ദില്ലി; സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും ജിഎസ്ടി നഷ്ടപരിഹാര കുറവ് പരിഹരിക്കുന്നതിനായി 5000 കോടി രൂപ അനുവദിച്ച് കേന്ദ്ര സര്ക്കാര്. 17-ാം പ്രതിവാര ഗഡുവായ ഈ തുക 23 സംസ്ഥാനങ്ങള്ക്കും ഡൽഹി, ജമ്മു-കശ്മീർ, പുതുച്ചേരി എന്നീ മൂന്നു കേന്ദ്രഭരണ പ്രദേശങ്ങള്ക്കുമായാണ് കേന്ദ്രം അനുവദിച്ചത്. ജിഎസ്ടി നഷ്ടം നികത്തുന്നതിനായി 2020 ഒക്ടോബര് മുതല് നാലുമാസമായി ഒരു ലക്ഷം കോടി രൂപ കേന്ദ്ര സര്ക്കാര് നല്കിയിട്ടുണ്ട്.
ബാക്കി 5 സംസ്ഥാനങ്ങളായ അരുണാചൽ പ്രദേശ്, മണിപ്പൂർ, മിസോറം, നാഗാലാൻഡ്, സിക്കിം എന്നിവിടങ്ങളിൽ ചരക്ക് സേവന നികുതി (ജിഎസ്ടി) നടപ്പാക്കൽ മൂലം വരുമാനത്തിൽ വ്യത്യാസം സംഭവിച്ചിട്ടില്ല.
ജിഎസ്ടി നടപ്പാക്കിയതിന്റെ ഫലമായി ഉണ്ടാകുന്ന വരുമാനത്തിലെ ഇടിവ് പരിഹരിക്കുന്നതിനായി കഴിഞ്ഞ ഒക്ടോബറില് കേന്ദ്രം പ്രത്യേക വായ്പാ ജാലകം ആരംഭിച്ചിരുന്നു. 1.10 ലക്ഷം കോടി രൂപയുടെ ജിഎസ്ടി കുറവ് നികത്തുന്നതിനായായിരുന്നു ഇത്.
സംസ്ഥാനങ്ങൾക്കും കേന്ദ്രഭരണ പ്രദേശങ്ങള്ക്കും വേണ്ടി വേണ്ടി കേന്ദ്രം ഈ ജാലകത്തിലൂടെയാണ് വായ്പയെടുക്കുന്നത്.
ഈ പ്രത്യേക വായ്പയെടുക്കൽ ജാലക്തതിലൂടെ 1,00,000 കോടി രൂപ കേന്ദ്ര സർക്കാർ വായ്പയെടുത്തിട്ടുണ്ട്. 4.83 ശതമാനം പലിശ നിരക്കിലാണിത്. . ഇതിൽ 91,460.34 കോടി രൂപ സംസ്ഥാനങ്ങൾക്കും . 8,539.66 കോടി രൂപ നിയമസഭയുള്ള കേന്ദ്രഭരണ പ്രദേശങ്ങള്ക്കുമായാണ് വിതരണം ചെയ്തത്. 2020 ഒക്ടോബർ 23 മുതൽ ഇതുവരെ ആകെ 17 റ റൗണ്ട് വായ്പകൾ പൂർത്തിയായിട്ടുണ്ട്.
അതിനിടെ മാർച്ചിൽ നടക്കുന്ന ജിഎസ്ടി കൗൺസിൽ യോഗത്തിൽ നികുതി സ്ലാബുകളിൽ മാറ്റം വരുത്തുന്നത് സംബന്ധിച്ച് തിരുമാനം ഉണ്ടായേക്കുമെന്നാണ് കണക്കാക്കപ്പെടുന്നത്. 12, 18 ശതമാനം നികുതി നിരക്കുകൾ ലയിപ്പിക്കാൻ 15-ാമത് ധനകാര്യ കമ്മീഷൻ ശുപാർശ ചെയ്തതിന് പിന്നാലെയാണ് യോഗം ചേരാനിരിക്കുന്നത്. പല ഉത്പന്നങ്ങളുടേയും സേവന നിരക്കുകളിൽ മാറ്റം ഉണ്ടായേക്കും.
രാജ്യത്തെ ഏറ്റവും വേഗത്തിൽ വളരുന്ന സാമ്പത്തിക ശക്തിയാക്കണം, സ്വകാര്യ മേഖലയോട് ധനമന്ത്രി
മാർച്ച് ഒന്ന് വരെ സൌജന്യ ഫാസ്റ്റ് ടാഗ്: ടോൾ പ്ലാസകളിൽ നിന്ന് കാർഡ് ലഭിക്കുന്നതെങ്ങനെ
കുതിച്ചുകയറി വെളിച്ചെണ്ണ വില! ക്വിന്റലിന് 350 രൂപ കൂടി... ഒരു കിലോയ്ക്ക് 205.50 രൂപ