Just In
-
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള് -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
തിരുവനന്തപുരം: സംസ്ഥാനത്ത് സ്വര്‍ണവില കൂടി. പവന് 480 രൂപയും ഗ്രാമിന് 60 രൂപയുമാണ് ഇന്ന് വര്‍ധിച്ചത്. ഇതോടെ പവന് വില 30,080 രൂപയായി. ഗ്രാമിന് 4,385 രൂപയും. സമാനമായി വെള്ളി വിലയും ഇന്ന് കൂടി. വെള്ളി ഗ്രാമിന് 70.50 രൂപയാണ് ഇന്ന് നിരക്ക്. 8 ഗ്രാം വെള്ളിക്ക് നിരക്ക് 564 രൂപ. 19 ആം തീയതിയാണ് സ്വര്‍ണം ഈ മാസത്തെ ഏറ്റവും കുറഞ്ഞ വിലനിലവാരം കുറിച്ചത്. അന്നേ ദിവസം സ്വര്‍ണവില 34,400 രൂപയിലെത്തി. രാജ്യാന്തര വിപണിയിലെ ചലനം പ്രമാണിച്ചാണ് ഇന്ത്യയില്‍ സ്വര്‍ണവില കൂടുന്നതും കുറയുന്നതും.
ആഭ്യന്തര വിപണിയിലും സ്വര്‍ണം നേരിയ വിലവര്‍ധനവ് കുറിച്ചത് കാണാം. രാജ്യത്തെ പ്രമുഖ ചരക്ക് വ്യാപാര ഇടമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണത്തിന് വില 46,947 രൂപയിലാണ് എത്തിനില്‍ക്കുന്നത്. തിങ്കളാഴ്ച്ച 700 രൂപയോളം സ്വര്‍ണത്തിന് വില കൂടിയിരുന്നു. വെള്ളിയുടെ കിലോ നിരക്കും 0.24 ശതമാനം വര്‍ധനവോടെ 70,598 രൂപയിലെത്തി. ദില്ലിയില്‍ 46,013 രൂപയാണ് 10 ഗ്രാം സ്വര്‍ണത്തിന് വില; 278 രൂപയുടെ വര്‍ധനവ്.
രാജ്യാന്തര വിപണിയില്‍ സ്വര്‍ണത്തിന് വില ഉയര്‍ന്നതിന്റെ പ്രതിഫലനമാണ് ഇന്ത്യയിലും ദൃശ്യമാവുന്നത്. കഴിഞ്ഞ ഒരാഴ്ച്ചക്കിടെയുള്ള ഏറ്റവും ഉയര്‍ന്ന നിലയിലാണ് സ്വര്‍ണം ചൊവാഴ്ച്ച വന്നിരിക്കുന്നത്. അമേരിക്ക പ്രഖ്യാപിക്കാനിരിക്കുന്ന സാമ്പത്തിക ഉത്തേജന പാക്കേജിനെക്കുറിച്ചുള്ള പ്രതീക്ഷകള്‍ സ്വര്‍ണവിലയ്ക്ക് കരുത്തുപകരുന്നുണ്ട്. ഒപ്പം ഡോളര്‍ ദുര്‍ബലമായി തുടരുന്നതും മഞ്ഞലോഹത്തെ തുണയ്ക്കുന്നു. ഔണ്‍സിന് 1,812.06 ഡോളറാണ് സ്വര്‍ണത്തിന്റെ ഇന്നത്തെ കമ്പോള നിലവാരം.
മറ്റു കറന്‍സികളില്‍ സ്വര്‍ണം വാങ്ങുന്നവരെ ഡോളറിന്റെ വീഴ്ച്ച തുണയ്ക്കുന്നുണ്ട്. രാജ്യാന്തര വിപണിയില്‍ മറ്റു വിലയേറിയ ലോഹങ്ങളും വിലയിടറി നില്‍ക്കുകയാണ്. വെള്ളിയുടെ ഔണ്‍സ് നിരക്ക് 0.4 ശതമാനം കുറഞ്ഞ് 28.04 ഡോളറിലെത്തി. പ്ലാറ്റിനത്തിന്റെ ഔണ്‍സിന് 1,267.46 ഡോളര്‍ രേഖപ്പെടുത്തുന്നു; ഇടിവ് 0.4 ശതമാനം. ഇതേസമയം, പലേഡിയത്തിന് വില കൂടി. ഔണ്‍സിന് 2,401.52 ഡോളറാണ് ഇന്ന് പലേഡിയത്തിന് വില.
