സ്വർണം പണയം വെക്കൽ ഇനി ഈസി? ആർ ബി ഐ നയം നിങ്ങൾക്ക് എങ്ങനെ ഗുണകരമാകും? അറിഞ്ഞേ പറ്റൂ

റിസർവ് ബാങ്ക് ഓഫ് ഇന്ത്യ പലിശ നിരക്ക് കുറച്ചതിനെത്തുടർന്ന് സ്വർണ്ണ വായ്പാ നടപടിക്രമങ്ങൾ ഇനി എളുപ്പമാകുമോ? എന്ന ചോദ്യം പലയിടത്തു നിന്നും ഇപ്പോൾ ഉയർന്ന് കേൾക്കുന്നുണ്ട്.

സ്വർണ്ണാഭരണങ്ങൾ ഈടായി നൽകി വായ്പയെടുക്കുന്നതിനുള്ള നടപടിക്രമങ്ങൾ ലളിതമാക്കുന്നതിന് സ്വർണ്ണ വായ്പകളുമായി ബന്ധപ്പെട്ട് സമഗ്രമായ നിയന്ത്രണങ്ങളും, സൂക്ഷ്മമായ മാനദണ്ഡങ്ങളും പുറപ്പെടുവിക്കാൻ റിസർവ് ബാങ്ക് ഓഫ് ഇന്ത്യ പദ്ധതിയിടുകയാണെന്ന് ആർ ബി ഐ ഗവർണർ സഞ്ജയ് മൽ ഹോത്ര ബുധനാഴ്ച പറഞ്ഞതിനെ തുടർന്നാണ് ഈ സംശയങ്ങളും സാധാരണക്കാരിൽ ഉടലെടുത്തത്.

ഓഹരി വിപണിയിലേക്ക് വരുമ്പോൾ, ആർ ബി ഐയുടെ പണനയ പ്രഖ്യാപനം മണപ്പുറം, മുത്തൂറ്റ് ഫിനാൻസ് തുടങ്ങിയ മുൻനിര സ്വർണ്ണ വായ്പാ എൻ‌ബി‌എഫ്‌സികളുടെ ഓഹരി വിലയിൽ വലിയ ഇടിവുണ്ടാക്കിയിട്ടുണ്ട്.

ഇന്ന് നടന്ന ആർ ബി ഐ മോണിറ്ററി പോളിസി കമ്മിറ്റി യോഗത്തിന്റെ തീരുമാനങ്ങൾ പ്രഖ്യാപിക്കുന്നതിനിടെ, ഗവർണർ സഞ്ജയ് മൽഹോത്ര ബാങ്ക് വായ്പകളുമായി ബന്ധപ്പെട്ട വിവിധ കാര്യങ്ങളെക്കുറിച്ച് സംസാരിച്ചു. അതിലൊന്നായിരുന്നു സ്വർണ്ണം ഈടായി നൽകിയുള്ള വായ്പയെക്കുറിച്ചുള്ള പരാമർശം.

സുപ്രധാന മാറ്റം

ആർ ബി ഐ എം പി സി, ബുധനാഴ്ച റിപ്പോ നിരക്ക് 25 ബേസിസ് പോയിന്റ് കുറയ്ക്കുകയും പോളിസി നിലപാട് 6% ആയി മാറ്റുകയും ചെയ്തു. കൂടാതെ, ലിക്വിഡിറ്റി അഡ്ജസ്റ്റ്‌മെന്റ് ഫെസിലിറ്റി പ്രകാരമുള്ള സ്റ്റാൻഡിംഗ് ഡെപ്പോസിറ്റ് ഫെസിലിറ്റി നിരക്ക് 5.75% ആയും, മാർജിനൽ സ്റ്റാൻഡിംഗ് ഫെസിലിറ്റി നിരക്കും ബാങ്ക് നിരക്കും 6.25% ആയും കുറച്ചിട്ടുണ്ട്.

ഈ തീരുമാനം വളർച്ചയെ പിന്തുണച്ച് ഉപഭോക്തൃ വില സൂചിക പണപ്പെരുപ്പം 4% എന്ന ഇടക്കാല ലക്ഷ്യത്തിലെത്താനുള്ള ആർ ബി ഐയുടെ ലക്ഷ്യവുമായി യോജിക്കുന്നതാണ്.

സ്വർണ പണയ വായ്പ

സ്വർണ്ണാഭരണങ്ങളും സ്വർണ്ണ വസ്തുക്കളും ഈടായി നൽകി എടുക്കുന്ന വായ്പകളാണ് സാധാരണയായി സ്വർണ്ണ വായ്പകൾ എന്നറിയപ്പെടുന്നത്. ഇത് ബാങ്കുകളും എൻ‌ബി‌എഫ്‌സികളും പോലുള്ള അംഗീകൃത സ്ഥാപനങ്ങൾ ഉപഭോഗത്തിനും വരുമാനം നേടുന്നതിനും നൽകുന്നവയാണ്. വിവിധ തരത്തിലുള്ള അംഗീകൃത സ്ഥാപനങ്ങളുടെ വ്യത്യസ്ത അപകടസാധ്യത ശേഷി കണക്കിലെടുത്ത്, ഈ വായ്പകൾക്കായി സൂക്ഷ്മമായ മാനദണ്ഡങ്ങളെയും പെരുമാറ്റവുമായി ബന്ധപ്പെട്ട കാര്യങ്ങളെയും കുറിച്ച് സമഗ്രമായ നിയന്ത്രണങ്ങൾ ഞങ്ങൾ പുറപ്പെടുവിക്കുന്നതാണ് എന്നും ആർ ബി ഐ യോഗത്തിൽ വ്യക്തമാക്കി.

ഗുഡ് റിട്ടേൺസ് പ്രവചനം ഫലിച്ചു

30-ൽ അധികം സാമ്പത്തിക വിദഗ്ധരുടെ അഭിപ്രായങ്ങൾ അടിസ്ഥാനമാക്കിയുള്ള ഗുഡ്‌റിട്ടേൺസ് ആർ ബി ഐ എം പി സി പോൾ നിലവിലെ പ്രഖ്യാപനത്തിന് സമാനമായിരുന്നു. ആർ ബി ഐ എം പി സി യോഗത്തിൽ 25 ബേസിസ് പോയിന്റ് നിരക്ക് കുറയ്ക്കുമെന്ന് ഗുഡ്‌റിട്ടേൺസ് പോൾ സൂചിപ്പിച്ചിരുന്നു.

സ്വർണ്ണ വായ്പാ നിയന്ത്രണങ്ങളെക്കുറിച്ച് ഗവർണർ എന്താണ് പറഞ്ഞത്?

സ്വർണ്ണ വായ്പകൾ എളുപ്പത്തിലും ലളിതമായും ലഭ്യമാക്കുന്നതിന് സമഗ്രമായ മാർഗ്ഗനിർദ്ദേശം ആവശ്യമാണെന്ന് ഗവർണർ സഞ്ജയ് മലഹോത്ര ഇന്ന് നടത്തിയ പ്രസംഗത്തിൽ ഊന്നിപ്പറഞ്ഞു.

"സ്വർണ്ണാഭരണങ്ങളും സ്വർണ്ണ വസ്തുക്കളും ഈടായി നൽകി എടുക്കുന്ന വായ്പകൾ, സാധാരണയായി സ്വർണ്ണ വായ്പകൾ എന്നറിയപ്പെടുന്നു. ഇത് ബാങ്കുകളും എൻ‌ബി‌എഫ്‌സികളും പോലുള്ള അംഗീകൃത സ്ഥാപനങ്ങൾ ഉപഭോഗത്തിനും വരുമാനം നേടുന്നതിനും നൽകുന്നു," എന്ന് സഞ്ജയ് മലഹോത്ര പറഞ്ഞു.

ഇന്ത്യയിലെ സ്വർണ്ണ വായ്പകളിൽ എൻ‌ബി‌എഫ്‌സികളുടെ പങ്കിനെക്കുറിച്ചും അദ്ദേഹം എടുത്തുപറഞ്ഞു. സ്വർണ്ണ വായ്പയെക്കുറിച്ച് സമഗ്രമായ മാർഗ്ഗനിർദ്ദേശം ആവശ്യമാണെന്നും അദ്ദേഹം ഊന്നിപ്പറഞ്ഞു. വായ്പയെടുക്കുന്നവരും നൽകുന്നവരും നടത്തുന്ന തെറ്റായ രീതികൾ തടയാൻ സമഗ്രമായ മാർഗ്ഗനിർദ്ദേശം സഹായിക്കുമെന്നും അദ്ദേഹം വ്യക്തമാക്കി.

"സാധ്യമായത്രത്തോളം വിവിധ തരത്തിലുള്ള അംഗീകൃത സ്ഥാപനങ്ങളുടെ മാർഗ്ഗനിർദ്ദേശങ്ങൾ ഏകീകരിക്കുന്നതിന്, അവരുടെ വ്യത്യസ്ത അപകടസാധ്യത ശേഷി കണക്കിലെടുത്ത്, ഈ വായ്പകൾക്കായി സൂക്ഷ്മമായ മാനദണ്ഡങ്ങളെയും പെരുമാറ്റവുമായി ബന്ധപ്പെട്ട കാര്യങ്ങളെയും കുറിച്ച് സമഗ്രമായ നിയന്ത്രണങ്ങൾ ഞങ്ങൾ പുറപ്പെടുവിക്കുന്നതാണ്," മൽഹോത്ര പറഞ്ഞു.

ഓഹരി വിപണിയിലെ ഇടിവ്

ആർ ബി ഐ യുടെ പണനയ പ്രഖ്യാപനത്തിന് ശേഷം സ്വർണ്ണ വായ്പാ കമ്പനികളുടെ ഓഹരികൾ ഇടിഞ്ഞിട്ടുണ്ട്. വായ്പാ നിയന്ത്രണങ്ങളെക്കുറിച്ചുള്ള ഗവർണർ ശക്തികാന്ത ദാസിന്റെ പ്രഖ്യാപനത്തെത്തുടർന്ന് മണപ്പുറം, മുത്തൂറ്റ് ഫിനാൻസ് തുടങ്ങിയ മുൻനിര സ്വർണ്ണ വായ്പാ സ്ഥാപനങ്ങളുടെ ഓഹരികൾ ബുധനാഴ്ച ഇടിഞ്ഞു.

ബുധനാഴ്ചയിലെ വ്യാപാരത്തിനിടെ മണപ്പുറം ഫിനാൻസിന്റെ ഓഹരികൾ ബിഎസ്ഇയിൽ ഏകദേശം 3% വരെ ഇടിഞ്ഞു. മുത്തൂറ്റ് ഫിനാൻസിന്റെ ഓഹരികൾ ബിഎസ്ഇയിൽ 10% വരെ താഴ്ന്ന് 2064.65 രൂപയിലെത്തി.

സ്വർണ്ണ വായ്പകൾ ഇനി ആർ ബി ഐ നിരീക്ഷണത്തിൽ?

സ്വർണ്ണ വായ്പാ മാർഗ്ഗനിർദ്ദേശങ്ങളെക്കുറിച്ചുള്ള ഗവർണർ സഞ്ജയ് മലഹോത്രയുടെ പ്രഖ്യാപനത്തിന് മുൻപ് തന്നെ, സ്വർണ്ണ വായ്പകൾക്ക് കൂടുതൽ കർശനമായ മാർഗ്ഗനിർദ്ദേശങ്ങൾ ഏർപ്പെടുത്താൻ കേന്ദ്ര ബാങ്ക് പദ്ധതിയിടുന്നുവെന്ന് വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തിരുന്നു.

സ്വർണ്ണ വായ്പാ ദാതാക്കൾക്കുള്ള കൂടുതൽ കർശനമായ അണ്ടർറൈറ്റിംഗ് നടപടിക്രമങ്ങളെക്കുറിച്ച് ആർ ബി ഐ ആലോചിക്കുന്നുണ്ടെന്നും, കൂടാതെ, വായ്പയെടുത്ത പണം എങ്ങനെ ഉപയോഗിക്കുന്നുവെന്ന് അവർ സൂക്ഷ്മമായി നിരീക്ഷിക്കുമെന്നും റിപ്പോർട്ടിൽ റോയിട്ടേഴ്‌സ് വ്യക്തമാക്കിയിരുന്നു. സ്വർണ്ണ വായ്പാ വിഭാഗത്തിന്റെ ദ്രുതഗതിയിലുള്ള വളർച്ച തടയുന്നതിനും സ്വർണ്ണ വായ്പകളുമായി ബന്ധപ്പെട്ട തെറ്റായ രീതികൾക്ക് താൽക്കാലിക വിരാമമിടുന്നതിനും ഈ നീക്കം സഹായിക്കുമെന്ന് റോയിട്ടേഴ്സ് വ്യവസായ വൃത്തങ്ങളെ ഉദ്ധരിച്ച് മാസങ്ങൾക്കു മുൻപ് റിപ്പോർട്ട് ചെയ്തിരുന്നു.

എൻ‌ബി‌എഫ്‌സികളും ബാങ്കുകളും കൂടുതൽ ആഴത്തിലുള്ള പശ്ചാത്തല പരിശോധനകൾ നടത്തണം, റിപ്പോർട്ട് അനുസരിച്ച്, വായ്പയെടുക്കുന്നവരുടെ കൂടുതൽ ആഴത്തിലുള്ള പശ്ചാത്തല പരിശോധനകൾ നടത്താനും, ഈടായി നൽകുന്ന സ്വർണ്ണത്തിന്റെ ഉടമസ്ഥാവകാശം പരിശോധിക്കാനും ലെൻഡർമാരെ പ്രോത്സാഹിപ്പിക്കുന്ന സമഗ്രമായ മാർഗ്ഗനിർദ്ദേശങ്ങൾ ആർ ബി ഐ പുറപ്പെടുവിക്കുമെന്നും റിപ്പോർട്ടിൽ റോയിട്ടേഴ്‌സ് കൂട്ടിച്ചേർത്തിരുന്നു.

പണയം ഇനി ഈസി, പക്ഷെ പണി വരുമോ?

പണയവ്യവസ്ഥകൾ ഇനി കൂടുതൽ എളുപ്പമാകും എന്നതോടൊപ്പം തന്നെ, പണയം എടുക്കുന്നയാൾ നിരീക്ഷണത്തിൽ ആകുമോ എന്ന ഒരാശങ്കയും ഈ റിപ്പോർട്ടിൽ പറയുന്നുണ്ട്. അതുകൊണ്ടുതന്നെ സ്വർണ്ണ പണയ വായ്പകൾ വഴി നടത്തപ്പെടുന്ന തെറ്റായ ഇടപാടുകൾ പരിഹരിക്കാൻ ഇത് കാരണമാകും. ഒരാൾ പണയം വെച്ച പണംകൊണ്ട് എന്താണ് ചെയ്യുന്നതെന്ന് ആർബിഐ നിരീക്ഷിക്കാൻ തുടങ്ങിയാൽ, അത് കുറേക്കൂടി സമൂഹത്തിൽ അരങ്ങേറുന്ന പ്രശ്നങ്ങളെ പരിഹരിക്കാൻ സാധിക്കുമെന്ന് തന്നെയാണ് വിദഗ്ധർ വിലയിരുത്തുന്നത്.

പല സ്വർണപ്പണയ വായ്പകൾ നൽകുന്ന സ്ഥാപനങ്ങളും വ്യത്യസ്ത രീതിയിലുള്ള മാനദണ്ഡങ്ങൾ ആണ് സൂക്ഷിക്കുന്നത്. അവയെല്ലാം ഏകീകരിച്ച് ഒരൊറ്റച്ചട്ടത്തിലേക്ക് കൊണ്ടു വരുമ്പോൾ, അത് വലിയ രീതിയിൽ തന്നെ തെറ്റായ വായ്പകളെ തടയും. ക്യാമറ വെക്കുമ്പോൾ, കളവുകൾ കുറയുന്നതുപോലെ, ചപ്പു ചവറുകൾ റോഡിൽ എറിയുന്നത് ഇല്ലാതാകുന്നത് പോലെ, ആർബിഐയുടെ ഈ നയവും വളരെയധികം ഗുണം ചെയ്യും.

എന്നാൽ വായ്പകൾ നൽകുന്ന സ്ഥാപനങ്ങളെ സംബന്ധിച്ചിടത്തോളം, ആർബിഐയുടെ ഈ നിരീക്ഷണം അവർക്ക് വലിയ തലവേദന സൃഷ്ടിക്കാൻ സാധ്യതയുണ്ട്. എല്ലാ ഇടപാടുകളും റിപ്പോർട്ട് ചെയ്യേണ്ടിവരും എന്നതുകൊണ്ട് തന്നെ, സുതാര്യമായ നടത്തിപ്പിന് വിധേയമാകാത്ത എല്ലാ സ്ഥാപനങ്ങളും പേടിക്കേണ്ടതുണ്ട്.