ലോകമെമ്പാടുമുള്ള കറൻസികൾക്ക് ഏറ്റവും പ്രിയങ്കരമായ ബദലുകളിൽ ഒന്നാണ് സ്വർണം. ഇക്വിറ്റികൾ, ക്രൂഡ് ഓയിൽ, ബോണ്ടുകൾ, എന്നിവയുമായി താരതമ്യപ്പെടുത്തുമ്പോൾ താരതമ്യേന സ്ഥിരതയുള്ള വിലയാണ് സ്വർണത്തെ വ്യാപാരികളുടെ പ്രിയ വസ്തുവാക്കി മാറ്റിയത്. 2019 സ്വർണ നിക്ഷേപത്തിന് എങ്ങനെയുണ്ടായിരുന്നുവെന്നും 2020ൽ സ്വർണ വില വീണ്ടും ഉയരാൻ സാധ്യതയുണ്ടോയെന്നും പരിശോധിക്കാം.
സ്വർണത്തിന്റെ പ്രത്യേകത
ഇക്വിറ്റികൾ, റിയൽ എസ്റ്റേറ്റ് ആസ്തികൾ, മറ്റ് മൂലധന വിപണി സെക്യൂരിറ്റികൾ, മ്യൂച്വൽ ഫണ്ട് നിക്ഷേപങ്ങൾ, സ്ഥിര നിക്ഷേപങ്ങൾ എന്നിവയുമായി താരതമ്യപ്പെടുത്തുമ്പോൾ സാധ്യമായ എല്ലാ രൂപത്തിലുള്ള സ്വർണ്ണവും വളരെ വേഗത്തിൽ പണമായി മാറ്റാൻ കഴിയുമെന്നതാണ് സ്വർണത്തിന്റെ ഏറ്റവും വലിയ പ്രത്യേകത. കൂടാതെ, സ്വർണം എപ്പോൾ വേണമെങ്കിലും ആഭരണങ്ങളാക്കിയും മാറ്റാം. 2019 ൽ സ്വർണത്തിൽ നിക്ഷേപിച്ചിട്ടുള്ളവർക്ക് 22.15 ശതമാനം വരെ നേട്ടമുണ്ടായി.
സ്വർണ വില
എച്ച്ഡിഎഫ്സി സെക്യൂരിറ്റീസ് റിപ്പോർട്ട് അനുസരിച്ച് ചൊവ്വാഴ്ച സ്വർണ വില ദേശീയ തലസ്ഥാനത്ത് 10 ഗ്രാമിന് 191 രൂപ ഉയർന്ന് 39,239 രൂപയായി. ക്രിസ്മസ്, ന്യൂ ഇയർ ദിനങ്ങളോട് അനുബന്ധിച്ചുള്ള വില വർദ്ധനവാണിത്. ദീർഘകാലത്തേക്ക് സ്വർണ്ണ വില ഇത്തരത്തിൽ ഉയരാനാണ് സാധ്യതയെന്നാണ് വിദഗ്ധരുടെ വിലയിരുത്തൽ. ക്രിസ്മസിന് മുന്നോടിയായി സംസ്ഥാനത്ത് കഴിഞ്ഞ ദിവസം സ്വർണ വില പവന് 160 രൂപ വർദ്ധിച്ച് 28600 രൂപ എത്തിയിരുന്നു.
സ്വർണം പണയം വച്ച് വായ്പ എടുക്കുന്നവർ ശ്രദ്ധ്ക്കുക? ഈ അബദ്ധങ്ങൾ പറ്റരുത്
ഇന്ത്യയിൽ ഈ വർഷം
ഇന്ത്യയിൽ ഈ വർഷം ഇതുവരെ സ്വർണ്ണ വില 20% വരെ ഉയർന്നിട്ടുണ്ട്, സെപ്റ്റംബറിലാണ് വില ഏറ്റവും ഉയർന്ന നിലയിൽ എത്തിയത്. 10 ഗ്രാമിന് 40,000 രൂപ വരെ വില ഉയർന്നിരുന്നു. വില ഉയർന്നതോടെ ഇന്ത്യയിൽ സ്വർണ്ണത്തിന്റെ ഡിമാൻഡ് കുറഞ്ഞുവെന്ന് വ്യാപാരികൾ പറയുന്നു.
സ്വർണ ധനസമ്പാദന പദ്ധതി മെച്ചപ്പെടുത്താൻ സർക്കാർ നിർദ്ദേശം തേടുന്നു, നേട്ടങ്ങൾ എന്തൊക്കെ?
2020ൽ സ്വർണ വില കൂടുമോ?
2020ൽ സ്വർണ വില നിലവിലുള്ളതിനേക്കാൾ കൂടാൻ സാധ്യതയുണ്ടെന്ന് വിദഗ്ധർ വ്യക്തമാക്കി. വ്യാപാര അനിശ്ചിതത്വത്തിന്റെയും ആഗോള വളർച്ചയെക്കുറിച്ചുള്ള ആശങ്കകളുടെയും ഫലമായി നിലവിലെ നിലവാരത്തിൽ നിന്ന് സ്വർണ്ണവില വീണ്ടും ഉയരാണ് സാധ്യത.
തുടർച്ചയായ നാലാം ദിവസവും സ്വർണ വിലയിൽ വർദ്ധനവ്, വില കുറയാൻ സാധ്യത