Gold Rate Today: ഇന്ത്യയിൽ സ്വർണ വില കത്തുന്നു! രണ്ട് ദിവസം കൊണ്ട് 100 ഗ്രാം സ്വർണത്തിന് 39,000 രൂപ വർദ്ധിച്ചു

ഇന്ത്യൻ വിപണിയിൽ സ്വർണത്തിന് പുതു ശ്വാസം. രണ്ടാം ദിനത്തിലും തുടർച്ചയായ മൂന്നാം തവണ സ്വർണ വില കുതിക്കുന്നു. ഇന്ന് ശക്തമായ കുതിപ്പിലൂടെ 24 കാരറ്റ് സ്വർണം പവൻ വീണ്ടും 1 ലക്ഷം കടന്നിരിക്കുന്നു. വിപണിയിൽ നേട്ടമാണെങ്കിലും സാധാരണക്കാരായ ആഭരണപ്രേമികൾക്ക് ഇത് നിരാശയുണ്ടാക്കുന്നു. യുഎസിലെ രാഷ്ട്രീയ പ്രതിസന്ധികളും, ഫെഡറൽ റിസർവ് തുടർച്ചയായ മൂന്നാം തവണയും പലിശ നിരക്ക് കുറക്കുമെന്ന സൂചനയുമാണ് സ്വർണത്തിൻ്റെ ഈ കുതിപ്പിന് കരുത്തായത്.

മൂന്നാഴ്ചക്ക് ശേഷമാണ് സ്വർണ വിലയിൽ ശക്തമായ കുതിപ്പ് കാണാനാവുന്നത്. സ്വർണം മാത്രമല്ല വെള്ളി വിലയിലും മുന്നേറ്റം കാണാം. ഒരുവേള പ്രതീക്ഷകൾക്കൊത്ത് മൂന്നാം തവണയും യുഎസിൻ്റെ ഫെഡറൽ റിസർവ് പലിശ കുറച്ചാൽ പുതിയ റെക്കോർഡ് കുതിപ്പിലേക്ക് സ്വർണം ഉയർന്നേക്കും. പ്രതിസന്ധി ഘട്ടങ്ങളിൽ സ്വർണത്തിൽ നിക്ഷേപിക്കാനാണ് ആളുകൾ ആ​ഗ്രഹിക്കുന്നത്.

വർദ്ധിച്ചുവരുന്ന തൊഴിലില്ലായ്മയും മന്ദഗതിയിലുള്ള പണപ്പെരുപ്പവും പരിഹരിക്കുന്നതിന് ഫെഡ് ഗവർണർ സ്റ്റീഫൻ മിറാൻ 50 ബേസിസ് പോയിന്റ് നിരക്ക് കുറയ്ക്കണമെന്നാണ് ആവശ്യം.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 246 രൂപ വർദ്ധിച്ച് 12,628 രൂപയിലെത്തി. ഒരു പവൻ്റെ വില 1,968 രൂപ വർദ്ധിച്ച് 1,01,024 രൂപയിലെത്തി. 10 ഗ്രാമിന്റെ വില 2,460 രൂപ വർദ്ധിച്ച് 1,26,280 രൂപയിലെത്തി. 100 ഗ്രാം സ്വർണത്തിന്റെ വില 24,600 രൂപ വർദ്ധിച്ച് 12,62,800 രൂപയായി.

22 കാരറ്റ് സ്വർണം ഗ്രാമിന് 225 രൂപ വർദ്ധിച്ച് 11,575 രൂപയിലെത്തി. ഒരു പവൻ്റെ വില 1,800 രൂപ വർദ്ധിച്ച് 92,600 രൂപയിലെത്തി. 10 ഗ്രാമിന്റെ വില 2,250 രൂപ വർദ്ധിച്ച് 1,15,750 രൂപയിലെത്തി. 100 ഗ്രാം സ്വർണത്തിന്റെ വില 22,500 രൂപ വർദ്ധിച്ച് 11,57,500 രൂപയായി.

18 കാരറ്റ് സ്വർണം ഗ്രാമിന് 184 രൂപ വർദ്ധിച്ച് 9,471 രൂപയിലെത്തി. ഒരു പവൻ്റെ വില 1,472 രൂപ വർദ്ധിച്ച് 75,768 രൂപയിലെത്തി. 10 ഗ്രാമിന്റെ വില 1,840 രൂപ വർദ്ധിച്ച് 94,710 രൂപയിലെത്തി. 100 ഗ്രാം സ്വർണത്തിന്റെ വില 18,400 രൂപ വർദ്ധിച്ച് 9,47,100 രൂപയായി.

എംസിക്സ് സ്വർണം, വെള്ളി

ഇന്നത്തെ വ്യാപാരത്തിൽ മൾട്ടി കമ്മോഡിറ്റി എക്സ്ചേഞ്ചിൽ സ്വർണ വിലയിൽ വർദ്ധനവ് രേഖപ്പെടുത്തി. വ്യാപാരം ആരംഭിച്ചയുടൻ, സ്വർണ വില 10 ഗ്രാമിന് 1,25,839 രൂപ എന്ന ഉയർന്ന നിലയിലെത്തി. ഇപ്പോൾ സ്വർണത്തിന്റെ വില 811 രൂപ അഥവാ 0.65% വർദ്ധനവോടെ 1,24,781 രൂപയിൽ എത്തി. സ്വർണം പോലെ വെള്ളി വിലയിലും ശക്തമായ മുന്നേറ്റം ദൃശ്യമാണ്. എംസിഎക്‌സിൽ വെള്ളി വില കിലോഗ്രാമിന് 1,56,079 രൂപ എന്ന ഉയർന്ന നിരക്ക് കൈവരിച്ചു. നിലവിൽ, വെള്ളി വില കിലോഗ്രാമിന് 1,54,883 രൂപയിലാണ് വ്യാപാരം ചെയ്യുന്നത്.

വെള്ളി വില

ഇന്ത്യയിൽ വെള്ളി വിലയിൽ ഗണ്യമായ വർദ്ധനവ് രേഖപ്പെടുത്തി. ഏറ്റവും പുതിയ കണക്കുകൾ പ്രകാരം, ഒരു കിലോഗ്രാം വെള്ളിയുടെ വില 3,000 രൂപ ഉയർന്ന് 1,60,000 രൂപയിലെത്തി. 100 ഗ്രാം വെള്ളിയുടെ വിലയിൽ 300 രൂപ ഉയർന്ന് 16,000 രൂപയായി. 10 ഗ്രാം വെള്ളിക്ക് 30 രൂപ കൂടി 1,600 രൂപയായി, 8 ഗ്രാം വെള്ളിക്ക് 24 രൂപ വർദ്ധനവോടെ 1,280 രൂപയിലെത്തി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.