ ബാധിച്ചുതുടങ്ങി എന്നാണ് റിപ്പോര്‍ട്ടുകള്‍. ആദ്യ തരംഗത്തില്‍ ലോകമെമ്പാടും ഓഹരി വിപണികള്‍ തകര്‍ന്നടിഞ്ഞിരുന്നു. അതില്‍ നിന്ന് ശക്തമായ തിരിച്ചുവരവ് നടത്തുന്നതിനിടെയാണ് രണ്ടാം തരംഗം ആഞ്ഞടിച്ചത്.
എന്തായാലും ഓഹരി വിപണിയുമായി ബന്ധപ്പെട്ട് പ്രതീക്ഷ പകരുന്ന ചില വാര്‍ത്തകളും പുറത്ത് വരുന്നുണ്ട്. ഐപിഒ (ഇനീഷ്യല്‍ പബ്ലിക് ഓഫറിങ്) വിപണി സജീവമാകുന്നു എന്നതാണ് ആ വാര്‍ത്ത!
നാല് പ്രമുഖ കമ്പനികള്‍ ആണ് ഐപിഒയ്ക്ക് ഒരുങ്ങുന്നത്. വിപണിയില്‍ നിന്ന് മൊത്തം നാലായിരം കോടി രൂപയോളമാകും ഇവര്‍ സമാഹരിക്കുക എന്നാണ് റിപ്പോര്‍ട്ടുകള്‍. അടുത്തിടെ കേരളത്തില്‍ നിന്നുള്ള കല്യാണ്‍ ജ്വല്ലേഴ്‌സിന്റെ ഐപിഒ വന്‍ വിജയമായിരുന്നു എന്നത് കൂടി ഇതിനൊപ്പം ചേര്‍ത്ത് വായിക്കാവുന്നതാണ്.
ശ്യാം മെറ്റാലിക്‌സ്, ദോഡ്‌ല ഡയറി, കൃഷ്ണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് (കിംസ്), ക്ലീന്‍ സയന്‍സ് ആന്റ് ടെക്‌നോളജി എന്നിവയാണ് ഐപിഒയ്ക്ക് ഒരുങ്ങുന്നത്. ഈ നാല് കമ്പനികളും മുമ്പ് ഐപിഒയ്ക്ക് ഒരുങ്ങിയിരുന്നവയായിരുന്നു. എന്നാല്‍ പ്രത്യേക സാഹചര്യത്തില്‍ ആ നീക്കത്തില്‍ നിന്ന് പിന്‍വാങ്ങുകയായിരുന്നു അന്ന്.
ഇക്കൂട്ടത്തില്‍ ഐപിഒയിലൂടെ ഏറ്റവും അധികം തുക സമാഹരിക്കാന്‍ ലക്ഷ്യമിടുന്നത് ക്ലീന്‍ സയന്‍സ് ആന്റ് ടെക്‌നോളജിയാണ്. ഇവര്‍ 1,400 കോടി രുപയാണ് ഐപിഒയിലൂടെ ലക്ഷ്യമിടുന്നത്. ശ്യാം മെറ്റാലിക്‌സ് 1,100 കോടി സമാഹരിക്കാന്‍ ആണ് ഉദ്ദേശിക്കുന്നത്. ദോഡ്‌ല ഡയറി 800 കോടി രൂപയും കൃഷ്ണ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് (കിംസ്) 700 കോടി രൂപയും സമാഹരിക്കാന്‍ ലക്ഷ്യമിടുന്നു എന്നാണ് വാര്‍ത്തകള്‍.
കല്യാണ്‍ ജ്വല്ലേഴ്‌സ് ഉള്‍പ്പെടെ കഴിഞ്ഞ വര്‍ഷം ഐപിഒ നടത്തിയ കമ്പനികളില്‍ ഭൂരിഭാഗവും വലിയ വിജയമാണ് നേടിയത്. കണക്കുകള്‍ പരിശോധിച്ചാല്‍, ഇത്തരത്തില്‍ വിപണിയില്‍ എത്തിയ എഴുപത് ശതമാനത്തോളം കമ്പനികളും ലിസ്റ്റ് ചെയ്ത ദിവസം തന്നെ വലിയ നേട്ടം ഓഹരി ഉടമകള്‍ക്ക് സമ്മാനിച്ചിട്ടുണ്ട്. പുതിയതായി ഐപിഒയ്ക്ക് ഒരുങ്ങുന്ന കമ്പനികള്‍ മിഡ് ക്യാപ്, സ്‌മോള്‍ ക്യാപ് വിഭാഗത്തിലുള്ളവയാണ്. ഓഹരി വിപണിയിലെ പ്രതിസന്ധികള്‍ക്കിടയിലും ഈ വിഭാഗങ്ങളിലുള്ള ഓഹരികള്‍ മെട്ടപ്പെട്ട നിലയില്‍ എത്തിയിട്ടുണ്ട് എന്നതും ശ്രദ്ധേയമാണ്.
