സ്വർണത്തിന് വീണ്ടും പൊന്നും വില, പവന് 29000 രൂപ കടന്നു

കേരളത്തിൽ സ്വര്‍ണ വിലയില്‍ ഇന്ന് വീണ്ടും വന്‍ വര്‍ദ്ധനവ്. ഗ്രാമിന് 10 രൂപയും പവന് 80 രൂപയുമാണ് ഇന്ന് കൂടിയത്. ഗ്രാമിന് 3,635 രൂപയും പവന് 29,080 രൂപയുമാണ് സംസ്ഥാനത്തെ ഇന്നത്തെ സ്വര്‍ണ വില. ഡിസംബര്‍ 28നാണ് സ്വർണ വില 29,000 രൂപയിലെത്തിയത്. ഉയര്‍ന്ന നിരക്ക് പിന്നീട് താഴ്ന്നിട്ടില്ല. സെപ്റ്റംബര്‍ നാലിനാണ് ചരിത്രത്തിലെ ഏറ്റവും ഉയര്‍ന്ന നിരക്ക് സ്വര്‍ണത്തിന് രേഖപ്പെടുത്തിയത്. ഗ്രാമിന് 3,640 രൂപയും പവന് 29,120 രൂപയുമായിരുന്നു നിരക്ക്.

പവന് 28000 രൂപയാണ് ഈ മാസത്തെ ഏറ്റവും കുറഞ്ഞ വില. ഒരു മാസത്തിനുള്ളിൽ തന്നെ പവന് 1080 രൂപയുടെ വർദ്ധനവാണ് രേഖപ്പെടുത്തിയിരിക്കുന്നത്. എന്നാൽ വില ഉയർന്നതോടെ ഇന്ത്യയിൽ സ്വർണ്ണത്തിന്റെ ഡിമാൻഡ് കുറഞ്ഞുവെന്ന് വ്യാപാരികൾ പറയുന്നു.

വർഷാവസാനം സ്വർണ വിലയിൽ വൻ കുതിപ്പ്, പവന് 29000 രൂപയിലേയ്ക്ക് വർഷാവസാനം സ്വർണ വിലയിൽ വൻ കുതിപ്പ്, പവന് 29000 രൂപയിലേയ്ക്ക്

സ്വർണത്തിന് വീണ്ടും പൊന്നും വില, പവന് 29000 രൂപ കടന്നു

അന്താരാഷ്ട്ര വിപണിയിൽ സ്വര്‍ണത്തിന് ട്രോയ് ഔൺസിന് (31.1 ഗ്രാം) 1,522.72 ഡോളറാണ് ഇന്നത്തെ നിരക്ക്. ആഗോള വിപണിയിൽ സ്വർണം ഈ വർഷം 18% നേട്ടം കൈവരിച്ചു. യുഎസും ചൈനയും തമ്മിലുള്ള വ്യാപാര തർക്കം, ലോകത്തെ പ്രമുഖ സമ്പദ്‌വ്യവസ്ഥകളിലെ ധനനയം തുടങ്ങിയവയാണ് സ്വർണ്ണ വില ഉയരാൻ കാരണം. ഇന്ത്യയിൽ സ്വർണനിരക്ക് ഈ വർഷം ഏകദേശം 24% ഉയർന്നു.

യുഎസ് ഡോളറിനെതിരായ രൂപയുടെ മൂല്യത്തകർച്ചയും ഇറക്കുമതി തീരുവയുമാണ് വില ഉയരാൻ കാരണം. ഇന്ത്യയിലെ സ്വർണ്ണ വിലയിൽ 12.5% ഇറക്കുമതി തീരുവയും 3% ജിഎസ്ടിയും ഉൾപ്പെടുന്നു.

സ്വർണ വില കുത്തനെ ഉയർന്നു, ഇന്ന് ഈ മാസത്തെ ഏറ്റവും ഉയർന്ന വില സ്വർണ വില കുത്തനെ ഉയർന്നു, ഇന്ന് ഈ മാസത്തെ ഏറ്റവും ഉയർന്ന വില