'കൊറേ ഓടിയതല്ലേ റെസ്റ്റ് എടുക്കട്ടെ', അനക്കമില്ലാതെ സ്വർണം: ഇന്നത്തെ വില അറിയാമോ

എന്നും ചേഞ്ച് തന്ന് തന്ന് ക്ഷീണിച്ചത് കൊണ്ടാവും സ്വർണ്ണവിലയിൽ ഇന്ന് മാറ്റമൊന്നുമില്ല. കഴിഞ്ഞ ദിവസത്തെ അതേ വിലയിൽ തന്നെയാണ് ഇന്നും വ്യാപാരം നടക്കുന്നത്. വിവാഹത്തിന് പെണ്ണിനെ ഇട്ട് മൂടാനുള്ള സ്വർണം കൊടുത്തേ മതിയാകൂ എന്ന് കരുതുന്നവർക്ക് പക്ഷെ ഇന്നും നിരാശ തന്നെയാണ് ഉണ്ടാവുക. കാരണം കഴിഞ്ഞ ദിവസത്തെ റെക്കോർഡ് വിലയിൽ തന്നെയാണ് ഇന്നും പൊന്നുള്ളത്.

ഇന്ന് തളർന്നൊന്ന് ഇരുന്നെന്ന് കരുതി പൊന്നിനെ വില കുറച്ച് കാണാൻ കഴിയില്ല. നിലവിലെ ഏറ്റവും മികച്ച സമ്പാദ്യം മാർഗമാണ് സ്വർണം. ഓരോ ദിവസവും വില കുതിക്കുകയല്ലാതെ കുറയുന്നത് വിരളമാണ്. കഴിഞ്ഞ ദിവസം പവന് 200 രൂപയാണ് ഉയർന്നത്. രാജ്യാന്തര വിപണിയിൽ കൂടുതൽ ശക്തി പ്രാപിച്ചതാണ് വിലക്കയറ്റത്തിന്റെ കാരണം.

ഇന്നത്തെ സ്വർണ വില

ഇന്ന് കഴിഞ്ഞ ദിവസത്തെ പോലെ തന്നെ ഒരു ​ഗ്രാമിന് 25 രൂപ ഉയർന്ന നിലയിൽ 7930 രൂപയായി തുടരുകയാണ്. പവന് 200 രൂപയുടെ ഉയർച്ച നിലനിർത്തിക്കൊണ്ട് 63,440 രൂപയിൽ തന്നെ തുടരുന്നു. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 79,300 രൂപയാണ്. 24 കാരറ്റ് സ്വർണത്തിന് ഒരു ​ഗ്രാമിന് 8651 രൂപയും പവന് 69,208 രൂപയുമാണ്. 18 ​കാരറ്റിന് ഒരു ​ഗ്രാമിന് 6488 രൂപയും പവന് 51,904 രൂപയുമാണ്.