മൂന്ന് ദിവസത്തെ ഉയർന്ന വിലയ്ക്ക് ശേഷം സ്വർണ വിലയിൽ ഇന്ന് ഇടിവ്

സംസ്ഥാനത്ത് സ്വർണ വിലയിൽ ഇന്ന് നേരിയ ഇടിവ്. പവന് 80 രൂപയും ​ഗ്രാമിന് 10 രൂപയുമാണ് ഇന്ന് കുറഞ്ഞിരിക്കുന്നത്. ഒരു പവന്റെ ഇന്നത്തെ വില 28720 രൂപയാണ്. ​ഗ്രാമിന് 3590 രൂപയാണ് നിരക്ക്. കേരളത്തിൽ വില കുറഞ്ഞെങ്കിലും എം‌സി‌എക്‌സിൽ ഇന്ന് സ്വർണ്ണ ഫ്യൂച്ചർ വില 10 ഗ്രാമിന് 0.22 ശതമാനം ഉയർന്ന് 38,396 രൂപയിലെത്തി. കഴിഞ്ഞ ദിവസം 263 രൂപ ഇടിഞ്ഞിരുന്നു.

എംസിഎക്‌സിലെ സിൽവർ ഫ്യൂച്ചർ വിലയും ഇന്ന് 0.5 ശതമാനം ഉയർന്ന് കിലോയ്ക്ക് 46,622 രൂപയായി. ആഗോള വിപണിയിൽ, യുഎസ്-ചൈന വ്യാപാര കരാർ ഈ മാസം ഒപ്പുവെക്കാമെന്ന ശുഭാപ്തിവിശ്വാസത്തിലാണ് സ്വർണ്ണ വില ഇടിഞ്ഞത്. യുഎസ് ഡോളർ നിരക്ക് കഴിഞ്ഞ മൂന്ന് മാസത്തെ ഏറ്റവും താഴ്ന്ന നിലയിലെത്തിയിരുന്നു. യുഎസ് ഡോളറിന്റെ ഇടിവ് മറ്റ് രാജ്യങ്ങളിൽ സ്വർണ്ണ വില കുറയാൻ കാരണമാണ്.

മൂന്ന് ദിവസത്തെ ഉയർന്ന വിലയ്ക്ക് ശേഷം സ്വർണ വിലയിൽ ഇന്ന് ഇടിവ്

ഇന്ത്യയിൽ സ്വർണ്ണ വില സെപ്റ്റംബറിൽ10 ഗ്രാമിന് 40,000 രൂപ വരെ ഉയർന്നിരുന്നു. ഈ വർഷം ഇതുവരെ സ്വർണ വിലയിൽ 20 ശതമാനം വരെ വർദ്ധനവാണ് രേഖപ്പെടുത്തിയത്. ഇത് ആവശ്യക്കാരുടെ എണ്ണം കുറയ്ക്കാനും കാരണമായി. ആഭ്യന്തര വിലയേക്കാൾ ഡീലർമാർ കഴിഞ്ഞയാഴ്ച ഔൺസിന് 6 ഡോളർ വരെ കിഴിവും സ്വർണത്തിന് വാഗ്ദാനം ചെയ്തതായി റോയിട്ടേഴ്‌സ് റിപ്പോർട്ട് ചെയ്തിരുന്നു.

ഇന്ത്യയിലെ സ്വർണ്ണ വിലയിൽ 12.5% ​​ഇറക്കുമതി നികുതിയും 3% ജിഎസ്ടിയും ഉൾപ്പെടുന്നു. 2019 അവസാനത്തോടെ സ്വര്‍ണവില കുത്തനെ ഉയരാൻ സാധ്യതയുണ്ടെന്നാണ് വിദഗ്ധരുടെ റിപ്പോർട്ട്. 

malayalam.goodreturns.in