കൊച്ചി; ഉത്സവ കാലത്ത് പ്രീയപ്പെട്ടവർക്ക് നൽകാൻ സ്വർണം വാങ്ങുന്നവരാണോ? കൊവിഡ് പ്രതിസന്ധിയും ഉയർന്ന സ്വർണവിലയും നിങ്ങളെ പിന്നോട്ടടിപ്പിച്ചോ? എന്നാൽ സങ്കടം വേണ്ട ദാ ഗോൾഡ് വൗച്ചർ അവതരിപ്പിച്ചിരിക്കുകയാണ് ഇ-കൊമേഴ്സ് ഭീമൻമാരായ ആമസോൺ .500 രൂപ മുതൽ ഉള്ള വൗച്ചറുകളാണ് ആമസോൺ അവതരിപ്പിച്ചിരിക്കുന്നത്.
രണ്ടു തരത്തിൽ ഉള്ള വൗച്ചറുകൾ ആണ് ആമസോൺ അവതരിപ്പിച്ചിരിക്കുന്നത്. ഒന്ന് സ്വർണാഭരണങ്ങൾ, വജ്രാഭരണങ്ങൾ എന്നിവ വാങ്ങുമ്പോഴും മറ്റൊന്ന് സ്വര്ണ നാണയങ്ങൾ, ബാറുകൾ എന്നിവ വാങ്ങുമ്പോഴും ഉപയോഗിക്കാം. നിർദ്ദിഷ്ട ബാങ്കുകൾ വഴി പണമടയ്ക്കുകയാണെങ്കിൽ ഉപഭോക്താക്കൾക്ക് ഈ വൗച്ചറുകളിൽ പിന്നേയും കിഴിവ് ലഭിക്കും. ഈ ഗിഫ്റ്റ് വൗച്ചറുകൾ മറ്റ് ഗിഫ്റ്റ് കാർഡുകൾ പോലെ ഈമെയിൽ വഴിയോ നേരിട്ടോ കൈമറാം.
പ്രമുഖ ജ്വല്ലറി ബ്രാൻഡുകളായ ജോയ് ലുക്കാസ്, തനിഷ്ക്, കല്യാൺ ജ്വല്ലേഴ്സ്, പിസി ജ്വല്ലേഴ്സ്, മലബാർ ഗോൾഡ് ആൻഡ് ഡയമണ്ട് എന്നിവയുമായി ആമസോണിന് പങ്കാളിത്തം ഉള്ളതിനാൽ ഇവിടെയെല്ലാം വൗച്ചർ നൽകാം. ഈ ഇ-ഗോൾഡ് വൗച്ചറുകൾ വാങ്ങിയ തീയതി മുതൽ 6-12 മാസം വരെ സാധുവായിരിക്കും.കൂടാതെ രാജ്യമെമ്പാടുമുള്ള മേൽപ്പറഞ്ഞ ബ്രാൻഡുകളുടെ സ്റ്റോറുകളിൽ റിഡീം ചെയ്യാനും കഴിയും.വൗച്ചറിലെ തുക ഭാഗികമായി പ്രയോജനപ്പെടുത്താനും ചില ജ്വല്ലറികൾ അവസരം നൽകുന്നുണ്ട്.
ഡാല്മിയ സിമന്റ് - പേടിഎം സഹകരണം, ഡീലര്മാര്ക്കായി ഡിജിറ്റല് പേയ്മെന്റ് സംവിധാനം തയ്യാർ
സര്ക്കാരുമായി സഹകരിച്ച് 95 കോടിയുടെ വൈദ്യ ഉപകരണങ്ങള് ലഭ്യമാക്കാന് ഗോദ്റെജ് അപ്ലയന്സസ്