ദീപാവലിക്ക് മുന്നേ സ്വർണത്തിന് 'തീവില'! പവന് 1 ലക്ഷം രൂപയിലേക്ക് കുതിക്കുന്നു; ഈ മുന്നേറ്റം എങ്ങോട്ടാണ്?

ദീപാവലിക്കു മുന്നോടിയായി ഇന്ത്യയിൽ സ്വർണ വില കുതിച്ചുയരുന്നു. നേരത്തെ നവരാത്രി ആഘോഷങ്ങൾക്കിടയിൽ സ്വർണ വില ശക്തമായി കുതിച്ചിരുന്നു. ദീപാവലിക്കും സ്വർണത്തിൻ്റെ ആവശ്യകത വർദ്ധിക്കുന്നതിനാൽ വിലക്കുതിപ്പ് ട്രെൻഡ് തുടരാനാണ് സാധ്യത. ഇന്നും സ്വർണ വില ഉയർന്നതോടെ 24K സ്വർണം പവന് 1 ലക്ഷം രൂപക്ക് അരികിലെത്തി.

രാജ്യാന്തര വിപണിയിലെ ചലനങ്ങളെല്ലാം ഇന്ത്യയിലെ സ്വർണ വിലയിലും പ്രതിഫലിക്കുന്നുണ്ട്. ഇന്ന് രാജ്യാന്തര വിലയിൽ നേരിയ ഇടിവുണ്ടായെങ്കിലും ആഭ്യന്തര വിപണിയിൽ ശക്തമായി മുന്നേറ്റം തുടരുന്നുണ്ട്.

സ്വർണം വാങ്ങാൻ കാത്തിരിക്കുന്ന സാധാരണക്കാരായ ഉപയോ​ക്താക്കൾക്ക് നിലവിലെ വിലക്കയറ്റം വെല്ലുവിള നിറക്കും. യുഎസിന്റെ സാമ്പത്തിക രം​ഗത്ത് തിരിച്ചടികൾ സംഭവിക്കുന്നതാണ് സ്വർണ വില ഉയരാൻ വഴിയൊരുക്കുന്നത്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 22 രൂപ ഉയർന്ന് 12,415 രൂപയിലെത്തി. ഒരു പവൻ്റെ വില 176 രൂപ ഉയർന്ന് 99,320 രൂപയിലെത്തി. 10 ഗ്രാമിന്റെ വില 220 രൂപ ഉയർന്ന് 1,24,150 രൂപയിലെത്തി. 100 ഗ്രാം സ്വർണത്തിന്റെ വില 2,200 രൂപ ഉയർന്ന് 12,41,500 രൂപയായി.

22 കാരറ്റ് സ്വർണം ഗ്രാമിന് 20 രൂപ ഉയർന്ന് 11,380 രൂപയിലെത്തി. ഒരു പവൻ്റെ വില 160 രൂപ ഉയർന്ന് 91,040 രൂപയിലെത്തി. 10 ഗ്രാമിന്റെ വില 200 രൂപ ഉയർന്ന് 1,13,800 രൂപയിലെത്തി. 100 ഗ്രാം സ്വർണത്തിന്റെ വില 2,000 രൂപ ഉയർന്ന് 11,38,000 രൂപയായി.

18 കാരറ്റ് സ്വർണം ഗ്രാമിന് 16 രൂപ ഉയർന്ന് 9,311 രൂപയിലെത്തി. ഒരു പവൻ്റെ വില 128 രൂപ ഉയർന്ന് 74,488 രൂപയിലെത്തി. 10 ഗ്രാമിന്റെ വില 160 രൂപ ഉയർന്ന് 93,110 രൂപയിലെത്തി. 100 ഗ്രാം സ്വർണത്തിന്റെ വില 1,600 രൂപ ഉയർന്ന് 9,31,100 രൂപയായി.

വെള്ളി വില കുതിക്കുന്നു

കഴിഞ്ഞ നാല് ദിവസമായി ഇന്ത്യൻ വിപണിയിൽ വെള്ളി വില കുതിച്ചുയരുന്നു. ഏകദേശം 6,000 രൂപയുടെ വർദ്ധനവാണ് ഈ ദിവസങ്ങളിൽ ഉണ്ടായിരിക്കുന്നത്. ഇന്നത്തെ വില നിരക്ക് അനുസരിച്ച് ഒരു കിലോ വെള്ളിക്ക് 1,000 രൂപ വർദ്ധിച്ച് 1,61,000 രൂപയായി. 100 ഗ്രാം വെള്ളിയുടെ വില 100 രൂപ വർദ്ധിച്ച് 16,100 രൂപയിലും എത്തി. ആഗോള വിപണിയിലെ മാറ്റങ്ങളാണ് ഈ വില വർദ്ധനവിന് പിന്നിലെ പ്രധാന കാരണം.

എംസിഎക്സ് സ്വർണം താഴ്ന്ന നിലയിൽ

ഇന്ന് എംസിഎക്‌സിൽ സ്വർണ വിലകൾ താഴ്ന്ന നിലയിലെത്തി. ഒക്ടോബർ 3-ന് കാലാവധി പൂർത്തിയാകേണ്ട സ്വർണ ഫ്യൂച്ചേഴ്‌സ് വില 0.08% കുറഞ്ഞ് 1,23,105 രൂപയിലാണ് വ്യാപാരം നടക്കുന്നത്. സ്വർണത്തിലെ ഈ ഇടിവ് നിക്ഷേപകരെ ആശങ്കപ്പെടുത്തുന്നുണ്ട്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.