ദീപാവലിക്ക് ശേഷം സ്വർണത്തിന് 'തിളക്കമേറി'; വില വീണ്ടും ഉയർന്നു, റെക്കോർഡുകൾ ഉടൻ ഭേദിച്ചേക്കാം!

ഇന്ത്യയിലെ സ്വർണ വില ഇന്ന് ശക്തമായി കുതിക്കുന്നു. ദീപാവലി സമയത്ത് നേരിയ തോതിൽ വില ഇടിഞ്ഞെങ്കിലും ഇന്ന് വീണ്ടും ഉയർന്നിരിക്കുന്നു. ഒക്ടോബർ 17ന് രേഖപ്പെടുത്തിയ അതേ നിരക്കിൽ തന്നെയാണ് ഇന്നും സ്വർണ വില എത്തിയിരിക്കുന്നത്. സ്വർണ വിലയിലെ ഈ കുതിച്ചുകയറ്റം സാധാരണക്കാരെ ആശങ്കയിലാഴ്ത്തുന്നു.

ഇന്ത്യയിൽ ഇത് വിവാഹ സീസണാണ്. ഈ സമയത്ത് റെക്കോർഡുകൾ ഭേദിച്ച് സ്വർണ വില മുന്നേറിയാൽ സ്വർണം വാങ്ങാൻ ആളില്ലാതെ വന്നേക്കാം. അല്ലെങ്കിൽ കുറഞ്ഞ പരിശുദ്ധിയുള്ള ആഭരണങ്ങൾ വാങ്ങുന്നത് വർദ്ധിച്ചേക്കാം. ഇതെല്ലാം വിപണിയിൽ കോളിളക്കം സൃഷ്ടിക്കും.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 208 രൂപ ഉയർന്ന് 13,277 രൂപയിലെത്തി. ഒരു പവൻ്റെ വില 1,664 രൂപ ഉയർന്ന് 1,06,216 രൂപയിലെത്തി. 10 ഗ്രാമിന്റെ വില 2,080 രൂപ ഉയർന്ന് 1,32,770 രൂപയിലെത്തി. 100 ഗ്രാം സ്വർണത്തിന്റെ വില 20,800 രൂപ ഉയർന്ന് 13,27,700 രൂപയായി.

22 കാരറ്റ് സ്വർണം ഗ്രാമിന് 190 രൂപ ഉയർന്ന് 12,170 രൂപയിലെത്തി. ഒരു പവൻ്റെ വില 1,520 രൂപ ഉയർന്ന് 97,360 രൂപയിലെത്തി. 10 ഗ്രാമിന്റെ വില 1,900 രൂപ ഉയർന്ന് 1,21,700 രൂപയിലെത്തി. 100 ഗ്രാം സ്വർണത്തിന്റെ വില 19,000 രൂപ ഉയർന്ന് 12,17,000 രൂപയായി.

18 കാരറ്റ് സ്വർണം ഗ്രാമിന് 156 രൂപ ഉയർന്ന് 9,958 രൂപയിലെത്തി. ഒരു പവൻ്റെ വില 1,248 രൂപ ഉയർന്ന് 79,664 രൂപയിലെത്തി. 10 ഗ്രാമിന്റെ വില 1,560 രൂപ ഉയർന്ന് 99,580 രൂപയിലെത്തി. 100 ഗ്രാം സ്വർണത്തിന്റെ വില 15,600 രൂപ ഉയർന്ന് 9,95,800 രൂപയായി.

രാജ്യാന്തര വിപണി

രാജ്യാന്തര വിലയിൽ ഇന്ന് വമ്പൻ കുതിച്ചു കയറ്റം. സ്വർണവില ഔൺസിന് 4341 ഡോളറിലേക്ക് തിരിച്ചു കയറി. യുഎസ് ഡോളറും ബോണ്ടും തളരുന്നത് സ്വർണ വിലയെ സ്വാധീനിച്ചിട്ടുണ്ട്. ഇതാണ് സ്വർണ വിലയിൽ ഇന്ന് കുതിപ്പിന് കാരണമായത്. എന്നാൽ അപ്രതീക്ഷിതമായി വില ഇനിയും കുതിച്ചാൽ സ്വർണ നിക്ഷേപത്തിൽ നിന്നും ലാഭമെടുപ്പ് വർദ്ധിക്കും. അത് സത്യത്തിൽ സ്വർണ വിലയെ താഴേക്ക് വീഴ്ത്തും. അതോടെ ഡോളറിൻ്റെ മൂല്യം കത്തിക്കയറുകയും ചെയ്യും.

ഇന്നത്തെ വെള്ളി വില

വെള്ളി വിലയിൽ ഇന്ന് കാര്യമായ വിലക്കുറവുണ്ട്. കഴിഞ്ഞ കുറച്ച് ദിവസങ്ങളായി തുടരുന്ന വിലയിടിവ് നിക്ഷേപകർക്കും സാധാരണക്കാർക്കും ആശ്വാസം നൽകുന്നുണ്ട്. ഒരു കിലോ വെള്ളിക്ക് ഇന്ന് 2,000 രൂപയുടെ കുറവ് രേഖപ്പെടുത്തി, നിലവിലെ വില 1,70,000 രൂപയായി. 100 ഗ്രാം വെള്ളി വില 200 രൂപ കുറഞ്ഞ് 17,000 രൂപയായി. 10 ഗ്രാം വെള്ളി വിലയിൽ 20 രൂപ കുറഞ്ഞ് 1,700 രൂപയിലെത്തി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.