Just In
Don't Miss
-
ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം -
മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കേരളത്തിൽ സ്വർണ വില ഇന്ന് കുത്തനെ ഉയർന്നു. പവന് 240 രൂപ കൂടി 34000 രൂപയാണ് ഇന്നത്തെ വില. ഗ്രാമിന് 4250 രൂപയാണ് നിരക്ക്. ഇന്നലെ സ്വർണ വില പവന് 33760 രൂപയായിരുന്നു. മെയ് 8ന് സ്വർണ വില പവന് 34080 രൂപയായി ഉയർന്നിരുന്നു. ചരിത്രത്തിലെ തന്നെ ഏറ്റവും ഉയർന്ന വിലയായിരുന്നു ഇത്. ഈ മാസത്തെ ഏറ്റവും കുറഞ്ഞ വില പവന് 33400 രൂപയാണ്. മെയ് ഒന്നിനാണ് സ്വർണത്തിന് ഈ വില രേഖപ്പെടുത്തിയത്.
എംസിഎക്സിലെ വില
സമ്മിശ്ര ആഗോള സൂചനകൾക്കിടയിൽ ഇന്ത്യയിലെ സ്വർണ വില തുടർച്ചയായ നാലാം ദിവസവും കുറഞ്ഞു. എം‌സി‌എക്‌സിൽ ജൂൺ ഫ്യൂച്ചറുകൾ 10 ഗ്രാമിന് 0.23 ശതമാനം ഇടിഞ്ഞ് 45,520 രൂപയിലെത്തി. കഴിഞ്ഞ സെഷനിൽ 0.30 ശതമാനം ഇടിവ് രേഖപ്പെടുത്തിയിരുന്നു. എംസിഎക്സിലെ സിൽവർ ഫ്യൂച്ചറുകളും ഇന്ന് ഇടിഞ്ഞു. കിലോയ്ക്ക് 0.4 ശതമാനം ഇടിഞ്ഞ് 42,870 രൂപയായി. ആഭ്യന്തര സ്വർണ വിലയിൽ 3 ശതമാനം ജിഎസ്ടിയും 12.5 ശതമാനം ഇറക്കുമതി തീരുവയും ഉൾപ്പെടും.
ആഗോള വിപണി
കൊറോണ വൈറസ് ലോക്ക്ഡൌണുകൾ ബാധിച്ച സമ്പദ്‌വ്യവസ്ഥയെ സഹായിക്കുന്നതിന് കേന്ദ്ര ബാങ്കുകളിൽ നിന്ന് കൂടുതൽ ഉത്തേജനം ലഭിക്കുമെന്ന പ്രതീക്ഷയിൽ ആഗോള വിപണിയിൽ ഇന്ന് സ്വർണ്ണ വില ഉയർന്നു. സ്‌പോട്ട് സ്വർണ്ണ നിരക്ക് 0.3 ശതമാനം ഉയർന്ന് 1,701.44 ഡോളറിലെത്തി. പകർച്ചവ്യാധി ഉത്ഭവിച്ച ചൈനീസ് നഗരമായ വുഹാനിൽ ലോക്ക്ഡൌൺ നീക്കിയതിന് ശേഷവും പുതിയ കേസുകൾ റിപ്പോർട്ട് ചെയ്തതിനാൽ രണ്ടാമത്തെ തരംഗ അണുബാധയെക്കുറിച്ചുള്ള ആശങ്കകളും സ്വർണ വില ഉയരാൻ കാരണമായി.
സ്വർണ വില ഈ വർഷം
ഇന്ത്യ സ്വർണ്ണ ആവശ്യകതകളിൽ ഭൂരിഭാഗവും ഇറക്കുമതി ചെയ്യുന്ന രാജ്യമാണ്. ആഗോള സെൻട്രൽ ബാങ്കുകൾ പ്രഖ്യാപിച്ച സാമ്പത്തിക ഉത്തേജന പാക്കേജുകൾ ഈ വർഷം ഇതുവരെ സ്വർണ വില 12 ശതമാനത്തിലധികം ഉയരാൻ കാരണമായി. വ്യാപകമായ ഉത്തേജക നടപടികൾ സ്വർണ വിലയെ പിന്തുണയ്ക്കുന്ന പ്രധാന ഘടകമാണ്. കാരണം പണപ്പെരുപ്പത്തിനെതിരായ ഒരു മികച്ച സംരക്ഷണ കേന്ദ്രമായാണ് സ്വർണ നിക്ഷേപത്തെ കണക്കാക്കുന്നത്.
യുഎസ് ഓഹരികൾ
വൈറസ് ഇതുവരെ നിയന്ത്രണത്തിലായിട്ടില്ലെന്നും ഓഗസ്റ്റ് അവസാനമോ സെപ്റ്റംബർ ആദ്യമോ ചികിത്സയോ വാക്സിനോ കണ്ടെത്താനാകില്ലെന്നും നാഷണൽ ഇൻസ്റ്റിറ്റ്യൂട്ട് ഓഫ് അലർജി ആൻഡ് ഇൻഫെക്ഷ്യസ് ഡിസീസസ് ഡയറക്ടർ ആന്റണി ഫാസി വ്യക്തമാക്കിയതിനെ തുടർന്ന് ഒറ്റരാത്രികൊണ്ട് യുഎസ് ഓഹരികൾ ഇടിഞ്ഞു.
