കേരളത്തിൽ സ്വർണ വില വീണ്ടും കൂപ്പുകുത്തി, നവംബറിലെ ഏറ്റവും കുറഞ്ഞ വില ഇന്ന്

കേരളത്തിൽ സ്വർണ വില ഇന്ന് വീണ്ടും കുത്തനെ ഇടിഞ്ഞു, സ്വർണ വില പവന് 80 രൂപ കുറഞ്ഞ് 37520 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാമിന് 4690 രൂപയാണ് ഇന്നത്തെ സ്വർണ നിരക്ക്. നവംബറിലെ ഏറ്റവും കുറഞ്ഞ വിലയാണ് ഇന്ന് രേഖപ്പെടുത്തിയിരിക്കുന്നത്. നവംബറിലെ ഏറ്റവും ഉയർന്ന വില നവംബർ 9ന് രേഖപ്പെടുത്തിയ 38880 രൂപയാണ്.

ഇന്ത്യൻ വിപണി

ഇന്ത്യൻ വിപണിയിൽ സ്വർണ വില ഇന്ന് ഉയർന്നു. എം‌സി‌എക്‌സിൽ സ്വർണ്ണം 10 ഗ്രാമിന് 0.11 ശതമാനം ഉയർന്ന് 50,029 രൂപയിലെത്തി. സിൽവർ ഫ്യൂച്ചേഴ്സ് 0.3 ശതമാനം ഉയർന്ന് 61690 രൂപയിലെത്തി. കഴിഞ്ഞ സെഷനിൽ സ്വർണ്ണ വില 10 ഗ്രാമിന് 0.7 ശതമാനം അഥവാ 350 രൂപ കുറഞ്ഞിരുന്നു. വെള്ളി വില കിലോഗ്രാമിന് 1,000 രൂപ അല്ലെങ്കിൽ 1.63 ശതമാനം കുറഞ്ഞിരുന്നു.

ആഗോള വിപണി

യു‌എസിലെ കൂടുതൽ ഉത്തേജക നടപടികളെക്കുറിച്ചുള്ള അനിശ്ചിതത്വത്തിനിൽ ആഗോള വിപണിയിൽ സ്വർണ്ണ വില ഇന്ന് താഴ്ന്നു. സ്പോട്ട് സ്വർണ വില 0.2 ശതമാനം ഇടിഞ്ഞ് 1,863.21 ഡോളറിലെത്തി. വിലയേറിയ മറ്റ് ലോഹങ്ങളിൽ വെള്ളി വില ഔൺസിന് 0.1 ശതമാനം ഇടിഞ്ഞ് 24.06 ഡോളറിലെത്തി. പ്ലാറ്റിനം വില 0.2 ശതമാനം ഇടിഞ്ഞ് 949.88 ഡോളറിലെത്തി.

ഗോൾഡ് ഇടിഎഫ്

ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച് ട്രേഡഡ് ഫണ്ടായ എസ്‌പി‌ഡി‌ആർ ഗോൾഡ് ട്രസ്റ്റിലെ ഹോൾഡിംഗ്സ് വ്യാഴാഴ്ച 0.14 ശതമാനം ഇടിഞ്ഞ് 1,217.25 ടണ്ണായി. കൊവിഡ് -19 വർദ്ധനവിനെ തുടർന്ന് ജീവനക്കാർക്കും കമ്പനികൾക്കും പുതിയ നിയന്ത്രണങ്ങൾ ഏർപ്പെടുത്തുന്നത് ആഗോള സാമ്പത്തിക വീണ്ടെടുപ്പിന് അപകടമാണെന്ന് അന്താരാഷ്ട്ര നാണയ നിധിയും 20 രാജ്യങ്ങളുടെ ഗ്രൂപ്പും മുന്നറിയിപ്പ് നൽകിയതും സ്വർണ വിപണിയെ സ്വാധീനിച്ചിട്ടുണ്ട്. 

വാക്സിൻ പ്രതീക്ഷയിൽ സ്വർണ വില

കൊവിഡ് വാക്സിനിനെക്കുറിച്ചുള്ള ശുഭാപ്തിവിശ്വാസം മഞ്ഞ ലോഹത്തിന്മേൽ സമ്മർദ്ദം ചെലുത്തിയതോടെ കഴിഞ്ഞയാഴ്ച ഇന്ത്യയിൽ സ്വർണ്ണ വില 10 ഗ്രാമിന് 1200 രൂപ കുറഞ്ഞിരുന്നു. ഓഗസ്റ്റിലെ ഏറ്റവും ഉയർന്ന നിരക്കായ 56,200 രൂപയുമായി താരതമ്യം ചെയ്യുമ്പോൾ സ്വർണ വിലയിൽ ഇപ്പോൾ 6,000 രൂപയുടെ കുറവുണ്ട്.