Just In
-
-
-
-
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കേരളത്തിൽ സ്വർണ വില ഇന്ന് കുത്തനെ ഇടിഞ്ഞു. പവന് 480 രൂപ കുറഞ്ഞ് 36720 രൂപയ്ക്കാണ് ഇന്ന് വ്യാപാരം വ്യാപാരം പുരോഗമിക്കുന്നത്. ഗ്രാമിന് 4590 രൂപയാണ് ഇന്നത്തെ വില. കഴിഞ്ഞ രണ്ടര മാസത്തിനിടയിലെ ഏറ്റവും കുറഞ്ഞ വിലയാണ് ഇന്ന് കേരളത്തിൽ സ്വർണത്തിന് രേഖപ്പെടുത്തിയിരിക്കുന്നത്. സ്വർണ വില കുറഞ്ഞതോടെ വിൽപ്പനയിൽ വർദ്ധനവുണ്ടാകുമെന്ന പ്രതീക്ഷയിലാണ് വ്യാപാരികൾ.
ഇന്ത്യൻ സ്വർണ വിപണി
ഇന്ത്യയിൽ സ്വർണ്ണത്തിന്റെയും വെള്ളിയുടെയും വില ഇന്നും ഇടിഞ്ഞു. തുട‍ർച്ചയായ നാലാം ദിവസമാണ് എംസിഎക്സിൽ സ്വർണ വില ഇടിയുന്നത്. എംസിഎക്സിൽ ഒക്ടോബർ സ്വർണ്ണ ഫ്യൂച്ചറുകൾ 10 ഗ്രാമിന് 0.45 ശതമാനം ഇടിഞ്ഞ് 49,293 രൂപയിലെത്തി. വെള്ളി ഫ്യൂച്ചറുകൾക്ക് 3 ശതമാനം ഇടിഞ്ഞ് കിലോയ്ക്ക് 56,710 രൂപയായി. നാല് ദിവസത്തിനുള്ളിൽ സ്വർണ വില ഇതുവരെ 10 ഗ്രാമിന് 2,500 രൂപ കുറഞ്ഞു. കഴിഞ്ഞ സെഷനിൽ സ്വർണം 1.9 ശതമാനം അഥവാ 950 രൂപ ഇടിഞ്ഞപ്പോൾ വെള്ളി കിലോയ്ക്ക് 4.5 ശതമാനം അഥവാ 2,700 രൂപ ഇടിഞ്ഞിരുന്നു.
ആഗോള വിപണി
ആഗോള വിപണികളിലും ഇന്ന് സ്വർണവില കുറഞ്ഞു. സ്‌പോട്ട് സ്വർണം 0.3 ശതമാനം ഇടിഞ്ഞ് 1,858.08 ഡോളറിലെത്തി. യൂറോപ്പിലെ സാമ്പത്തിക മാന്ദ്യത്തിന്റെ സൂചനകൾക്കിടയിലാണ് സ്വർണ വിലയിലെ ഇടിവ്. മറ്റ് വിലയേറിയ ലോഹങ്ങളിൽ വെള്ളി വില 2.8 ശതമാനം ഇടിഞ്ഞ് രണ്ട് മാസത്തെ ഏറ്റവും താഴ്ന്ന നിലയിൽ ഔൺസിന് 22.23 ഡോളറിലെത്തി. ആഗോള ഉത്തേജനം, നെഗറ്റീവ് റിയൽ റേറ്റുകൾ, ദുർബലമായ ഡോളർ എന്നിവ ഓഗസ്റ്റ് മാസത്തിന്റെ തുടക്കത്തിൽ സ്വർണത്തെ ഔൺസിന് 2,075 ഡോളറിനു മുകളിലേക്ക് ഉയർത്തിയിരുന്നു.
ഡോളർ ഉയ‍‍ർന്നു
വർദ്ധിച്ചുവരുന്ന വൈറസ് കേസുകൾ, സമ്മിശ്ര സാമ്പത്തിക ഡാറ്റ, ബ്രെക്സിറ്റ് അനിശ്ചിതത്വം എന്നിവയ്ക്കിടയിൽ യൂറോപ്യൻ സമ്പദ്‌വ്യവസ്ഥയുടെ ആരോഗ്യത്തെക്കുറിച്ചുള്ള വർദ്ധിച്ചുവരുന്ന ആശങ്കകൾക്കിടയിലാണ് യുഎസ് ഡോളർ ഉയർന്നത്. ഇത് സ്വർണത്തിന് തിരിച്ചടിയായിട്ടുണ്ട്.
സ്വർണ ഇടിഎഫ് നിക്ഷേപം
വില കുത്തനെ ഇടിഞ്ഞതിനെ തുടർന്ന് സ്വർണ്ണ ഇടിഎഫ് നിക്ഷേപകരിലും കുറവുണ്ടായിട്ടുണ്ട്. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച് ട്രേഡഡ് ഫണ്ടായ എസ്‌പി‌ഡി‌ആർ ഗോൾഡ് ട്രസ്റ്റിലെ ഓഹരികൾ ബുധനാഴ്ച 0.87 ശതമാനം ഇടിഞ്ഞ് 1,267.14 ടണ്ണായി.
ഈ ആഴ്ച്ചയിലെ വില
യുഎസ് ഡോളറിലെ വർദ്ധനവ് സ്വർണ്ണ വിലയിൽ സമ്മർദ്ദം ചെലുത്തിയിട്ടുണ്ടെങ്കിലും, കൊറോണ വൈറസ് വ്യാപനവും ആഗോള സാമ്പത്തിക ആശങ്കകളും സ്വർണ്ണത്തിന്റെ സുരക്ഷിത താവളം എന്ന നിലയിലുള്ള നിക്ഷേപവും വർദ്ധിപ്പിച്ചിട്ടുണ്ട്. ഈയാഴ്ചയിലെ സ്വർണത്തിന്റെ കുത്തനെയുള്ള ഇടിവ് വിപണി വികാരത്തെ സ്വാധീനിച്ചിട്ടുണ്ട്.
