ആഗോള നിക്ഷേപ സ്ഥാപനമായ ജിഐസി റിലയൻസ് റീട്ടെയിൽ വെഞ്ചേഴ്സ് ലിമിറ്റഡിലേക്ക് (ആർ.ആർ.വി.എൽ) 5,512.5 കോടി രൂപ നിക്ഷേപിക്കുമെന്ന് റിലയൻസ് ഇൻഡസ്ട്രീസ് പ്രഖ്യാപിച്ചു. മറ്റൊരു നിക്ഷേപ സ്ഥാപനമായ ടിപിജിയും 1,837.5 രൂപ നിക്ഷേപിക്കും. ജിഐസി, ടിപിജി നിക്ഷേപം യഥാക്രമം ആർആർവിഎല്ലിലെ 1.22 ശതമാനവും 0.41 ശതമാനവും ഓഹരി പങ്കാളിത്തം നേടുമെന്ന് റിലയൻസ് ഇൻഡസ്ട്രീസ് റെഗുലേറ്ററി ഫയലിംഗിൽ പറഞ്ഞു.
ജിഐസി നിക്ഷേപം
5,512.5 കോടി രൂപ ജിഐസി നിക്ഷേപിക്കുമെന്ന് റിലയൻസ് ഇൻഡസ്ട്രീസ് ലിമിറ്റഡും (റിലയൻസ് ഇൻഡസ്ട്രീസ്) റിലയൻസ് റീട്ടെയിൽ വെഞ്ചേഴ്സ് ലിമിറ്റഡും (ആർആർവിഎൽ) വ്യക്തമാക്കി. റിലയൻസ് ഇൻഡസ്ട്രീസിന്റെ അനുബന്ധ സ്ഥാപനമായ ആർആർവിഎല്ലിലെ പുതിയ നിക്ഷേപങ്ങൾ സ്ഥാപനത്തെ പ്രീ-മണി ഇക്വിറ്റി മൂല്യമായ 4.285 ലക്ഷം കോടി രൂപ വിലമതിക്കുന്ന കമ്പനിയാക്കി മാറ്റി.
ഓഹരി വിപണിയിൽ ഇന്ന് നേട്ടത്തിൽ തുടക്കം; ഇൻഫോസിസ്, ആർഐഎൽ ഓഹരികൾ മികച്ച നേട്ടക്കാർ
മുകേഷ് അംബാനി
റിലയൻസ് റീട്ടെയിൽ കുടുംബത്തിലേക്ക് ജിഐസിയെ സ്വാഗതം ചെയ്യുന്നതിൽ എനിക്ക് വലിയ സന്തോഷമുണ്ടെന്ന് റിലയൻസ് ഇൻഡസ്ട്രീസ് ചെയർമാനും മാനേജിംഗ് ഡയറക്ടറുമായ മുകേഷ് അംബാനി പറഞ്ഞു. ലോകമെമ്പാടുമുള്ള നാലു പതിറ്റാണ്ടിലേറെ നീണ്ട ദീർഘകാല മൂല്യ നിക്ഷേപത്തിന്റെ ട്രാക്ക് റെക്കോർഡുള്ള ജിഐസി, ഇന്ത്യൻ റീട്ടെയിൽ മേഖലയിൽ റിലയൻസ് റീട്ടെയിലുമായി പങ്കാളിത്തത്തിൽ ഏർപ്പെടുന്നതിൽ താൻ സന്തുഷ്ടനാണെന്ന് മുകേഷ് അംബാനി പറഞ്ഞു. ജി.ഐ.സിയുടെ ആഗോള ശൃംഖലയും ദീർഘകാല പങ്കാളിത്തത്തിന്റെ ട്രാക്ക് റെക്കോർഡും റിലയൻസ് റീട്ടെയിലിന് അമൂല്യമായിരിക്കും. ഈ നിക്ഷേപം ഇന്ത്യയുടെ റീട്ടെയിൽ സാധ്യതയുടെയും ശക്തമായ അംഗീകാരമാണെന്നും അംബാനി വ്യക്തമാക്കി.
ജിഐസി
പുതിയ നിക്ഷേപത്തിലൂടെ റിലയൻസുമായി പങ്കാളിയാകാൻ കഴിഞ്ഞതിൽ ജിഐസിക്ക് സന്തോഷമുണ്ടെന്നും ഇത് ഇന്ത്യയുടെ റീട്ടെയിൽ വിപണിയിലെ ശക്തമായ വളർച്ചയ്ക്ക് റിലയൻസ് റീട്ടെയിൽ മുൻനിരയിലെത്താൻ കമ്പനിയെ പ്രാപ്തമാക്കുമെന്നും ജിഐസി ചീഫ് എക്സിക്യൂട്ടീവ് ഓഫീസർ ലിം ചോ കിയാറ്റ് പറഞ്ഞു. ആർആർവിഎല്ലിന്റെ അനുബന്ധ സ്ഥാപനമായ റിലയൻസ് റീട്ടെയിൽ ലിമിറ്റഡ് ഇന്ത്യയിലെ ഏറ്റവും വലിയതും അതിവേഗം വളരുന്നതും ലാഭകരവുമായ റീട്ടെയിൽ ബിസിനസ്സാണ്.
ആർഐഎൽ റീട്ടെയിൽ ബിസിനസിൽ കാർലൈൽ ഗ്രൂപ്പും നിക്ഷേപിക്കാൻ ഒരുങ്ങുന്നതായി റിപ്പോട്ട്
ടിപിജി നിക്ഷേപം
ആഗോള നിക്ഷേപ സ്ഥാപനമായ ടിപിജി 1,837.5 കോടി രൂപ റിലയൻസ് ഇൻഡസ്ട്രീസിന്റെ അനുബന്ധ സ്ഥാപനമായ ആർആർവിഎല്ലിലേക്ക് നിക്ഷേപിക്കുമെന്ന് റിലയൻസ് ഇൻഡസ്ട്രീസ് ലിമിറ്റഡും റിലയൻസ് റീടെയിൽ വെൻചേഴ്സ് ലിമിറ്റഡും (ആർആർവിഎൽ) പ്രഖ്യാപിച്ചു. ഈ വർഷം ആദ്യം പ്രഖ്യാപിച്ച ജിയോ പ്ലാറ്റ്ഫോമിൽ 4,546.8 കോടി രൂപ നിക്ഷേപം നടത്തിയതിന് ശേഷം റിലയൻസ് ഇൻഡസ്ട്രീസിന്റെ അനുബന്ധ സ്ഥാപനമായ ടിപിജിയുടെ രണ്ടാമത്തെ നിക്ഷേപമാണിത്.